Daniel 3:27 - Nau Brah Ndu Ngơi 2023

²⁷ Phung kôranh nkual, phung kôranh chiă uănh, phung kôranh toyh, jêh ri phung kôranh tâm nchră ma hađăch tâm rgum jêh ri saơ ŭnh mâu dơi ƀư mhĭk ma săk jăn phung pe nuyh nây ôh; ăt mâu geh du brai sŏk ta bôk khân păng, kho ao khân păng ŭnh mâu geh rôt ôh, nđâp ma ƀâu ŭnh ăt mâu krêp lĕ tâm khân păng.

Daniel 3:27 Iomraidhean Croise

I Phung Hađăch 13:28

Păng hăn ro jêh ri saơ săk jăn khĭt ta trong, geh seh bri jêh ri yau mŭr gŭ grem êp meng săk jăn khĭt. Yau mŭr mâu sa hêk săk jăn khĭt jêh ri mâu kăp đŏng seh bri nây.

II Phung Hađăch 19:19

Pôri aƀaơ, ơ Yêhôva Brah Ndu hên, tâm rklaih hom hên bơh ti Y-Sênakêrip, gay ma lĕ rngôch ƀon bri hađăch ta neh ntu dơi gĭt pô aơ knŏng êng Brah Yêhôva jêng Brah Ndu.”

Nau Mprơ Ơm 83:18

Gay ma khân păng gĭt pô aơ jêng knŏng du huê May Nơm yơh, Amoh May jêng Brah Yêhôva, Jêng Nơm Dŭt Prêh chiă uănh tâm lam neh ntu.

Êsai 26:11

Ơ Brah Yêhôva, ti May hŏ yơr jêh Ƀiălah khân păng mâu saơ ôh. Ăn khân păng saơ nau May duh nđơr ma phung ƀon lan May, jêh ri khân păng bêk. Ăn ŭnh sa lơi phung rlăng đah May.

Êsai 43:2

Tơlah khân may rgăn lĕ n'hor dak, Gâp mra gŭ ndrel may; Lah may re rgăn dak krong, mâu mra hoch rdu. Lah may chuat rgăn tâm ŭnh, mâu mra ŭnh sa ôh, Mpiăt ŭnh mâu sa may.

Daniel 3:21

Pe phung bu klâu nây bu chăp ro nđâp ma kho gleh, ao jâr, ao gleh ndrel lĕ ao hađăch êng jêh ri klŭp ta nklang năk ŭnh hit.

Daniel 6:23

Hađăch dŭt maak ngăn jêh ri đă bu chông Y-Daniel hao bơh trôm ntu yau mŭr. Pôri Y-Daniel du luh tă bơh ntŭk nây, jêh ri ta săk jăn păng mâu geh sôt ôh yorlah păng rnơm nsing ma Brah Ndu păng.

Daniel 6:7

Lĕ rngôch phung kôranh toyh tâm ƀon bri hađăch, phung kôranh ntang, phung kôranh nkual, phung kôranh nchră jêh ri phung kôranh chiă uănh dăn da dê ma hađăch ƀư nau ntrŭnh jêh ri ăn du luh nau vay buay ktang mâu dơi ƀư tâm pe jât nar tơlah mbu nơm vơl ma brah mâu lah ma bunuyh êng padih may, ơ hađăch, nơm nây mra klŭp tâm trôm ntu yau mŭr.

Mathay 10:30

Nđâp ma sŏk ta klơ bôk khân may dơi kơp lĕ jêh.

Kôranh Oh Mon 26:26

Yorlah hađăch gĭt nanê̆ jêh lĕ nau aơ, rĭ dĭng gâp janh ngơi; yorlah gâp mĭn n'hêl nanê̆ păng gĭt jêh lĕ rngôch nau, yorlah lĕ nau aơ mâu ƀư ma nau ndâp ôh.

Kôranh Oh Mon 27:34

Pôri, gâp nkah khân may sông sa hom gay klaih nau rêh khân may, yorlah mâu geh du rse sŏk ta klơ bôk khân may mra roh rai.”

ហេឞ្រើ 11:34

nhhât lơi jêh ŭnh hit, klaih bơh mpiăt đao, dơi đah nau ji, jêng janh ktang tâm nau tâm lơh, ƀư ăn phung tahan rlăng nchuăt du.