Daniel 4:36 - Nau Brah Ndu Ngơi 2023

³⁶ Mông nây nau gĭt rbăng gâp plơ̆ sĭt tay. Gâp joi geh tay nau chrêk rmah ma ƀon bri hađăch gâp, nau rnam jêh ri nau chrêk rmah sĭt tay ma gâp. Phung kôranh tâm nchră jêh ri phung kôranh toyh văch tanăp gâp da dê. Dơi ndâk tay gâp chiă uănh tâm ƀon bri hađăch jêh ri ntop đŏng ma gâp jêng toyh lơn ntơm saơm.

Daniel 4:36 Iomraidhean Croise

Ndrom Samƀŭt bơh Yôp 13:12

Nau hôr bơh khân may dơm dam nâm bu ŭnh buh; Khân may dăp nau ngơi hươi nâm bu neh bŏk.

Nau Hôr 22:4

Nau nkhôm ăn nau dêh rhêt jêh ri klach yơk ma Brah Yêhôva Jêng nau ndrŏng, nau bu yơk jêh ri nau rêh.

Daniel 2:31

Ơ hađăch, aơ, may hŏ saơ jêh du mlâm rup toyh. Rup nây toyh ngăn jêh ri nchrat ang ngăn, gŭ dâk tanăp may, păng klach ngăn.

Daniel 4:22

Ơ hađăch, tơm si nây jêng may yơh. Hađăch hŏ jêng toyh ktang jêh ri ndrŏng kuăng; nau dŭt prêh may n'hao tât ta klơ trôk, nau may dơi chiă uănh lăk dĭ tât ta nglĕ dŭt rplay neh.

Daniel 4:32

Bu mra nsot may tă bơh ta nklang phung bunuyh jêh ri gŭ ndrel ma mpô mpa bri. Bu mra ăn may sa gơ̆ nâm bu ndrôk jêh ri lăn tâm pơh gưl kŏ may gĭt rbăng pô aơ Nơm Dŭt Prêh chiă uănh tâm ƀon bri hađăch kon bunuyh jêh ri ăn ma bu tĭng nau Păng nơm ŭch.”

Daniel 4:34

Tơlah lôch jêh nar nây, gâp, Y-Nêbukatnetsar, n'gơr măt ta klơ trôk, nau gĭt rbăng plơ̆ sĭt tay, gâp tâm rnê lah ueh ma Nơm Dŭt Prêh. Gâp mprơ tâm rnê jêh ri mât ton Nơm Rêh N'ho Ro. Nau dơi Păng chiă uănh jêng nau dơi n'ho ro, Ƀon bri hađăch Păng ntơm bơh rnôk aơ tât rnôk ri.

Mathay 6:33

Ƀiălah lor lơn, ăn khân may joi ƀon bri hađăch Brah Ndu jêh ri nau sŏng srăng Păng, ri mơ Păng mra ăn ntop lĕ rngôch ndơ nây ma khân may đŏng.

II Kôrintô 4:17

Yorlah nau rêh ni hên n'gơch jêh ri ƀât lât mra djôt ma hên nau chrêk rmah toyh lơn jêh ri n'ho ro,

I Samuel 2:30

Yor ri, Yêhôva Brah Ndu Israel lah: ‘Gâp hŏ tă lah jêh pô aơ ngih may jêh ri ngih mbơ̆ may mra n'ho ro pah kan tanăp măt Gâp.’ Ƀiălah aƀaơ Brah Yêhôva lah, nau nây mâu hôm geh tâm ban pônây ôh! Yorlah mbu nơm yơk ma Gâp, Gâp mra yơk ma păng, bi mbu tâm rmot ma Gâp, Gâp mra tâm rmot ma păng.