Daniel 3:24 - Nau Brah Ndu Ngơi 2023

²⁴ Rnôk nây, hađăch Nêbukatnetsar hih rdâl, dâk ndal ro, ôp ma phung kôranh tâm nchră: “Mâu di hĕ he klŭp jêh ta nklang ŭnh năk pe nuyh?” Khân păng plơ̆ lah: “Ngăn yơh, ơ hađăch.”

Daniel 3:24 Iomraidhean Croise

II Nau Rêh Jêng 22:4

Păng ƀư nau mhĭk tanăp măt Brah Yêhôva, nâm bu ngih Y-Ahap hŏ ƀư jêh. Yorlah jêh mbơ̆ păng khĭt jêh, phung ngih Y-Ahap jêng phung ƀư nau ndơm ma păng tât nau rai lôch.

Daniel 3:17

Tơlah bu klŭp hên tâm ŭnh năk, pônây ơ hađăch, Brah Ndu nơm hên yơk mbah mra dơi tâm rklaih hên klaih bơh ŭnh năk jêh ri bơh ti may.

Daniel 3:23

Bi pe nuyh jêng Y-Sadrak, Y-Mêsăk, Y-Abetnêgô, hôm e chăp tŭp ta nklang năk ŭnh hit.

Daniel 3:25

Hađăch lah tay: “Ri, gâp saơ puăn nuyh mâu geh chăp hăn ta nklang ŭnh mâu geh nau sôt ôh; jêh ri muh măt nơm rơh puăn nây jêng nâm bu du huê kon bu klâu phung brah.”

Daniel 4:22

Ơ hađăch, tơm si nây jêng may yơh. Hađăch hŏ jêng toyh ktang jêh ri ndrŏng kuăng; nau dŭt prêh may n'hao tât ta klơ trôk, nau may dơi chiă uănh lăk dĭ tât ta nglĕ dŭt rplay neh.

Daniel 4:27

Yor nây, ơ hađăch, ăn may dơn nau gâp sâm nchră, chalơi hom nau tih ƀư ma nau sŏng srăng, ƀư nau yô̆ ma phung o ach gay chuai lĕ nau mhĭk may ƀư. Pônây, rnôk chiă uănh geh nau đăp mpăn dơi ntop jong jŏ lơn.”

Daniel 5:18

Ơ hađăch, Brah Ndu Nơm Dŭt Prêh ăn jêh ƀon bri hađăch, nau dơi dŭt prêh, nau chrêk rmah, jêh ri nau rnam ăn ma mbơ̆ may jêng Y-Nêbukatnetsar.

Daniel 5:6

Rnôk nây muh măt păng êr, nau păng mĭn rŭng răng, nting nđăng ra ai, bar đah kômâk râm nsâr.

Daniel 6:22

Brah Ndu gâp njuăl jêh tông mpăr Păng tât jêh ri rdêp lơi mbung yau mŭr yor ri khân păng mâu ƀư mhĭk ma gâp ôh, yorlah tanăp măt Păng dơi kơp gâp jêng mâu geh nau tih ôh. Ơ hađăch, tanăp măt may tâm ban lĕ gâp mâu mâp ƀư tih ôh.”

Daniel 6:7

Lĕ rngôch phung kôranh toyh tâm ƀon bri hađăch, phung kôranh ntang, phung kôranh nkual, phung kôranh nchră jêh ri phung kôranh chiă uănh dăn da dê ma hađăch ƀư nau ntrŭnh jêh ri ăn du luh nau vay buay ktang mâu dơi ƀư tâm pe jât nar tơlah mbu nơm vơl ma brah mâu lah ma bunuyh êng padih may, ơ hađăch, nơm nây mra klŭp tâm trôm ntu yau mŭr.

Kôranh Oh Mon 12:13

Păng goh mpông padih, geh du huê bu ur, amoh H'Rôđa hăn iăt.

Kôranh Oh Mon 26:13

Tâm trong hăn, ơ hađăch, nôk nây klăp lah nklang bôk nar, gâp saơ nau ang tă bơh klơ trôk, nchrat ang rlau lơn ma nar, sol nchrat jŭm gâp jêh ri phung hăn ndrel ma gâp.

Kôranh Oh Mon 26:27

Hơi hađăch Agripa, may chroh lĕ ma nau phung kôranh nơm mbơh lor? Gâp gĭt ngăn may chroh yơh!”

Kôranh Oh Mon 9:6

Ƀiălah dâk hom may, lăp tâm ƀon, bu mra lah ma may lĕ nau may mra ƀư.”

I Samuel 17:55

Tâm nôk Y-Sôl saơ Y-Đavit hăn tâm lơh đah phung Philistin, păng ôp ma Y-Apner, kôranh ma phung tahan: “Ơ Y-Apner, mbu kon bu klâu ndăm rah aơ?” Y-Apner lah: “Hơi hađăch! Tĭng n'hâm may hôm rêh, gâp mâu gĭt ôh.”