Daniel 3:29 - Nau Brah Ndu Ngơi 2023

²⁹ Yor nây, gâp ăn samƀŭt nau ntrŭnh aơ: Lĕ rngôch mbu phung ƀon lan, mbu bri dak, mbu nau ngơi geh nau ngơi mhĭk ma Brah Ndu Y-Sadrak, Y-Mêsăk, Y-Abetnêgô bu mra choh săk jăn khân păng, jêh ri ngih khân păng mra jêng mbŭch djah; yorlah mâu geh brah êng ôh mra dơi tâm rklaih tâm ban pônây.”

Daniel 3:29 Iomraidhean Croise

II Phung Hađăch 10:27

Khân păng ƀư rlâm lơi n'gâng mbah brah Baal jêh ri ƀư rai ngih brah Baal, plăch jêng du ntŭk ek chrach tât ma nar aơ.

Êsra 6:11

Gâp ntrŭnh nau ntăm pô aơ, tơlah mbu moh rlăch samƀŭt nau ntrŭnh aơ, pôri bu mra sŏk du mlâm rkăng vâl tâm ngih nơm nây, kôih mplanh jêh ri ntâp lăp săk jăn păng jêh ri ngih păng mra jêng du mbŭch njŏk.

Nau Mprơ Ơm 3:8

Nau tâm rklaih jêng Brah Yêhôva. Dăn Kôranh Brah ăn nau ueh uĭn ma phung ƀon lan May! (Sêla)

Nau Mprơ Ơm 76:10

Nau bunuyh ji nuih mra tâm rnê ma May; Bi hôm e nau ji nuih, May mra nkân lơi.

Daniel 1:19

Hađăch ngơi ndrel đah khân păng jêh ri saơ tâm lĕ rngôch phung khân păng mâu saơ du huê ôh tâm ban ma Y-Daniel, Y-Hanania, Y-Misaêl, jêh ri Y-Asaria. Yor nây, khân păng gŭ pah kan tanăp hađăch.

Daniel 1:7

Kôranh chiă uănh phung kôranh bu char ntơ amoh mhe ăn ma khân păng: Y-Daniel jêng Y-Beltisasar; Y-Hanania jêng Y-Sadrăk; Y-Misaêl jêng Y-Mêsăk jêh ri Y-Asaria jêng Y-Abetnêgô.

Daniel 2:17

Jêh nây Y-Daniel plơ̆ sĭt ta ngih jêh ri mbơh rah vah nau nây ma băl păng jêng Y-Hanania, Y-Misaêl jêh ri Y-Asaria,

Daniel 2:47

Hađăch lah ma Y-Daniel, “N'hêl nanê̆, Brah Ndu khân may jêng Brah Ndu ma phung brah, jêng Kôranh Brah ma phung hađăch, jêng Nơm tâm mpơl lĕ nau ndâp, yor bơh Păng may dơi tâm mpơl lĕ nau ndâp aơ.”

Daniel 2:49

Tĭng nau Y-Daniel dăn, hađăch ăn Y-Sadrak, Y-Mêsăk, jêh ri Y-Abetnêgô chiă uănh ndrel bri Babilôn; bi ma Y-Daniel gŭ tâm nkual ngih hađăch.

Daniel 2:5

Hađăch plơ̆ lah ma phung Kaldê: “Aơ jêng nau gâp dăp jêh: Tơlah khân may mâu ăn gâp gĭt ôh nau mbơi jêh ri nau rblang nau mbơi nây pôri bu mra hêk lơi khân may ăn hăch, ngih khân may jêng mbŭch ndjah.

Daniel 3:12

Pôri ta aơ geh ƀă phung Yuđa, phung may ăn chiă uănh kan n'gor bri Babilôn, jêng Y-Sadrak, Y-Mêsăk jêh ri Y-Abetnêgô, mâu chrê ôh ma may. Ơ hađăch, phung nây mâu pah kan ma phung brah may ôh, mâu lĕ yơk mbah ma rup mah may rdâk jêh.”

Daniel 3:15

Aƀaơ, tơlah khân may tăng bâr nŭng, bâr dĭng, bâr gong rêng, dĭng vưt, gong rêng loih, gâr jê̆ jêh ri ăp ntil gong kreh huy khân may rơm ndrăp chon mon muh măt yơk mbah ma rup gâp ƀư jêh mra jêng ueh; ƀiălah tơlah khân may mâu chon mbah ôh bu mra klŭp khân may tâm năk ŭnh hit, rlong uănh mbu brah dơi tâm rklaih khân may bơh ti gâp?”

Daniel 3:17

Tơlah bu klŭp hên tâm ŭnh năk, pônây ơ hađăch, Brah Ndu nơm hên yơk mbah mra dơi tâm rklaih hên klaih bơh ŭnh năk jêh ri bơh ti may.

Daniel 3:28

Hađăch Nêbukatnetsar lah: “Tâm rnê ma Brah Ndu Y-Sadrak, Y-Mêsăk, jêh ri Y-Abetnêgô, Nơm njuăl jêh tông mpăr Păng văch jêh ri tâm rklaih phung oh mon Păng. Khân păng gĭt rnơm nsing ma Păng, janh tâm rgâl nau hađăch ntăm, jêh ri sân săk jăn gay mâu pah kan jêh ri yơk mbah ma brah êng ôh padih Brah Ndu khân păng nơm.

Daniel 6:28

Y-Daniel geh nau tâm n'hao dôl rnôk hađăch Darius jêh ri hađăch Sirus, phung Persi.

Nau Vay Nkah Tay 32:31

Phung rlăng he nơm mra sŏk dơn Lŭ toyh khân păng mâu dơi tâm rđĭl đah Lŭ Toyh he ôh.