Daniel 3:26 - Nau Brah Ndu Ngơi 2023

²⁶ Jêh nây hađăch Nêbukatnetsar hăn dăch bôk mpông năk ŭnh hit jêh ri kuăl nteh huy: “Hơi Y-Sadrak, Y-Mêsăk, jêh ri Y-Abetnêgô, jêng oh mon Brah Ndu Dŭt Prêh, luh hom jêh ri văch ta aơ!” Y-Sadrak, Y-Mêsăk jêh ri Y-Abetnêgô luh ro tă bơh ŭnh năk.

Daniel 3:26 Iomraidhean Croise

Nau Ntơm 14:18

Mêlkisedek, hađăch ƀon Salem, ăt jêng kôranh ƀư brah ma Brah Ndu Dŭt Prêh, djôt leo piăng let jêh ri ndrănh hăn vơt,

I Phung Hađăch 8:51

yorlah khân păng jêng phung ƀon lan May, jêng drăp ndơn May hŏ njŭn leo jêh bơh Êjipt, jêng luh bơh ŭnh năk loih.

Êsra 5:11

Khân păng plơ̆ lah kơt aơ: ‘Hên jêng phung oh mon Brah Ndu, Kôranh Brah ma trôk jêh ri neh ntu. Hên dôl ndâk nkra đŏng ngih brah aơ, hŏ jŏ năm jêh lor panăp nơh, geh du huê hađăch toyh Israel hŏ ndâk njêng jêh ri ƀư lôch jêh.

Nau Mprơ Ơm 66:12

May ăn bu ncho ta klơ bôk hên; Hên hăn rgăn ŭnh, rgăn dak, Ƀiălah May njŭn leo hên ta ntŭk ndrŏng ngăn.

Êsai 28:16

Yor nây, Kôranh Brah jêng Brah Yêhôva lah pô aơ: “Aơ, Gâp dơm ta Siôn du mlâm lŭ, Jêng lŭ rlong uănh, lŭ njônh ngih, lŭ khlay, Ƀư mbon nâp ktang Gay ma mbu nơm chroh mâu mra rŭng răng ôh.

Êsai 52:12

Ƀiălah khân may mâu mra luh ma nau ndal ôh, Mâu lĕ khân may du der, Yorlah Brah Yêhôva mra hăn lor panăp khân may, Jêh ri Brah Ndu Israel jêng Nơm gak pakơi khân may.

Yêrêmi 11:4

Gâp hŏ ntăm ăn ma chô yau khân may dôl Gâp djôt khân păng du luh bơh n'gor bri Êjipt, luh bơh năk ŭnh loih nây. Gâp hŏ ntĭnh khân păng: Iăt hom nau Gâp, ƀư tĭng lĕ ntil nau Gâp nti gay ma khân may ƀư phung ƀon lan Gâp, jêh ri Gâp ƀư Brah Ndu ma khân may.

Daniel 2:47

Hađăch lah ma Y-Daniel, “N'hêl nanê̆, Brah Ndu khân may jêng Brah Ndu ma phung brah, jêng Kôranh Brah ma phung hađăch, jêng Nơm tâm mpơl lĕ nau ndâp, yor bơh Păng may dơi tâm mpơl lĕ nau ndâp aơ.”

Daniel 3:17

Tơlah bu klŭp hên tâm ŭnh năk, pônây ơ hađăch, Brah Ndu nơm hên yơk mbah mra dơi tâm rklaih hên klaih bơh ŭnh năk jêh ri bơh ti may.

Daniel 4:2

Gâp maak ngăn dơi tâm mpơl ăn ma khân may lĕ nau mbên khlay ngăn Brah Ndu Dŭt Klơ Lơn ƀư jêh ma gâp.

Daniel 6:20

Tơlah păng tât dăch bâr trôm ntu, păng sŏk ma bâr rngot kuăl Y-Daniel. Hađăch kuăl: “Ơ Y-Daniel, oh mon Brah Ndu gŭ rêh mro mrăng! Brah Ndu may pah kan ƀaƀơ, mra dơi rklaih may bơh yau mŭr lĕ?”

Daniel 6:21

Y-Daniel plơ̆ lah ma hađăch: “Ăn nau ueh ma may gŭ rêh n'ho ro!

Daniel 7:25

Hađăch aơ mra ngơi djơh ma Nơm Dŭt Prêh, Ƀư huănh hươi phung kloh ueh Nơm Dŭt Prêh. Hađăch ŭch mĭn rgâl rnôk jêh ri nau vay. Phung kloh ueh bu mra jao tâm ti hađăch nây Kŏ tât du gưl, bar gưl jêh ri n'gul gưl.

Kôranh Oh Mon 16:17

Păng hăn tĭng pakơi Y-Pôl jêh ri hên, nter huy: “Phung bunuyh aơ jêng phung oh mon Brah Ndu Dŭt Prêh, nkoch mbơh ma khân may nau tâm rklaih.”

Kôranh Oh Mon 16:37

Ƀiălah Y-Pôl lah ma khân păng: “Hên jêng phung ƀon lan Rôm, aƀaơ ri ê hŏ gĭt dôih, khân păng hŏ dong jêh hên ma mâng tanăp phung âk, jêh ri krŭng tâm ndrung; mâm ƀư aƀaơ khân păng mƀơk hên tâm nau ndâp? Mâu dơi ôh! Ăn phung kôranh nơm văch ta aơ mƀơk hên.”

Kôranh Oh Mon 27:23

Yorlah măng ndơh, geh du huê tông mpăr Brah Ndu, Nơm gâp jêng bunuyh ma Păng jêh ri pah kan, tâm mpơl ma gâp jêh ri lah:

Galati 1:10

Bi aƀaơ aơ, gâp ŭch sŏk nuih n'hâm kon bunuyh mâu lah Brah Ndu? Di lĕ gâp ŭch ƀư maak nuih n'hâm ma bunuyh? Tơlah gâp ăt srôih ƀư maak nuih n'hâm ma kon bunuyh, gâp mâu di jêng oh mon ma Brah Krist ôh.

Nau Vay Nkah Tay 4:20

Bi khân may, Brah Yêhôva hŏ săch jêh ri njŭn leo khân may luh tă bơh ŭnh năk loih ri, jêng n'gor Êjipt, gay khân may jêng du phung ƀon lan êng Păng nơm, jêng drăp ndơn Păng, tâm ban khân may jêng nar aơ.

Yôsuê 3:17

Phung kôranh ƀư brah tung Hip Nau Tâm Rnglăp Brah Yêhôva gŭ nsrâng ta neh sơh tâm nklang dak krong Yurdan, dôl lĕ rngôch phung Israel hăn rgăn ta neh sơh, kŏ tât lĕ rngôch phung ƀon lan rgăn jêh dak krong Yurdan.

Yôsuê 4:10

Lĕ phung kôranh ƀư brah tung Hip Nau Tâm Rnglăp gŭ nsrâng tâm nklang dak krong Yurdan kŏ tât ƀư jêh lĕ kan Brah Yêhôva hŏ lah ma Y-Yôsuê đă ntăm tay ma phung ƀon lan tĭng di nâm nau Y-Môis ntăm jêh ma Y-Yôsuê. Jêh nây phung ƀon lan ndal rgăn dak krong Yurdan.

Nau Tâm Mpơl 19:5

Geh nteh luh bơh sưng hađăch lah pô aơ: “Lĕ rngôch phung oh mon Brah Ndu he, phung bunuyh klach yơk ma Păng, lĕ phung toyh nđâp phung jê̆, tâm rnê hom ma Păng!”