Daniel 4:34 - Nau Brah Ndu Ngơi 2023

³⁴ Tơlah lôch jêh nar nây, gâp, Y-Nêbukatnetsar, n'gơr măt ta klơ trôk, nau gĭt rbăng plơ̆ sĭt tay, gâp tâm rnê lah ueh ma Nơm Dŭt Prêh. Gâp mprơ tâm rnê jêh ri mât ton Nơm Rêh N'ho Ro. Nau dơi Păng chiă uănh jêng nau dơi n'ho ro, Ƀon bri hađăch Păng ntơm bơh rnôk aơ tât rnôk ri.

Daniel 4:34 Iomraidhean Croise

II Samuel 22:31

Bi ma Brah Ndu, lĕ trong Păng jêng nŭm rĭng, Nau Brah Yêhôva hŏ geh nau rlong uănh kloh jêh. Păng jêng khêl ma lĕ rngôch bunuyh nde krap tâm Păng.

I Nau Rêh Jêng 29:10

Tra năp lĕ rngôch phung tâm rƀŭn, Y-Đavit mât ton ma Brah Yêhôva pô aơ: “Hơi Yêhôva Brah Ndu chô yau hên jêng Israel! Mât ton ma May kŏ tât ƀaƀơ n'ho ro!

I Nau Rêh Jêng 29:13

Aƀaơ ri, hơi Brah Ndu hên! Hên tâm rnê ma Kôranh Brah jêh ri mât ton ma amoh chrêk rmah May.

Ndrom Samƀŭt bơh Yôp 1:21

jêh ri lah: “Gâp rah rhôk luh bơh ndŭl me Gâp mra plơ̆ sĭt rah rhôk tay đŏng; Brah Yêhôva hŏ ăn jêh, Brah Yêhôva plơ̆ sŏk sĭt tay; Khư tâm rnê amoh Brah Yêhôva!”

Nau Mprơ Ơm 10:16

Brah Yêhôva ƀư hađăch tât ƀaƀơ n'ho ro; Lĕ bri dak bu mra ƀư rai tă bơh neh Păng.

Nau Mprơ Ơm 102:24

Gâp lah pô aơ: “Ơ Brah Ndu! Lĕ năm May gŭ bơh rnôk aơ tât rnôk ri. Lơi ta sŏk gâp Dôl n'gul nau rêh gâp mâu hŏ lôch ôh!”

Nau Mprơ Ơm 107:15

Ăn bu tâm rnê lah ueh ma Brah Yêhôva yor nuih n'hâm ueh Păng, Jêh ri yor nau mbên khlay Păng ƀư jêh ma phung kon bunuyh!

Nau Mprơ Ơm 107:22

Ăn khân păng nhhơr ndơ ƀư brah nau tâm rnê lah ueh, Jêh ri nkoch bri lĕ kan Păng ma nau mprơ răm maak.

Nau Mprơ Ơm 107:31

Ăn bu tâm rnê ma Brah Yêhôva yor nuih n'hâm ueh Păng, Jêh ri yor lĕ nau mbên khlay Păng ƀư jêh ma phung kon bunuyh!

Nau Mprơ Ơm 107:8

Ăn bu tâm rnê lah ueh ma Brah Yêhôva yor nuih n'hâm ueh Păng, Jêh ri yor lĕ nau mbên khlay Păng ƀư jêh ma phung kon bunuyh!

Nau Mprơ Ơm 111:7

Kan ti Păng jêng nau răp jăp jêh ri nau sŏng srăng; Lĕ nau vay bơh ntăm Păng khư rnơm ngăn,

Nau Mprơ Ơm 121:1

Gâp n'gơr măt mpeh klơ yôk: Nau kơl gâp ntŭk tă?

Nau Mprơ Ơm 123:1

Kon n'gơr măt n'gĭl uănh ma Brah Ndu, Jêng nơm gŭ ta klơ lĕ ndâr trôk,

Nau Mprơ Ơm 145:13

Ƀon bri hađăch May jêng ƀon bri hađăch n'ho ro, Nau May chiă uănh gŭ mro tă bơh rơh aơ tât rơh ri.

