Daniel 3:15 - Nau Brah Ndu Ngơi 2023

¹⁵ Aƀaơ, tơlah khân may tăng bâr nŭng, bâr dĭng, bâr gong rêng, dĭng vưt, gong rêng loih, gâr jê̆ jêh ri ăp ntil gong kreh huy khân may rơm ndrăp chon mon muh măt yơk mbah ma rup gâp ƀư jêh mra jêng ueh; ƀiălah tơlah khân may mâu chon mbah ôh bu mra klŭp khân may tâm năk ŭnh hit, rlong uănh mbu brah dơi tâm rklaih khân may bơh ti gâp?”

Daniel 3:15 Iomraidhean Croise

II Phung Hađăch 18:35

Geh brah moh tâm lĕ rngôch brah lĕ bri dak hŏ rklaih n'gor khân păng tă bơh ti gâp lĕ? Pônây, Brah Yêhôva dơi rklaih Yêrusalem tă bơh ti gâp lĕ?’”

Nau Ngluh Êjipt 32:32

Ƀiălah aƀaơ dăn Kôranh Brah yô̆ an nau tih ma khân păng! Tơlah mâu, dăn may jut lơi amoh gâp bơh ndrom samƀŭt May hŏ nchih jêh.”

Nau Ngluh Êjipt 5:2

Ƀiălah Pharaôn lah: “Brah Yêhôva mbu jêng, dĭng gâp ma tông bâr gay ma ăn phung ƀon lan Israel hăn? Gâp mâu gĭt năl ôh Brah Yêhôva jêh ri gâp mâu đŏng ăn Phung ƀon lan Israel hăn.”

Êsai 37:23

Ma mbu nơm may mưch rmot jêh ri ngơi djơh tât? Ma mbu nơm may tâm rdâng ma bâr nter Jêh ri n'gơr măt ma nau sưr? May janh tâm rdâng đah Nơm Kloh Ueh phung Israel hĕ!

Daniel 2:47

Hađăch lah ma Y-Daniel, “N'hêl nanê̆, Brah Ndu khân may jêng Brah Ndu ma phung brah, jêng Kôranh Brah ma phung hađăch, jêng Nơm tâm mpơl lĕ nau ndâp, yor bơh Păng may dơi tâm mpơl lĕ nau ndâp aơ.”

Daniel 2:9

Tơlah khân may mâu tâm mpơl ôh ma gâp nau gâp mbơi saơ pôri geh knŏng du nau phat dôih prăp jêh ma khân may. Khân may tâm nchră ndrăng khân may nơm djôt lĕ nau ngơi mƀruh nkhơng ngơi ma gâp kŏ tât nau kan geh nau rgâl. Pôri, mbơh hom ma gâp nau gâp mbơi saơ jêh ri gâp mra gĭt khân may mra dơi rblang.”

Daniel 3:17

Tơlah bu klŭp hên tâm ŭnh năk, pônây ơ hađăch, Brah Ndu nơm hên yơk mbah mra dơi tâm rklaih hên klaih bơh ŭnh năk jêh ri bơh ti may.

Daniel 6:16

Ta nây ro, tĭng nau hađăch ntăm, bu njŭn Y-Daniel tât jêh ri klŭp păng tâm trôm ntu yau mŭr. Hađăch lah ma Y-Daniel: “Ăn Brah Ndu may jêng Nơm may pah kan ƀaƀơ mra sâm rklaih may!”

Daniel 6:20

Tơlah păng tât dăch bâr trôm ntu, păng sŏk ma bâr rngot kuăl Y-Daniel. Hađăch kuăl: “Ơ Y-Daniel, oh mon Brah Ndu gŭ rêh mro mrăng! Brah Ndu may pah kan ƀaƀơ, mra dơi rklaih may bơh yau mŭr lĕ?”

Mathay 10:19

Ƀiălah tơlah nhŭp njŭn khân may, lơi rvê ôh khân may mra ngơi mâm nau, mâu lah moh nau mra lah; tâm mông nây, lĕ nau khân may ngơi mra mpơl ma khân may.

Mathay 27:43

Păng rnơm nsing ma Brah Ndu. Tơlah Brah Ndu rŏng ma Păng, ăn Brah Ndu tâm rklaih Păng aƀaơ ro; yorlah păng lah: ‘Gâp jêng Kon Brah Ndu.’ ”

Markôs 13:11

Tơlah bu jao khân may ma nau phat dôih, lơi rvê lor ma nau khân may mra ngơi, ƀiălah ta mông nây, ngơi hom tĭng nau ngơi mra ăn ma khân may; yorlah mâu di khân may mra ngơi ôh, ƀiălah Brah Huêng Ueh yơh.

Luka 12:11

“Tơlah bu njŭn leo khân may tanăp ngih rƀŭn, tanăp phung kôranh mât uănh jêh ri phung kôranh chiă uănh, lơi ta rvê moh nau khân may mra lah mâu lah lĕ nau khân may lah gay n'gang ma khân may nơm,

Luka 13:9

Klăp lah pakơi taơ păng mra geh play; lah mâu geh, may mra kăl lơi păng.’ ”

Kôranh Oh Mon 4:19

Ƀiălah Y-Pêtrôs jêh ri Y-Yôhan plơ̆ lah: “Dăn khân may sek uănh hom, moh nau di tanăp Brah Ndu, tông bâr ma khân may hĕ, mâu lah tông bâr ma Brah Ndu?

Kôranh Oh Mon 5:29

Y-Pêtrôs jêh ri kôranh oh mon plơ̆ lah: “Ăn he tông bâr Brah Ndu ueh lơn ma tông bâr bunuyh.

Kôranh Oh Mon 6:15

Lĕ rngôch bunuyh gŭ ta phung Kôranh Phat Dôih gŭ uănh ma Y-Êtiên jêh ri saơ muh măt păng nâm bu măt tông mpăr.