Daniel 4:30 - Nau Brah Ndu Ngơi 2023

³⁰ hađăch lah: “Mâu di hĕ aơ ƀon Babilôn dŭt toyh gâp nơm rdâk jêh ƀư ƀon hađăch ma nau dơi dŭt prêh gâp tâm rnê ma nau chrêk rmah chrat ang ma gâp ta nây lĕ?”

Daniel 4:30 Iomraidhean Croise

Nau Ntơm 10:10

Ntơm geh ƀon bri hađăch păng jêng ƀon Ƀaƀel, ƀon Êrek, ƀon Akat jêh ri ƀon Kalnê gŭ tâm n'gor Sinar.

Êsther 1:4

Tâm du rhiăng pham jât nar, hađăch mpơl nau ndrŏng chrêk lơp ƀon bri hađăch păng jêh ri nau lit rnam jêh ri nau lơp rmal păng.

Nau Mprơ Ơm 104:1

Ơ huêng gâp, mât ton hom ma Brah Yêhôva! Ơ Yêhôva Brah Ndu gâp, May jêng toyh ngăn; May nsoh jêh nau chrat ang jêh ri nau nchrat ral!

Nau Mprơ Ơm 49:20

Bunuyh geh nau ndrŏng kuăng jêh ri mâu geh nau gĭt rbăng Jêng tâm ban ma mpô mpa hăn tâm nau rai yot.

Nau Mprơ Ơm 73:8

Khân păng nsŭch, ngơi lĕ nau mhĭk jêh ri nkrit nhhu Khân păng ngơi bêng ma nau sưr.

Nau Hôr 11:2

Tơlah nau sưr tât, nau prêng ăt tât lĕ; Ƀiălah nau blau mĭn hôm gŭ ndrel ma phung dêh rhêt.

Nau Hôr 16:18

Nau sưr hăn lor, nau rai lôch groi pakơi, Jêh ri nau n'hao êng nơm hăn lor tâm nau tŭp.

Nau Hôr 29:23

Nau sưr bơh du huê bunuyh mra ntrŭnh lơi nơm nây, Ƀiălah mbu nơm geh nuih n'hâm dêh rhêt mra geh nau yơk.

Êsai 13:19

Babilôn jêng nau chrêk rmah ma lĕ rngôch bri hađăch, Jêng nau hưn n'glưh ma phung Kaldê, Mra jêng tâm ban ma Sôdôm jêh ri Gômôrơ, Lah Brah Ndu nklơ̆ rlă khân păng.

Êsêkiêl 29:3

Ngơi hom: Kôranh Brah Yêhôva lah: ‘Hơi Pharaôn, hađăch Êjipt, Aơ, Gâp tâm rdâng đah may, May jêng mpa djơh toyh juat Rvel ta nklang lĕ dak krong. May lah pô aơ: “Dak krong Nil jêng ndơ Gâp nơm Gâp nơm yơh hŏ njêng jêh păng.”

Daniel 4:31

Nau hađăch ngơi ê hŏ dŭt tă bơh trôm mbung pônây geh bâr ngơi bơh trôk lah: “Hơi Y-Nêbukatnetsar, aơ jêng nau mbơh ăn ma may gĭt: Ƀon bri hađăch du jêh tă bơh may.

Habakuk 1:11

Rnôk nây, rduh ran tât jêh ri hăn ntrŭt nâm bu sial phŭt, Khân păng ƀư tih jru ngăn Yorlah uănh nau dăng khân păng nơm jêng brah.”

Luka 14:11

Yorlah mbu nơm n'hao êng păng nơm bu mra ntrŭnh, ƀiălah mbu nơm ntrŭnh êng păng nơm bu mra n'hao păng.”

Luka 14:9

Nơm kôranh nau song sa lah đah may: ‘Ăn hom ntŭk ma bunuyh aơ gŭ,’ nôk nây may mra prêng yorlah mra hăn gŭ ta ntŭk nglĕ dŭt.

I Kôrintô 10:31

Pôri, khân may sông sa mâu lah nhêt, mâu lah ƀư moh nau kan êng, ƀư hom lĕ rngôch yor ma nau chrêk rmah Brah Ndu.

I Pêtrôs 5:5

Tâm ban lĕ, phung druh ndăm tông hom ma phung kôranh bu ranh. Lĕ rngôch bunuyh nsoh hom nau dêh rhêt gay ƀư ueh ndrăng khân may; yorlah Brah Ndu tâm rdâng đah phung sưr, ƀiălah ăn nau yô̆ ma phung dêh rhêt.

Nau Tâm Mpơl 14:8

Du huê tông mpăr êng, jêng nơm rơh bar tĭng groi pakơi, lah pô aơ: “Ƀon Babilôn dŭt toyh rlâm rai jêh, rlâm rai jêh! Păng ƀư ăn lĕ rngôch bri dak nhêt ndrănh pâl rlưn rlau keh păng mâu jan tĭng nau vay.”

Nau Tâm Mpơl 16:19

Ƀon dŭt toyh tâm pă jêng pe; bi lĕ ƀon toyh tâm ntil mpôl bunuyh rlâm lĕ. Brah Ndu kah gĭt ma ƀon Babilôn dŭt toyh, gay ma ăn păng nhêt kachok ndrănh nau Păng ji nuih hâu ngăn.

Nau Tâm Mpơl 17:5

Ta ndăr kleng păng geh nchih du amoh bêng ma nau ndâp: “BABILÔN DŬT TOYH, MÊ̆ PHUNG BU UR VĂNG TĬR JÊH RI LĔ NAU ɃƠ̆ ɃƠCH TA NEH NTU.”

Nau Tâm Mpơl 18:10

Yorlah klach nau rêh ni păng, rĭ dĭng khân păng gŭ dâk ngai, jêh ri khân păng lah: “Rêh ni ngăn! Rêh ni ngăn! Ƀon dŭt toyh, Ƀon Babilôn ndrŏng kuăng! Knŏng tâm du mông, nau phat dôih ma may tât jêh!”

Nau Tâm Mpơl 18:21

Nôk nây, du huê tông mpăr bêng nau dơi sŏk du mlâm lŭ toyh nâm bu mpăl kĭn toyh klŭp tâm dak mƀŭt jêh ri lah: “Babilôn, ƀon dŭt toyh bu mra klŭp păng trŭnh tâm ban pônây, jêh ri mâu hôm geh nơm mra joi saơ păng.