Daniel 3:1 - Nau Brah Ndu Ngơi 2023

¹ Hađăch Nêbukatnetsar ƀư du mlâm rup mah prêh bar jât pơh met, dĭ rkăng bar met pơh jêh ri rdâk ta neh lâng Dura, jêng tâm n'gor bri Babilôn.

Daniel 3:1 Iomraidhean Croise

I Phung Hađăch 12:28

Jêh nây nchră mĭn, hađăch ntrŭnh ƀư bar mlâm ndrôk kon ma mah, jêh ri păng lah ma phung ƀon lan: “Khân may hăn hao Yêrusalem jêr ngăn! Hơi Israel! Aơ jêng phung brah khân may, hŏ njŭn leo khân may du luh bơh Êjipt.”

Êsther 1:1

Aơ jêng nau tât geh tâm rnôk Y-Asuêrus jêng hađăch, nơm chiă uănh du rhiăng bar jât ma pơh n'gor ntơm bơh bri India tât ma bri Êthiôpi.

Nau Mprơ Ơm 135:15

Rup brah phung ƀon lan ƀư ma prăk jêh ri mah, Jêng kan bơh ti bunuyh ƀư.

Nau Ngluh Êjipt 20:23

Yor ri khân may mâu dơi ƀư du ntil rup brah ta pĭt Gâp; mâu dơi ƀư ôh ma khân may nơm lĕ rup brah ma prăk mâu lah ma mah.’

Nau Ngluh Êjipt 32:31

Pôri Y-Môis plơ̆ hao klơ tâm mâp đah Brah Yêhôva jêh ri lah đah Păng pô aơ: “Vư! Phung ƀon lan aơ hŏ ƀư jêh du nau tih toyh, khân păng hŏ ƀư jêh ma khân păng nơm rup brah ma mah.

Êsai 2:20

Tâm nar nây, bu mra klŭp lơi Ma đe, ma rêt Lĕ rup brah ƀư ma prăk, ma mah, Jêng ndơ khân păng hŏ ƀư gay ma yơk mbah.

Êsai 30:22

Khân may mra ƀư ƀơ̆ ƀơch lĕ rup trah chiăr ma prăk jêh ri rup tŏ ma mah. Khân may mra mƀăr lơi khân păng tâm ban ma ndơ ƀơ̆ jêh ri lah: “Du hom!”

Êsai 46:6

Bu sŏk mah tă bơh dŭng, Jêh ri veh prăk ma njing; Khân păng nkhôm nơm chiăr prăk tŏ du brah, Jêh ri păn yơk mbah.

Yêrêmi 10:9

Prăk chiăr n'hơ dơi lăp tă bơh Tarsis, Mah tă bơh Uphas, Ndơ nơm blau trah jêh ri kôp ti nơm chiăr prăk, Nsoh bok dak piêk sut chăng krăk ƀư ao; Lĕ rngôch tă bơh ti nơm blau da dê.

Yêrêmi 16:20

Dơi lĕ kon bunuyh njêng êng phung brah ma păng nơm? Ƀiălah phung brah nây mâu di jêng brah ôh!”

Daniel 2:48

Hađăch ăn Y-Daniel tâm kan toyh jêh ri ăn ma păng ndơ khlay. Hađăch ăn păng chiă uănh lĕ n'gor bri Babilôn jêh ri ƀư kôranh toyh ma phung kôranh ma lĕ rngôch phung njêh tâm n'gor bri Babilôn.

Daniel 2:49

Tĭng nau Y-Daniel dăn, hađăch ăn Y-Sadrak, Y-Mêsăk, jêh ri Y-Abetnêgô chiă uănh ndrel bri Babilôn; bi ma Y-Daniel gŭ tâm nkual ngih hađăch.

Daniel 3:14

Hađăch Nêbukatnetsar lah ma khân păng: “Ơ, Y-Sadrak, Y-Mêsăk, Y-Abetnêgô, di lĕ khân may mâu pah kan ma lĕ brah gâp jêh ri mâu yơk mbah ma rup mah gâp rdâk jêh?