Nau Mprơ Ơm 146:10

Brah Yêhôva mra chiă uănh n'ho ro; Hơi ƀon Siôn, Brah Ndu may ƀư Hađăch bơh rnôk aơ tât rnôk ri! Halêluya!

Nau Mprơ Ơm 50:14

Nhhơr hom nau tâm rnê lah ueh jêng ndơ ƀư brah ma Brah Ndu Jêh ri ƀư lôch nau may ton ma Nơm Dŭt Prêh.

Nau Mprơ Ơm 66:7

Păng dŏng nau brah Păng gay ma chiă uănh n'ho ro; Măt Păng sek uănh lĕ bri dak; Phung rlăng lơi ta n'hao êng khân păng. (Sêla)

Nau Mprơ Ơm 7:17

Gâp mra nsĭt lah ma Brah Yêhôva ma nau sŏng srăng Păng, Gâp mra mprơ tâm rnê ma amoh Brah Yêhôva jêng Nơm Dŭt Prêh.

Nau Mprơ Ơm 9:2

Ơ Nơm Dŭt Prêh, Gâp mra hâk maak jêh ri răm rhơn tâm May; Gâp mra mprơ tâm rnê ma amoh May.

Nau Mprơ Ơm 92:1

Ơ Nơm Dŭt Prêh, ueh dŭt n'hâm ngăn tơlah mprơ tâm rnê Brah Yêhôva Jêh ri tâm rnê ma amoh May;

Êsai 13:11

Gâp mra tâm rmal neh ntu yor nau mhĭk khân păng, Rmal phung ƀai yor nau kue khân păng; Gâp mra ƀư lôch nau sưr phung rnam, Jêh ri ƀư roh nau sưr phung ƀư ƀai.

Êsai 2:11

Muh măt kon bunuyh sưr rlau bu mra n'glưh lơi, Nau sưr rlau kon bunuyh mra chŭn; Tâm nar nây, Knŏng du huê Brah Yêhôva dơm geh nau yơk prêh.

Êsai 24:15

Pôri bơh mpeh luh nar, mât ton hom ma Brah Yêhôva, Tă bơh lĕ gôl dak mƀŭt, tâm rnê ma Amoh Brah Yêhôva, Brah Ndu Israel.

Yêrêmi 10:10

Ƀiălah Brah Yêhôva jêng Brah Ndu nanê̆ ngăn; Păng jêng Brah Ndu gŭ rêh mro mrăng, jêng Hađăch n'ho ro. Neh ntu n'gơ n'găr dôl Păng hao ji nuih, Phung ƀon lan mâu dơi dơn ôh nau ji nuih Păng.

Nau Nhĭm Vơl 3:38

Di lĕ bơh mbung Nơm Dŭt Prêh Luh du n'ho ma nau mhĭk nđâp ma nau ueh?

Daniel 12:7

Gâp tăng bunuyh nsoh bok mhay dâk ta klơ dak krong, yơr ti ma jêh ri ti chiau leo pa trôk, sŏk amoh Nơm gŭ rêh mro mrăng sơm ton pô aơ: “Mra dơi rgăn du gưl, bar gưl jêh ri n'gul gưl, jêh ri nau ktang phung kloh ueh mra dŭt pôri lĕ nau aơ mra lôch ngăn jêh.”

Daniel 2:44

Tâm rnôk phung hađăch aơ, Brah Ndu tâm trôk mra rdâk du rplay ƀon bri hađăch mâu mra mâp rai lôch ôh, nau chiă uănh ƀon bri hađăch nây mâu mra tŭp ma phung ndŭl mpôl êng. Ƀon bri hađăch nây mra dong nchah jêh ri ƀư rai lĕ rngôch ƀon bri hađăch êng, păng nơm mra hôm n'ho ro.

Daniel 4:2

Gâp maak ngăn dơi tâm mpơl ăn ma khân may lĕ nau mbên khlay ngăn Brah Ndu Dŭt Klơ Lơn ƀư jêh ma gâp.

Daniel 4:26

Bi nau ntăm ăn cha lat tơm reh tơm si nây geh nau khlay jêng ƀon bri hađăch may mra dơi njêng tay ma may tơlah may gĭt năl Nơm chiă uănh lĕ ndâr trôk.

