Daniel 3:7 - Nau Brah Ndu Ngơi 2023

⁷ Yor ri, tăng jêh bâr nŭng, bâr dĭng, bâr gong rêng, dĭng vưt, gong rêng loih, bâr rlet jêh ri ăp ntil gong kreh huy lĕ rngôch ntil phung, lĕ bri dak, lĕ nau ngơi, chon mon muh măt da dê jêh ri yơk mbah ma rup mah hađăch Nêbukatnetsar rdâk jêh.

Daniel 3:7 Iomraidhean Croise

Yêrêmi 51:7

Ƀon Babilôn jêng du mlâm kachok mah tâm ti Brah Yêhôva, Ƀư ăn lĕ rngôch bri neh nhŭl ndrănh; Lĕ rngôch bri dak hŏ nhêt jêh ndrănh păng. Yor nây yơh dĭng jêng brŭt rluk.

Daniel 2:46

Rnôk nây, hađăch Y-Nêbukatnetsar păn muh măt mbah ma Y-Daniel jêh nây ntăm đă djôt ndơ nhhơr jêh ri ndơ ƀâu kah ma Y-Daniel.

Daniel 3:10

May nơm hŏ ntrŭnh nau ntăm pô aơ lĕ rngôch bunuyh tăng jêh bâr uh nŭng, bâr dĭng, bâr gong rêng, dĭng vưt, gong rêng loih, gâr jê̆ jêh ri lĕ gong kreh huy, chon mon muh măt yơk mbah ruh mah;

Daniel 3:4

geh kôranh ƀư brah nau rƀŭn mbơh huy: “Aơ jêng nau ntăm ma lĕ rngôch ntil phung ƀon lan, lĕ bri dak, lĕ nau ngơi:

Daniel 3:5

Tơlah khân may tăng bâr nŭng, bâr n'hôm, bâr gong rêng, dĭng vưt, rlet, gong rêng loih, gâr jê̆ jêh ri lĕ rngôch gong kreh huy khân may chon mon muh măt yơk mbah ma rup mah hađăch Nêbukatnetsar rdâk jêh.

Daniel 3:6

Mbu mâu chon mon muh măt yơk mbah pôri bu mra klŭp ro tâm nklang năk ŭnh hit.”

Daniel 3:8

Rnôk nây, ƀaƀă geh phung Kaldê văch ŭch phong phung Yuđa.

Kôranh Oh Mon 14:16

Tâm rnôk kăl e, Păng ăn ma lĕ rngôch mpôl băl bunuyh hăn tĭng trong khân păng nơm.

I Yôhan 5:19

He gĭt he nơm jêng phung Brah Ndu, bi lĕ neh ntu gŭ tâm dâng nau dơi brah mhĭk da dê.

Nau Tâm Mpơl 12:9

Bu klŭp mƀăr bêh nhŭk nhăk toyh jŭr ta neh, jêng bêh ơm, bu rnha jêng brah mhĭk mâu lah Satan, nơm ndơm mƀruh lĕ kon bunuyh. Bu klŭp păng jŭr ta neh ntu; phung mbơh păng bu klŭp mƀăr jŭr ndrel ma păng.

Nau Tâm Mpơl 13:14

Păng ndơm mƀruh phung gŭ ta neh ntu ma nau mbên khlay, bu ăn păng dơi vay ƀư tanăp mpô mpa dŭt janh; jêh ri đă ma khân păng ƀư rup trah mpô mpa geh ntŭk sôt rmanh ƀơh đao gưm ƀiălah ăt hôm rêh.

Nau Tâm Mpơl 13:3

Du mlâm tâm lĕ bôk păng nâm bu geh sôt rmanh; ƀiălah ntŭk sôt nây lĕ bah jêh, jêh ri lam neh ntu hih rhâl da dê ngăn hăn tĭng mpô mpa dŭt janh nĕ.

Nau Tâm Mpơl 13:8

Lĕ rngôch bunuyh gŭ rêh ta neh ntu mra yơk mbah ma păng, nâm bu ntĭt phung mâu geh amoh săk nchih tâm ndrom samƀŭt nau rêh Kon Biăp bu nkhĭt jêh ntơm bơh nau rhăk njêng neh ntu.

Nau Tâm Mpơl 17:8

Mpô mpa dŭt janh may hŏ saơ jêh, bơh saơm geh jêh, aƀaơ aơ mâu geh, păng dăch hao tă bơh brŏng jru jêh ri hăn tât ntŭk roh rai. Phung ƀon lan gŭ ta neh ntu mâu geh nchih amoh tâm ndrom samƀŭt nau rêh ntơm bơh rhăk njêng neh ntu, khân păng mra hih rhâl dôl saơ mpô mpa nây; yorlah păng bơh saơm geh jêh, aƀaơ aơ mâu geh, jêh ri păng mra mpơl.

Nau Tâm Mpơl 19:20

Ƀiălah bu nhŭp jêh mpô mpa dŭt janh nây jêh ri nơm mbơh lor nklă — nơm ƀư jêh lĕ nau mbên khlay tanăp mpô mpa, gay ndơm mƀruh ma phung bunuyh dơn jêh nau mbên tă bơh mpô mpa jêh ri phung bunuyh yơk mbah ma rup păng — bu nhŭp đŏng. Lĕ bar hê khân păng bu mƀăr rêh jŭr tâm nglao ŭnh mô ŭnh dôl hit.