Daniel 3:2 - Nau Brah Ndu Ngơi 2023

² Hađăch Nêbukatnetsar kuăl tâm rgum phung kôranh nkual, phung kôranh nchră, phung kôranh toyh, phung kôranh n'hut uănh, phung kôranh chiă uănh ngih drăp, phung kôranh phat dôih, phung kôranh nchih samƀŭt, jêh ri lĕ rngôch phung kôranh tâm n'gor bri văch rƀŭn nhhơr rup hađăch Nêbukatnetsar rdâk jêh.

Daniel 3:2 Iomraidhean Croise

I Phung Hađăch 12:32

Hađăch Jêrôbôam njêng tay du nar nau rƀŭn tâm nar jât ma prăm khay pham, nâm bu nau rƀŭn nkra jêh tâm n'gor Yuđa, jêh ri nhhơr lĕ mpa ƀư brah ta klơ nơng ƀư brah. Hađăch ƀư đŏng kơt nây ta Bêthel, nhhơr mpa ƀư brah ma rup ndrôk kon păng hŏ ƀư jêh. Hađăch njêng đŏng ta Bêthel phung kôranh ƀư brah tâm ntŭk yơk mbah ta lĕ ntŭk prêh klơ păng hŏ ndâk jêh.

Nau Hôr 29:12

Tơlah kôranh chiă uănh iăt nau ngơi mƀruh, Pôri lĕ rngôch phung oh mon păng jêng djơh.

Daniel 3:27

Phung kôranh nkual, phung kôranh chiă uănh, phung kôranh toyh, jêh ri phung kôranh tâm nchră ma hađăch tâm rgum jêh ri saơ ŭnh mâu dơi ƀư mhĭk ma săk jăn phung pe nuyh nây ôh; ăt mâu geh du brai sŏk ta bôk khân păng, kho ao khân păng ŭnh mâu geh rôt ôh, nđâp ma ƀâu ŭnh ăt mâu krêp lĕ tâm khân păng.

Daniel 3:3

Pôri phung kôranh nkual, phung kôranh nchră, phung kôranh toyh, phung kôranh n'hut uănh, phung kôranh chiă uănh ngih drăp, phung kôranh phat dôih, phung kôranh nchih samƀŭt jêh ri lĕ rngôch phung kôranh chiă uănh tâm n'gor bri tâm rƀŭn gay ma nau rƀŭn nhhơr rup hađăch Y-Nêbukatnetsar rdâk jêh. Dôl khân păng dâk tanăp rup Nêbukatnetsar rdâk jêh,

Nau Kơp Bunuyh 25:2

Phung bu ur aơ jă phung ƀon lan Israel sa lĕ mpa ƀư brah nhhơr ma phung brah khân păng. Phung ƀon lan sa jêh ri chon mbah panăp phung brah khân păng.

Nau Tâm Mpơl 17:2

Phung hađăch ta klơ neh ntu ƀư tih nau văng tĭr ndrel păng, jêh ri phung ƀon lan gŭ ta klơ neh nhŭl ndrănh đŏng yorlah ndrănh nau văng tĭr păng.”

Phung Kôranh Phat Dôih 16:23

Rnôk nây, phung kôranh chiă uănh Philistin tâm rƀŭn gay nhhơr ndơ ƀư brah nau yơk ma brah Dagôn khân păng jêh ri ƀư nau răm maak. Khân păng lah pô aơ: “Brah he jao jêh Y-Samsôn, nơm rlăng he, tâm ti he.”