Daniel 3:30

Hađăch n'hao kan ma Y-Sadrak, Y-Mêsăk jêh ri Y-Abetnêgô tâm n'gor bri Babilôn.

Daniel 5:23

Ƀiălah, may n'hao êng may nơm tâm rdâng đah Kôranh Brah tâm trôk, đă bu njŭn kachok khăl bơh ngih Kôranh Brah ăn ma may nhêt ndrănh ma phung kôranh may, phung ur may jêh ri phung ur yông may. Hađăch tâm rnê jêh phung brah ƀư ma prăk, mah, kông, loih, si jêh ri lŭ, phung brah mâu blau saơ mâu gĭt tăng mâu gĭt rbăng ôh, ƀiălah mâu yơk mbah ôh ma Brah Ndu jêng nơm djôt tâm ti Păng n'hâm nsôr jêh ri lĕ rngôch trong may.

Daniel 5:4

Khân păng nhêt ndrănh n'ho tâm rnê ma phung brah ƀư ma mah, ma prăk, ma kông, ma loih, ma tơm si jêh ri ma lŭ.

Ndrom Samƀŭt bơh Ôsê 2:8

Nanê̆ ngăn păng mâu gĭt ôh Gâp yơh, Nơm hŏ ăn jêh ba ƀlê, ndrănh mhe jêh ri dak ngi ma păng, Gâp yơh hŏ ăn ma păng âk prăk, mah Ƀiălah khân păng djôt dŏng ăn ma brah Baal.

Ndrom Samƀŭt bơh Ôsê 8:4

Khân păng hŏ njêng hađăch mâu geh tă bơh Gâp, Săch phung kôranh chiă uănh ƀiălah Gâp mâu gĭt ôh. Khân păng sŏk prăk mah khân păng ƀư rup brah Gay ma bu ƀư rai khân păng.

Habakuk 2:19

Rêh ni ngăn ma nơm ngơi đah tơm si pô aơ: ‘Kah rngăl hom!’ Jêh ri ngơi đah lŭ mlo pô aơ: ‘Dâk hom may!’ Păng dơi ntĭm nti đŏng? Aơ, păng dơi mblum ma mah jêh ri prăk, Ƀiălah tâm păng mâu geh djê̆ ro n'hâm nsôr.

Kôranh Oh Mon 17:29

Pônây, jêng ndŭl mpôl Brah Ndu, he lơi mĭn Nơm Brah jêng tâm ban ma rup brah ma mah, prăk, mâu lah lŭ bơh nau blau jan jêh ri nau blau mĭn bơh kon bunuyh ƀư.

Kôranh Oh Mon 19:26

Tâm ban khân may saơ jêh ri tăng, mâu knŏng ta ƀon Êphêsô ôh, ƀiălah bơi ma lĕ n'gor Asi, Y-Pôl aơ nsŭk bu jêh ri ƀư âk bunuyh vĭ. Păng lah ma lĕ rup brah ti bunuyh ƀư mâu di brah ngăn ôh.

Nau Vay Nkah Tay 7:25

Ăn khân may su ma ŭnh lĕ rup brah khân păng. Lơi kơnh ôh jêh nây sŏk ma khân may nơm prăk mâu lah mah ta klơ rup nây, klach lah khân may tŭp tâm dăk sân, yorlah nây jêng ndơ tâm rmot đah Yêhôva Brah Ndu khân may.

Nau Tâm Mpơl 9:20

Kô̆ hôm e tâm kon bunuyh, phung bunuyh mâu khĭt yor nau ƀư rai aơ, mâu rmal ôh lĕ kan ti khân păng ƀư, mâu đŏng chalơi nau yơk mbah ma brah mhĭk, ma lĕ rup brah mah, prăk, kông, lŭ, tơm si jêng lĕ rup brah mâu dơi saơ, mâu tăng mâu lah blau nsong ôh.