Daniel 2:5 - Nau Brah Ndu Ngơi 2023

⁵ Hađăch plơ̆ lah ma phung Kaldê: “Aơ jêng nau gâp dăp jêh: Tơlah khân may mâu ăn gâp gĭt ôh nau mbơi jêh ri nau rblang nau mbơi nây pôri bu mra hêk lơi khân may ăn hăch, ngih khân may jêng mbŭch ndjah.

Daniel 2:5 Iomraidhean Croise

II Phung Hađăch 10:27

Khân păng ƀư rlâm lơi n'gâng mbah brah Baal jêh ri ƀư rai ngih brah Baal, plăch jêng du ntŭk ek chrach tât ma nar aơ.

Êsra 6:11

Gâp ntrŭnh nau ntăm pô aơ, tơlah mbu moh rlăch samƀŭt nau ntrŭnh aơ, pôri bu mra sŏk du mlâm rkăng vâl tâm ngih nơm nây, kôih mplanh jêh ri ntâp lăp săk jăn păng jêh ri ngih păng mra jêng du mbŭch njŏk.

Nau Mprơ Ơm 50:22

Hơi phung chuêl Brah Ndu, sek uănh hom! Tơlah mâu, Gâp hêk hăch may jêh ri mâu geh nơm dơi rklaih.

Nau Mprơ Ơm 58:7

Ăn khân păng jêng roh rai nâm bu dak hoch! Tơlah khân păng van na, ăn hăr khân păng lĕ ƀâl jêh!

Daniel 2:12

Tăng nau nây, hađăch ji nuih hâu ngăn jêh ri ntăm đă nkhĭt lĕ rngôch phung njêh tâm n'gor bri Babilôn.

Daniel 3:29

Yor nây, gâp ăn samƀŭt nau ntrŭnh aơ: Lĕ rngôch mbu phung ƀon lan, mbu bri dak, mbu nau ngơi geh nau ngơi mhĭk ma Brah Ndu Y-Sadrak, Y-Mêsăk, Y-Abetnêgô bu mra choh săk jăn khân păng, jêh ri ngih khân păng mra jêng mbŭch djah; yorlah mâu geh brah êng ôh mra dơi tâm rklaih tâm ban pônây.”

Daniel 4:9

“Ơ, Y-Beltisasar, kôranh toyh ma phung rƀên, gâp gĭt huêng brah Brah Ndu kloh ueh gŭ tâm may jêh ri mâu geh du nau ndâp jêng jêr ir ôh ma may, pôri mbơh hom ma gâp lĕ nau tâm saơ gâp saơ jêh tâm nau mbơi jêh ri nau khlay păng.

Nau Vay Nkah Tay 13:16

Bun hom lĕ rngôch drăp ndơ hŏ pit sŏk jêh ăn ta ntŭk huy jêh ri su lơi ƀon toyh nây ma ŭnh nđâp ma lĕ rngôch ndơ dơi pit, nâm bu ndơ nhhơr ƀư brah gŭch nhhơr ma Yêhôva Brah Ndu khân may. Ƀon nây mra rai mro mrăng jêh ri bu mâu hôm dơi ndâk tay păng ôh.

Yôsuê 6:26

Rnôk nây, Y-Yôsuê ton lah: “Mbu ndâk jêh ri rdâk njêng đŏng ƀon Yêrikô aơ Mra geh nau rak rtăp tanăp Brah Yêhôva! Mbu nơm n'gân tay mbon, kon bu klâu bôk rah păng khĭt; Mbu nơm rdâk tay mpông, kon mpô̆t păng khĭt.”

I Samuel 15:33

Ƀiălah Y-Samuel lah: “Nâm bu đao may hŏ ăn jêh ma bu ur lĕ roh kon, Pônây lĕ mê̆ may mra roh kon.” Jêh ri Y-Samuel nkhĭt Y-Agak tanăp Brah Yêhôva ta Gilgal.