Daniel 4:3

Ơ! Lĕ nau mbên klay Păng toyh ngăn ngên, Lĕ nau khlay Păng mâu blau ntĭt ôh! Ƀon bri hađăch Păng jêng ƀon bri hađăch n'ho ro, Nau Păng chiă uănh gŭ tâm lĕ rngôch rnôk.”

Daniel 4:32

Bu mra nsot may tă bơh ta nklang phung bunuyh jêh ri gŭ ndrel ma mpô mpa bri. Bu mra ăn may sa gơ̆ nâm bu ndrôk jêh ri lăn tâm pơh gưl kŏ may gĭt rbăng pô aơ Nơm Dŭt Prêh chiă uănh tâm ƀon bri hađăch kon bunuyh jêh ri ăn ma bu tĭng nau Păng nơm ŭch.”

Daniel 4:36

Mông nây nau gĭt rbăng gâp plơ̆ sĭt tay. Gâp joi geh tay nau chrêk rmah ma ƀon bri hađăch gâp, nau rnam jêh ri nau chrêk rmah sĭt tay ma gâp. Phung kôranh tâm nchră jêh ri phung kôranh toyh văch tanăp gâp da dê. Dơi ndâk tay gâp chiă uănh tâm ƀon bri hađăch jêh ri ntop đŏng ma gâp jêng toyh lơn ntơm saơm.

Daniel 5:18

Ơ hađăch, Brah Ndu Nơm Dŭt Prêh ăn jêh ƀon bri hađăch, nau dơi dŭt prêh, nau chrêk rmah, jêh ri nau rnam ăn ma mbơ̆ may jêng Y-Nêbukatnetsar.

Daniel 5:21

Bu nsot păng bơh tâm nklang phung bunuyh; nau mĭn jêng nâm bu nau mĭn mpô mpa, mra gŭ ndrel ma seh bri, sa gơ̆ nâm bu ndrôk jêh ri săk jăn păng bĕ ma dak ngom bơh trôk, kŏ tât păng gĭt Brah Ndu Nơm Dŭt Prêh chiă uănh tâm ƀon bri hađăch kon bunuyh jêh ri ma mbu nơm Păng ndâk tĭng nơm Păng ŭch.

Daniel 6:26

Gâp ăn samƀŭt nau ntrŭnh pô aơ ta lam ntŭk tâm ƀon bri hađăch gâp lĕ rngôch bunuyh mra yơk mbah jêh ri râm nsâr klach tanăp Brah Ndu Y-Daniel Yorlah Păng jêng Brah Ndu gŭ rêh mro mrăng Jêh ri hôm gŭ rêh n'ho ro. Ƀon bri hađăch Păng mâu blau rai lôch ôh, Nau Păng chiă uănh mra dŭt toyh mâu blau lôch ôh.

Daniel 7:14

Nơm Gŭ Rêh Bơh Rnôk Kăl E ăn ma nơm nây nau dơi chiă uănh, Nau chrêk rmah jêh ri ƀon bri hađăch. Ma lĕ rngôch phung ƀon lan, lĕ rngôch bri dak, lĕ rngôch nau ngơi Pah kan ma nơm nây da dê. Nau Păng chiă uănh jêng nau dơi n'ho ro, Mâu mra rlau lôch ôh, Jêh ri ƀon bri hađăch Păng mâu mra rai ôh, Mâu mra rai ôh.”

Daniel 7:27

Rnôk nây, ƀon bri hađăch nây, nau dơi chiă uănh Jêh ri nau toyh ma lĕ rngôch ƀon bri hađăch tâm neh ntu Mra dơi ăn ma ƀon lan phung koh ueh Nơm Dŭt Prêh. Ƀon bri hađăch Păng jêng ƀon bri hađăch n'ho ro Jêh ri lĕ rngôch nau dơi chiă uănh pah kan jêh ri tông bâr Păng da dê.’

Daniel 9:14

Yor nây, Brah Yêhôva kâp rơm ndrăp jêh ri nkhŭt nau mhĭk aơ ta klơ hên yor Yêhôva Brah Ndu hên jêng sŏng srăng tâm lĕ kan May pah, knŏng hên mâu ŭch tông ôh bâr May.

