Daniel 4:27 - Nau Brah Ndu Ngơi 2023

²⁷ Yor nây, ơ hađăch, ăn may dơn nau gâp sâm nchră, chalơi hom nau tih ƀư ma nau sŏng srăng, ƀư nau yô̆ ma phung o ach gay chuai lĕ nau mhĭk may ƀư. Pônây, rnôk chiă uănh geh nau đăp mpăn dơi ntop jong jŏ lơn.”

Daniel 4:27 Iomraidhean Croise

Nau Ntơm 11:4

Khân păng lah: “Kay lŏng, ăn he ƀư ma he nơm du mlâm ƀon toyh jêh ri ndâk du mlâm ngih gung geh chor prêh tât ta trôk, gay ma he geh nau lư n'găr jêh ri mâu geh ôh nhhêng nhhiang lam klơ neh.”

I Phung Hađăch 21:29

“May saơ lĕ nau Y-Ahap ƀư n'hôi săk păng nơm tanăp Gâp? Yorlah păng n'hôi săk păng nơm tanăp Gâp, pôri Gâp mâu mra ăn tât ôh nau mhĭk tâm rnôk păng. Ƀiălah tât ta tâm rnôk rô̆ kon păng, Gâp mra ăn tât nau mhĭk ma ngih păng.”

Nau Mprơ Ơm 119:46

Gâp mra nkoch mbơh nau ntĭnh bơh May tanăp phung hađăch Ƀiălah gâp mâu bêk ôh.

Nau Hôr 11:2

Tơlah nau sưr tât, nau prêng ăt tât lĕ; Ƀiălah nau blau mĭn hôm gŭ ndrel ma phung dêh rhêt.

Nau Hôr 16:6

Ma nau ueh jêh ri ma nau nanê̆ ngăn nau tih dơi yô̆ an, Yor ma nau klach yơk ma Brah Yêhôva bu der bơh nau mhĭk.

Nau Hôr 28:13

Mbu nơm pôn mo nau tih păng nơm mâu mra geh ôh nau chăt jêng, Ƀiălah mbu nơm mbơh păng jêh ri chalơi păng mra dơi geh nau yô̆ nđach.

Êsai 10:13

Yorlah hađăch Asiri lah pô aơ: ‘Gâp ƀư lĕ nau nây ma nau ktang tâm ti gâp Jêh ri ma nau blau mĭn gâp, yorlah gâp geh nau gĭt mĭn. Gâp lĕ ngroh lơi jêh n'har bri neh phung ndŭl mpôl bunuyh, Jêh ri pit in lĕ jay ndơ khlay khân păng. Tâm ban ma du huê janh ktang, Gâp hŏ n'glưh nsot phung hađăch

Êsai 47:10

Ay rnơm tâm nau ƀai ay. Jêh ri ay lah pô aơ: “Mâu geh nơm saơ gâp ôh.” Nau blau mĭn jêh ri nau ay gĭt rbăng Hŏ njŭn leo ay tâm trong tih, Jêh ri ay lah jêh tâm nuih n'hâm pô aơ: “Gâp aơ, rlau ma gâp mâu geh nơm êng ôh!”

Êsai 47:8

Aƀaơ aơ iăt hom nau aơ, ơ nơm rêh ma nau ueh, Nơm gŭ ma nau đăp rmên, Tâm nuih n'hâm ay nơm lah êng: “Knŏng gâp yơh, rlau ma gâp mâu geh nơm êng ôh; Gâp mâu mra jêng ndrô sai ôh, Mâu lĕ gĭt mâp roh phung kon gâp ôh.”

Yêrêmi 29:7

Joi hom nau ndrŏng ăn ma ƀon toyh ntŭk Gâp prơh hăn khân may jêng bu nă. Mbơh sơm hom ma Brah Yêhôva kơl ăn ma ƀon nây, yor nau ndrŏng păng jêng nau ndrŏng khân may.’”

Yêrêmi 38:20

Y-Yêrêmi lah: “Bu mâu mra jao may ôh. Knŏng ŭch may tông tĭng bâr Brah Yêhôva moh nau gâp hŏ lah jêh ma may, pônây may mra dơi geh nau ueh jêh ri hôm dơi geh nau rêh.

Êsêkiêl 18:7

mâu tŭn jot bu ôh ƀiălah mplơ̆ sĭt ndơ nchăm ăn ma nơm geh rnon; mâu ntŭng ôh ndơ bu ƀiălah ăn piăng let ma nơm ji ngot jêh ri sâm nsoh bok ao ăn ma nơm rhôk;

Êsêkiêl 29:3

Ngơi hom: Kôranh Brah Yêhôva lah: ‘Hơi Pharaôn, hađăch Êjipt, Aơ, Gâp tâm rdâng đah may, May jêng mpa djơh toyh juat Rvel ta nklang lĕ dak krong. May lah pô aơ: “Dak krong Nil jêng ndơ Gâp nơm Gâp nơm yơh hŏ njêng jêh păng.”

Êsêkiêl 29:9

N'gor bri Êjipt mra jêng rngol, nsoih dơm jêh ri khân păng mra gĭt Gâp jêng Brah Yêhôva.’ Yorlah Pharaôn geh lah jêh pô aơ: ‘Dak krong Nil jêng ndơ gâp, gâp hŏ njêng jêh păng.’

