Daniel 4:14 - Nau Brah Ndu Ngơi 2023

¹⁴ Nơm nây nter huy pô aơ: ‘Kăl lơi tơm si jêh ri koh lơi n'gĭng păng; Rgu lĕ rngôch n'ha jêh ri srih play păng ăp ntŭk; Ƀư ăn mpô mpa bri du ngai tă bơh tâm dâng păng Jêh ri sĭm och du tă bơh n'gĭng păng;

Daniel 4:14 Iomraidhean Croise

Ndrom Samƀŭt bơh Yôp 24:20

Nuih n'hâm mê̆ mra chuêl khân păng; Phung rhai sa khân păng kah ngăn; Mâu hôm geh ôh bunuyh kah gĭt ma khân păng; Nau djơh mhĭk mra nkê̆ch pă nâm bu du tơm si kro.

Yêrêmi 27:5

‘Gâp yơh jêng Nơm dŏng nau brah dŭt toyh jêh ri ling tur ti rhăk njêng rplay neh, kon bunuyh jêh ri mpô mpa ta neh ntu, jêh ri jao neh ntu nây ăn ma mbu tĭng nau mĭn Gâp.

Yêrêmi 51:6

Du hom tă bơh Babilôn, Ăn ăp nơm nchuăt du tâm rklaih nau rêh păng! Lơi ta rai yot ôh yor ma nau tih păng, Yorlah aơ jêng rnôk Yêhôva plơng bôk; Păng mra plơng bôk tâm di jêh ăn ma păng.

Yêrêmi 51:9

‘He sâl ƀư gay ma ƀư bah ƀon Babilôn Ƀiălah păng mâu dơi bah ôh. Chalơi hom păng, Ăp nơm hăn sĭt hom rlet ma bri păng nơm; Yorlah nau tâm rmal ma păng hao tât klơ trôk, Hao tât ma ndâr tŭk.’

Êsêkiêl 31:10

Yor nây, Kôranh Brah Yêhôva lah: ‘Yorlah păng toyh prêh, chiông păng prêh kŏ ban tŭk jêh ri nuih n'hâm păng sưr rlau yor nau păng toyh prêh nây,

Daniel 2:21

Păng nơm yơh tâm rgâl mông nar jêh ri yan, N'glưh jêh ri njêng phung hađăch; Păng ăn nau blau mĭn ma bunuyh blau mĭn Jêh ri nau gĭt rbăng ma bunuyh gĭt rbăng.

Daniel 3:4

geh kôranh ƀư brah nau rƀŭn mbơh huy: “Aơ jêng nau ntăm ma lĕ rngôch ntil phung ƀon lan, lĕ bri dak, lĕ nau ngơi:

Daniel 4:12

N'ha ueh, play âk, Ăn ndơ sa tŏng ma lĕ rngôch ntil. Mpô mpa bri nde tâm dâng gui păng; Sĭm tâm trôk drâm klơ n'gĭng păng, Jêh ri lĕ rngôch mpa rêh yor bơh păng siăm da dê.

Daniel 4:23

Kêng nây, hađăch saơ du huê nơm gak, jêng nơm kloh ueh jŭr tă bơh trôk jêh ri lah: ‘Kăl lơi tơm si jêh ri ƀư rai lơi păng, ƀiălah cha lat tơm reh păng tâm neh, jêh nây sŏk du mlâm rse rvăk loih jêh ri kông kât ta nklang gơ̆ nđĭr tâm mir, ăn păng bĕ ma dak ngom bơh trôk jêh ri tâm pă đah lĕ mpô mpa bri, kŏ tât tâm pơh gưl yan rgăn ta păng.’

Daniel 4:29

Jât ma bar khay pakơi, dôl păng hăn nsong ta klơ bôk phok ngih hađăch ƀon Babilôn,

Daniel 5:20

Ƀiălah tơlah nuih n'hâm jêng sưr, nuih n'hâm dăng ktang, pôri păng ƀư ma nau brơl; yor nây bu n'glưh jêh păng bơh sưng hađăch jêh ri sŏk lơi nau chrêk rmah.

Daniel 5:21

Bu nsot păng bơh tâm nklang phung bunuyh; nau mĭn jêng nâm bu nau mĭn mpô mpa, mra gŭ ndrel ma seh bri, sa gơ̆ nâm bu ndrôk jêh ri săk jăn păng bĕ ma dak ngom bơh trôk, kŏ tât păng gĭt Brah Ndu Nơm Dŭt Prêh chiă uănh tâm ƀon bri hađăch kon bunuyh jêh ri ma mbu nơm Păng ndâk tĭng nơm Păng ŭch.

Mathay 3:10

Du mlâm sung hŏ dơm jêh ta reh tơm si, si mâu geh play ueh bu mra kăl lơi jêh ri klŭp mƀăr tâm ŭnh.

Mathay 7:19

Ăp tơm si mâu geh play ueh, bu mra kăl lơi jêh ri mƀăr lơi păng tâm ŭnh.

Luka 3:9

Sung hŏ dơm jêh ta reh tơm si, tơm si mâu geh play ueh, bu mra kăl lơi jêh ri klŭp mƀăr tâm ŭnh.”

Nau Tâm Mpơl 10:3

jêh ri nter bâr huy nâm bu nter ngrông yau mŭr. Tơlah tông mpăr nter bâr huy geh pơh ndăr nglaih nteh huy.

Nau Tâm Mpơl 18:2

Tông mpăr nter huy: “Ƀon Babilôn dŭt toyh rlâm rai jêh, rlâm rai jêh! Păng plơ̆ jêng ntŭk phung brah mhĭk gŭ, Ntu rsuăn ma lĕ huêng djơh, Jêh ri ma lĕ rngôch ntil sĭm ƀơ̆ ƀơch bu tâm rmot.