Daniel 3:28 - Nau Brah Ndu Ngơi 2023

²⁸ Hađăch Nêbukatnetsar lah: “Tâm rnê ma Brah Ndu Y-Sadrak, Y-Mêsăk, jêh ri Y-Abetnêgô, Nơm njuăl jêh tông mpăr Păng văch jêh ri tâm rklaih phung oh mon Păng. Khân păng gĭt rnơm nsing ma Păng, janh tâm rgâl nau hađăch ntăm, jêh ri sân săk jăn gay mâu pah kan jêh ri yơk mbah ma brah êng ôh padih Brah Ndu khân păng nơm.

Daniel 3:28 Iomraidhean Croise

Nau Ntơm 9:26

Păng hôm lah đŏng: “Yơk rnê Brah Yêhôva, jêng Brah Ndu Y-Sem; Y-Kanaan mra ƀư dĭk ma Y-Sem!

I Nau Rêh Jêng 5:20

Dôl khân păng tâm lơh, khân păng vơl dăn ma Brah Ndu, jêh ri yorlah khân păng geh nuih n'hâm rnơm nsing ma Păng, pôri Păng kơl rklaih an, jao phung Hagrit jêh ri lĕ rngôch phung tĭng păng tâm ti khân păng.

II Nau Rêh Jêng 20:20

Ôi taơ, khân păng kah rngăl ơm ôi jêh ri luh hăn tâm bri rdah Têkôa. Dôl khân păng luh du, Y-Jôsaphat gŭ dâk jêh ri lah: “Ơ phung Yuđa jêh ri phung gŭ tâm ƀon Yêrusalem, iăt hom gâp! Rnơm nsing hom ma Yêhôva Brah Ndu khân may, jêh ri khân may mra dơi nâp; iăt hom phung nơm mbơh lor Păng, jêh ri khân may mra dơi jêng.”

II Nau Rêh Jêng 32:21

Brah Yêhôva njuăl du huê tông mpăr nkhĭt lơi lĕ rngôch phung tahan janh ktang, phung kôranh tahan jêh ri phung kôranh tâm pôih tahan hađăch Asiri. Păng plơ̆ sĭt ma n'gor păng nơm ma muh măt prêng. Lah păng lăp tâm ngih brah păng, geh tâm phung kon bu klâu păng nơm sreh păng ta nây ma đao.

Êsra 1:3

Tâm khân may, mbu moh jêng phung ƀon lan Păng — dăn Brah Ndu gŭ ndrel ma păng — hăn hao hom ma ƀon Yêrusalem tâm n'gor Yuđa gay ndâk tay đŏng ngih brah Brah Yêhôva, jêng Brah Ndu phung Israel, Păng hôm gŭ ta Yêrusalem.

Êsra 6:11

Gâp ntrŭnh nau ntăm pô aơ, tơlah mbu moh rlăch samƀŭt nau ntrŭnh aơ, pôri bu mra sŏk du mlâm rkăng vâl tâm ngih nơm nây, kôih mplanh jêh ri ntâp lăp săk jăn păng jêh ri ngih păng mra jêng du mbŭch njŏk.

Nau Mprơ Ơm 103:20

Ơ phung tông mpăr Brah Yêhôva, Jêng lĕ nơm geh nau ktang ƀư tĭng nau Păng đă, Jêh ri tông bâr tĭng nau Păng lah! Mât ton hom ma Brah Yêhôva!

Nau Mprơ Ơm 147:11

Ƀiălah Brah Yêhôva maak tâm phung klach yơk ma Păng, Jêh ri mbu nơm n'gân nau kâp gân tâm nuih n'hâm ueh Păng.

Nau Mprơ Ơm 33:18

Ri măt Brah Yêhôva uănh ma phung klach yơk ma Păng, Jêh ri phung kâp gân tâm nau ueh Păng

Nau Mprơ Ơm 33:21

Nuih n'hâm hên mra geh nau răm maak tâm Păng Yorlah hên rnơm nsing jêh tâm Amoh Kloh Ueh Păng.

Nau Mprơ Ơm 34:22

Brah Yêhôva tâm chuai huêng phung oh mon Păng; Lĕ rngôch phung gŭ krap tâm Păng mâu mra geh nau tih.

Nau Mprơ Ơm 62:8

Hơi phung ƀon lan, rnơm nsing hom ma Păng ƀaƀơ; Nkhŭt hom lĕ nuih n'hâm tanăp măt Păng; Yorlah Brah Ndu jêng ntŭk he nde krap. (Sêla)

Nau Ngluh Êjipt 20:5

May mâu dơi chon mon ta rup nây mâu lah yơk mbah khân păng; yorlah Gâp jêng Yêhôva Brah Ndu may, jêng Brah Ndu blau ntôn. Đah phung bunuyh tâm rmot Gâp, yor nau tih chô yau Gâp mra tâm rmal ma kon sau khân păng tât rô̆ tal pe, tal puăn.

Êsai 12:2

Aơ, Brah Ndu jêng nau tâm rklaih gâp; Gâp mra rnơm nsing jêh ri mâu klach ôh. Yorlah Brah Yêhôva, Brah Yêhôva nơm, jêng nau ktang gâp jêh ri nau mprơ gâp. Păng hŏ jêng jêh nau tâm rklaih gâp.”

Êsai 37:36

Aƀaơ, du huê tông mpăr Brah Yêhôva hăn lăp tâm pôih tahan phung Asiri, jêh ri nkhĭt du rsen pham rmưn prăm rbăn bunuyh. Ang ôi taơ, bu kah rngăl ơm ôi jêh ri saơ lĕ phung nây jêng săk jăn khĭt jêh!