Yôel 2:14

Gĭt lah Păng mra plơ̆ tay, rgâl nau mĭn, jêh ri ăn nau ueh uĭn pakơi Păng, Ăn ma khân may geh mông găl nhhơr ndơ ƀư brah rnih môi, ndơ nhhơr nhêt Ma Yêhôva Brah Ndu khân may?”

Amôt 6:13

Khân may hâk răm yor dơi lơh pit in ƀon Lô-Dêbar Jêh ri lah pô aơ: “Mâu di ma nau ktang he nơm sŏk jêh ƀon Karnaim ma he nơm?”

Yônais 3:9

Gĭt lah Brah Ndu mra tâm rgâl nau mĭn jêh ri lơi lĕ nau Păng ji nuih gay ăn ma he klaih bơh nau khĭt?”

Habakuk 1:11

Rnôk nây, rduh ran tât jêh ri hăn ntrŭt nâm bu sial phŭt, Khân păng ƀư tih jru ngăn Yorlah uănh nau dăng khân păng nơm jêng brah.”

Sôphôni 2:15

Ƀon toyh aơ răm maak hŏ gŭ jêh ma nau mpăn lah êng pô aơ: “Gâp aơ, padih gâp mâu hôm geh bunuyh êng ôh!” Ƀiălah aƀaơ păng lĕ jêng rngol jêh, Ƀư ntŭk ma phung mpô mpa bri bê̆ch kuen! Ăp bunuyh hăn rgăn gơm mưch rvêh ti nsŭch da dê!

Mathay 3:8

Pôri ăn play hom tâm di jêh ma nau tâm rmal nau tih,

Luka 11:41

Ƀiălah mpơl hom nuih n'hâm tâm kơl moh ndơ may geh, pôri lĕ rngôch ndơ mra jêng kloh rsang ma khân may.

Kôranh Oh Mon 24:25

Ƀiălah dôl Y-Pôl ngơi ma nau sŏng srăng, ma nau di keh jêh ri ma nau phat dôih tâm nar kăndơ̆, Phêlik klach râm sâr jêh ri lah: “Sĭt hom may aƀaơ ro; tơlah gâp ru, gâp mra kuăl may.”

Kôranh Oh Mon 26:20

ƀiălah lor lơn, gâp mbơh nkoch ma phung bunuyh ta ƀon Đamas, jêh ta nây ta ƀon Yêrusalem jêh ri lĕ n'gor Yuđa, jêh nây tât ma phung bu năch, ăn khân păng rmal nau tih jêh ri plơ̆ sĭt ma Brah Ndu, pah kan tâm di đah nau tâm rmal ma nau tih.

Kôranh Oh Mon 8:22

Pôri, rmal hom ma nau mhĭk may jêh ri mbơh sơm ma Kôranh Brah, gay Păng mra yô̆ an nau mĭn nây tâm nuih n'hâm may.

II Kôrintô 5:11

Yor ri, yor nuih n'hâm klach ma Kôranh Brah, hên srôih nchâp phung êng. Brah Ndu gĭt rah vah hên, jêh ri gâp kâp gân ma nuih n'hâm sŏng khân may gĭt rah vah hên lĕ.

Galati 5:13

Hơi phung oh nâu, bu kuăl jêh khân may gay dơn nau kon me; ƀiălah lơi dŏng nau kon me nây tâm ban du mông găl gay gŭ rêh ma nglay săk, ƀiălah sŏk hom nuih n'hâm rŏng gay pah kan ndrăng khân may nơm.

Galati 5:22

Ƀiălah play bơh Brah Huêng Ueh jêng: Nau rŏng, nau maak, nau đăp mpăn, nau srôih, nau ueh, nau blau ƀư ueh, nau răp jăp, nau rdơ̆ rbăn, nau di keh.

Galati 5:6

Yorlah tâm Brah Yêsu Krist, nau geh nau khlay mâu di ƀư koh ntâu mâu lah mâu koh ntâu, ƀiălah jêng nau chroh tâm mpơl tâm nau rŏng.

Êphêsô 4:28

Nơm vay ntŭng, lơi hôm ntŭng ôh; ƀiălah ueh lơn srôih, sŏk ti păng nơm ƀư nau sŏng srăng, gay sâm kơl ma bunuyh pưt kƀah.

Nau Vay Nkah Tay 24:13

Mplơ̆ tay hom blah ao jâr ma bunuyh nây lah nar lĕ nhâp gay ăn ma păng ntâk bê̆ch jêh ri ăn nau ueh uĭn ma khân may; nây jêng nau sŏng srăng ma khân may tanăp măt Yêhôva Brah Ndu khân may.

Nau Vay Nkah Tay 32:27

Ƀiălah Gâp klach phung rlăng nsônh, Phung rlăng mĭn vĭ, Lah pô aơ: ‘Dơi tâm lơh tă bơh ti he, Brah Yêhôva mâu mâp ƀư ôh lĕ rngôch nau nây!’

Nau Vay Nkah Tay 8:17

Pôri, ăn blau njrăng, lơi khân may lah tâm nuih n'hâm pô aơ: ‘Nau brah jêh ri nau dăng bơh bar đah ti gâp hŏ njêng jêh ma gâp nau ndrŏng aơ.’

I Pêtrôs 4:8

Lor lơn, tâm rŏng hom ndrăng khân may dŭt hâu ngăn; yorlah nau rŏng nkŭm brôi âk râk nau tih.