Daniel 2:9 - Nau Brah Ndu Ngơi 2023

⁹ Tơlah khân may mâu tâm mpơl ôh ma gâp nau gâp mbơi saơ pôri geh knŏng du nau phat dôih prăp jêh ma khân may. Khân may tâm nchră ndrăng khân may nơm djôt lĕ nau ngơi mƀruh nkhơng ngơi ma gâp kŏ tât nau kan geh nau rgâl. Pôri, mbơh hom ma gâp nau gâp mbơi saơ jêh ri gâp mra gĭt khân may mra dơi rblang.”

Daniel 2:9 Iomraidhean Croise

I Phung Hađăch 22:22

Brah nây lah: ‘Gâp mra hăn jêh ri ƀư du huê brah ngơi mƀruh tâm trôm mbung lĕ rngôch nơm mbơh lor păng.’ Brah Yêhôva lah: ‘Di ngăn, may mra ndơm păng. Hăn hom jêh ri ƀư kơt nĕ.’

I Phung Hađăch 22:6

Pônây, hađăch Israel tâm rƀŭn ndrel phung nơm mbơh lor, geh tâm puăn rhiăng nuyh, jêh ri ôp khân păng: “Gâp mra hăn tâm lơh đah ƀon Ramôt-Gilêat mâu lah mâu?” Khân păng lah: “Hăn hao hom, yorlah Kôranh Brah mra jao ƀon nây tâm ti hađăch.”

Êsther 4:11

“Lĕ rngôch phung oh mon jêh ri phung ƀon lan tâm bri hađăch dơi gĭt da dê pô aơ ăp nơm, mâu gĭt bu ur mâu lah bu klâu, hăn lăp tâm nkual tâm trôm ngih hađăch mâu geh ôh nau jă kuăl, tĭng nâm nau vay hŏ ntrŭnh, bu mra nkhĭt lĕ rngôch, knŏng tơlah hađăch yơr mâng jra hađăch ma mah, nơm nây dơi hôm rêh. Ƀiălah hŏ geh pe jât nar ma aơ gâp mâu dơi ăn lăp tâm trôm nkual ngih hađăch.”

Nau Hôr 12:19

Bâr ngơi nanê̆ ngăn gŭ nâp n'ho ro, Bi mpiăt ngơi mƀruh gŭ knŏng ƀât lât dơm.

Êsai 41:23

Mbơh hom ma hên lĕ nau mra tât ta kăndơ̆, Gay ma hên dơi gĭt khân may jêng phung brah; Ƀư ăn nau ueh mâu lah ƀư mhĭk, Gay ma he saơ ndrel jêh ri hih rhâl.

Êsai 44:25

Gâp jêng Nơm ƀư roh nau tâm mbên mƀruh phung mbơh lor nklă, Ƀư ma nơm n'hŭm jêng rluk, Ƀư ma nơm blau mĭn mâu geh nau rai yot, Rgâl nau gĭt rbăng khân păng jêng nau rluk

Êsêkiêl 13:17

Hơi kon bunuyh, rle muh măt may mpeh ma phung kon bu ur ƀon lan may, jêng phung mbơh lor tĭng nâm nau khân păng nơm mĭn, jêh ri may mbơh lor hom nau tâm rdâng đah khân păng.

Êsêkiêl 13:19

Khân may ƀư bêk jêh Gâp ta nklang phung ƀon lan Gâp yor lĕ mbăt ba ôrgơ jêh ri lĕ rlat piăng let. Khân may ndơm phung ƀon lan Gâp jêng phung ŭch iăt lĕ nau mƀruh nây gay ŭch nkhĭt bunuyh mâu khư đah nau khĭt ôh jêh ri om rêh phung mâu khư ma nau rêh ôh.’

Êsêkiêl 13:6

Khân păng hŏ saơ jêh nau dơm dam jêh ri ƀư nau ƀŭk rƀên mƀruh. Khân păng lah pô aơ: “Brah Yêhôva lah”, ƀiălah Brah Yêhôva mâu mâp prơh khân păng hăn ôh, pôri khân păng ŭch ma Păng ƀư ăn nau khân păng ngơi jêng nau tât ngăn.

Daniel 2:16

Y-Daniel lăp ro dăn ma hađăch njong tay mông gay ma rblang nau mbơi nây ăn ma hađăch.

Daniel 2:21

Păng nơm yơh tâm rgâl mông nar jêh ri yan, N'glưh jêh ri njêng phung hađăch; Păng ăn nau blau mĭn ma bunuyh blau mĭn Jêh ri nau gĭt rbăng ma bunuyh gĭt rbăng.

Daniel 2:8

Hađăch plơ̆ lah: “Gâp gĭt nanê̆ khân may ŭch ƀư jŏ mông yorlah khân may gĭt jêh nau gâp tâm nal:

Daniel 3:15

Aƀaơ, tơlah khân may tăng bâr nŭng, bâr dĭng, bâr gong rêng, dĭng vưt, gong rêng loih, gâr jê̆ jêh ri ăp ntil gong kreh huy khân may rơm ndrăp chon mon muh măt yơk mbah ma rup gâp ƀư jêh mra jêng ueh; ƀiălah tơlah khân may mâu chon mbah ôh bu mra klŭp khân may tâm năk ŭnh hit, rlong uănh mbu brah dơi tâm rklaih khân may bơh ti gâp?”

Daniel 5:28

Pêres jêng: Ƀon bri hađăch may bu tâm pă jêh nây ăn ma phung Mêdơ jêh ri phung Persi.”

Daniel 5:31

Y-Darius, bunuyh Mêdơ, chiă uănh ƀon bri hađăch păng, Y-Darius geh prao jât ma bar năm jêh.

Daniel 7:25

Hađăch aơ mra ngơi djơh ma Nơm Dŭt Prêh, Ƀư huănh hươi phung kloh ueh Nơm Dŭt Prêh. Hađăch ŭch mĭn rgâl rnôk jêh ri nau vay. Phung kloh ueh bu mra jao tâm ti hađăch nây Kŏ tât du gưl, bar gưl jêh ri n'gul gưl.

II Kôrintô 2:17

Yorlah, hên mâu tăch rgâl ma nau ngơi Brah Ndu nâm bu âk bunuyh êng. Ƀiălah jêng bunuyh Brah Ndu njuăl hăn, hên mbơh nkoch ma nuih n'hâm răp jăp tâm Brah Krist, tanăp Brah Ndu.