Êsai 50:10

Mbu nơm tâm phung khân may klach yơk mbah ma Brah Yêhôva, Jêh ri tông bâr ma oh mon Păng, Mbu nơm hăn tâm nau ngo Jêh ri mâu geh nau ang ôh Rnơm nsing hom ma amoh Brah Yêhôva, Jêh ri nsing ma Brah Ndu păng.

Daniel 2:47

Hađăch lah ma Y-Daniel, “N'hêl nanê̆, Brah Ndu khân may jêng Brah Ndu ma phung brah, jêng Kôranh Brah ma phung hađăch, jêng Nơm tâm mpơl lĕ nau ndâp, yor bơh Păng may dơi tâm mpơl lĕ nau ndâp aơ.”

Daniel 3:25

Hađăch lah tay: “Ri, gâp saơ puăn nuyh mâu geh chăp hăn ta nklang ŭnh mâu geh nau sôt ôh; jêh ri muh măt nơm rơh puăn nây jêng nâm bu du huê kon bu klâu phung brah.”

Daniel 4:34

Tơlah lôch jêh nar nây, gâp, Y-Nêbukatnetsar, n'gơr măt ta klơ trôk, nau gĭt rbăng plơ̆ sĭt tay, gâp tâm rnê lah ueh ma Nơm Dŭt Prêh. Gâp mprơ tâm rnê jêh ri mât ton Nơm Rêh N'ho Ro. Nau dơi Păng chiă uănh jêng nau dơi n'ho ro, Ƀon bri hađăch Păng ntơm bơh rnôk aơ tât rnôk ri.

Daniel 6:16

Ta nây ro, tĭng nau hađăch ntăm, bu njŭn Y-Daniel tât jêh ri klŭp păng tâm trôm ntu yau mŭr. Hađăch lah ma Y-Daniel: “Ăn Brah Ndu may jêng Nơm may pah kan ƀaƀơ mra sâm rklaih may!”

Daniel 6:26

Gâp ăn samƀŭt nau ntrŭnh pô aơ ta lam ntŭk tâm ƀon bri hađăch gâp lĕ rngôch bunuyh mra yơk mbah jêh ri râm nsâr klach tanăp Brah Ndu Y-Daniel Yorlah Păng jêng Brah Ndu gŭ rêh mro mrăng Jêh ri hôm gŭ rêh n'ho ro. Ƀon bri hađăch Păng mâu blau rai lôch ôh, Nau Păng chiă uănh mra dŭt toyh mâu blau lôch ôh.

Mathay 4:10

Brah Yêsu lah ma păng: “Hơi Satan, rŭch plơ̆ hom! Yorlah geh nau nchih jêh pô aơ: ‘Ăn may yơk mbah ma Kôranh Brah jêng Brah Ndu may, jêh ri knŏng pah kan knŏng du huê Păng dơm yơh.’ ”

Kôranh Oh Mon 4:19

Ƀiălah Y-Pêtrôs jêh ri Y-Yôhan plơ̆ lah: “Dăn khân may sek uănh hom, moh nau di tanăp Brah Ndu, tông bâr ma khân may hĕ, mâu lah tông bâr ma Brah Ndu?

Kôranh Oh Mon 5:19

Ƀiălah dôl măng geh du huê tông mpăr Brah Ndu pơk mpông ndrung djôt leo phung kôranh oh mon luh du jêh ri ntĭnh pô aơ:

Samƀŭt Pôl Njuăl Ăn Ma Phung Nsing Ta Ƀon Rôm 12:1

Pôri hơi oh nâu, yor ma nau Brah Ndu yô̆ nđach, gâp vơh dăn ma khân may, nhhơr săk jăn khân may nơm ƀư mpa ƀư brah rêh, kloh ueh jêh ri ueh nuih n'hâm ma Brah Ndu, nau nây jêng nau yơk mbah ngăn khân may.

I Kôrintô 13:3

Nđâp tơlah gâp tâm pă lĕ drăp ndơ gay ma siăm phung o ach, jêh ri jao săk jăn gâp nơm ăn bu gŭch tâm ŭnh, ƀiălah mâu geh nau rŏng, nau nây mâu khlay ma gâp ôh.

Philip 1:20

Nau gâp ŭch kâp jêh ri nau kâp gân mâu mra geh du ntil nau bêk prêng ôh, ƀiălah bêng ma nuih n'hâm nănh, gay aƀaơ tâm ban đŏng tâm lĕ rngôch ntŭk, nđâp tơlah gŭ rêh mâu lah khĭt, Brah Krist ăt geh tâm rnê tâm nau gŭ rêh gâp.

ហេឞ្រើ 1:14

Mâu di hĕ lĕ rngôch phung tông mpăr jêng phung huêng brah pah kan, Brah Ndu njuăl hăn pah kan ma phung bunuyh dơn nau tâm rklaih hĕ?

ហេឞ្រើ 11:37

Khân păng dơn nau bu klŭp ma lŭ, ot ma ndruih jêng bar buh, nkhĭt ma đao gưm; nsong mblêng ta aơ ta ri, nsoh ma ntâu biăp, ntâu be, pưt kƀah, bu tŭn jot jêh ri ƀư nau mhĭk.

I Pêtrôs 1:21

Yor ma Păng, khân may chroh ma Brah Ndu, jêng Nơm ƀư ăn Păng dâk rêh tay tă bơh nau khĭt jêh ri ăn ma Păng nau chrêk rmah, gay ma nau chroh jêh ri nau khân may kâp gân mra dơm tâm Brah Ndu.

Nau Tâm Mpơl 12:11

Khân păng geh nau dơi yor mham Kon Biăp, Jêh ri yor nau khân păng mbơh nkoch; Khân păng mâu nhhuach nau rêh khân păng nơm ma tât nau khĭt.