Yônais 1:14

Khân păng mbơh sơm ma Brah Yêhôva pô aơ: “Ơ Brah Yêhôva, hên vơh vơl ma May, dăn lơi ăn hên khĭt yor nau rêh bunuyh aơ jêh ri lơi ta ăn mham mâu geh tih nkhŭt ntŭp ta klơ hên! Ơ Brah Yêhôva yorlah May jêng Nơm hŏ ƀư jêh nau May ŭch.”

Mika 4:7

Jêh nây Gâp mra sŏk bunuyh kuet ƀư jêng phung ƀon lan hôm e klen Jêh ri phung bu chalơi jêng du bri dak dŭt janh: Brah Yêhôva mra chiă uănh khân păng ta klơ yôk Siôn Ntơm bơh aƀaơ aơ kŏ tât lĕ rngôch rnôk n'ho ro.

Luka 1:33

Păng mra jêng chiă uănh n'ho ro ngih Y-Yakôp; ƀon bri hađăch Păng mra hôm mro mrăng n'ho ro.”

Luka 18:13

Bi bunuyh riu pi gŭ ngai ngai, kŏ tât mâu nănh n'gơr măt klơ trôk, knŏng tŭr ntang ntơh jêh ri lah: ‘Ơ Brah Ndu, dăn yô̆ nđach ma gâp, yorlah gâp jêng du huê bunuyh tih!’

Yôhan 5:26

Yorlah nâm bu Mbơ̆ geh nau rêh tâm Păng nơm, pôri Mbơ̆ ăn đŏng ma Kon nau rêh tâm Păng nơm kơt nây lĕ.

Nau Vay Nkah Tay 32:4

Păng jêng Lŭ Toyh, nau kan Păng jêng rah vah ngăn, Yorlah lĕ rngôch trong Păng jêng nau di. Brah Ndu Nơm răp jăp jêh ri mâu geh nau tih ôh, Nau di jêh ri nau sŏng ƀaƀơ.

I Timôthê 1:17

Dăn nau yơk jêh ri nau chrêk rmah n'ho ro mâu blau lôch jêng ndơ ma Hađăch lĕ rngôch rnôk, mâu blau khĭt, mâu geh rup, nâm bu ntĭt Brah Ndu, knŏng nguay! Amen.

I Timôthê 6:16

jêng Nơm knŏng nguay mâu blau khĭt, gŭ ta nklang nau ang mâu geh ôh nơm dơi hăn dăch, jêng Nơm ê hŏ geh bunuyh saơ mâu lah dơi saơ. Mbơh sơm dăn nau yơk jêh ri nau brah n'ho ro jêng ndơ Păng! Amen.

Nau Tâm Mpơl 10:6

sŏk amoh Nơm gŭ rêh n'ho ro, Nơm rhăk njêng trôk jêh ri lĕ rngôch ndơ klơ trôk, neh ntu jêh ri lĕ rngôch ndơ klơ neh ntu, dak mƀŭt jêh ri lĕ rngôch ndơ tâm dak mƀŭt, jêh ri sơm ton pô aơ: “Mâu mra hôm mbrĕ mbrơi ôh!

Nau Tâm Mpơl 11:15

Tông mpăr rơh pơh uh nŭng, geh bâr dŭt nteh ngăn tă bơh ta klơ trôk lah pô aơ: “Ƀon bri hađăch neh ntu jêng ndơ Kôranh Brah he, Jêh ri Brah Krist Păng. Păng mra chiă uănh n'ho ro.”

Nau Tâm Mpơl 4:10

pôri bar jât ma puăn kôranh bu ranh chon mon tanăp Nơm gŭ ta sưng hađăch jêh ri yơk mbơh ma Nơm gŭ rêh n'ho ro. Khân păng klŭp đon hađăch khân păng nơm tanăp sưng hađăch, jêh ri lah:

Nau Tâm Mpơl 4:9

Ăp tơ̆ phung mpa rêh nhhơr nau chrêk rmah, nau yơk jêh ri nau lah ueh ma Nơm gŭ ta sưng hađăch, jêng Nơm gŭ rêh n'ho ro,