Daniel 2:48 - Nau Brah Ndu Ngơi 2023

⁴⁸ Hađăch ăn Y-Daniel tâm kan toyh jêh ri ăn ma păng ndơ khlay. Hađăch ăn păng chiă uănh lĕ n'gor bri Babilôn jêh ri ƀư kôranh toyh ma phung kôranh ma lĕ rngôch phung njêh tâm n'gor bri Babilôn.

Daniel 2:48 Iomraidhean Croise

II Samuel 19:32

Y-Barsilai hŏ ranh ngăn, păng geh pham jât năm. Păng kơl jêh ndơ sông sa ăn ma hađăch dôl hađăch gŭ ta Mahanaim, yorlah păng jêng du huê bunuyh ndrŏng ngăn.

II Phung Hađăch 5:1

Y-Naaman, kôranh chiă uănh ma phung tahan hađăch Aram, jêng du huê bunuyh geh nau ktang jêh ri geh nau yơk ngăn tanăp kôranh păng nơm, yorlah ma păng, Brah Yêhôva ăn nau dơi ma phung Aram. Nđâp tơlah păng jêng du huê tahan janh ktang, ƀiălah Y-Naaman geh ji phŭng.

Ndrom Samƀŭt bơh Yôp 1:3

Drăp ndơ păng geh: Pơh rbăn mlâm biăp, pe rbăn mlâm seh samô, prăm rhiăng trŭp ndrôk, prăm rhiăng mlâm seh bri me jêh ri âk oh mon. Păng jêng bunuyh ndrŏng lơn tâm phung ƀon lan bri mpeh luh nar.

Yêrêmi 5:5

Gâp mra tât mâp phung geh nau dơi Jêh ri ngơi đah khân păng, Yorlah khân păng gĭt rah vah trong Brah Yêhôva, Nau Brah Ndu păng lah.” Ƀiălah khân păng nơm hŏ nsum ndrel nsum ndrel nkê̆ch mâng mbăk, Tăch rse!

Daniel 2:6

Ƀiălah tơlah khân may mbơh rah vah ăn ma gâp nau mbơi jêh ri nau rblang pôri gâp mra ăn ndơ ma khân may, nau nkhôm jêh ri nau yơk toyh. Pôri mbơh hom ma gâp nau gâp mbơi nây, jêh ri nau rblang hom.”

Daniel 3:1

Hađăch Nêbukatnetsar ƀư du mlâm rup mah prêh bar jât pơh met, dĭ rkăng bar met pơh jêh ri rdâk ta neh lâng Dura, jêng tâm n'gor bri Babilôn.

Daniel 3:12

Pôri ta aơ geh ƀă phung Yuđa, phung may ăn chiă uănh kan n'gor bri Babilôn, jêng Y-Sadrak, Y-Mêsăk jêh ri Y-Abetnêgô, mâu chrê ôh ma may. Ơ hađăch, phung nây mâu pah kan ma phung brah may ôh, mâu lĕ yơk mbah ma rup mah may rdâk jêh.”

Daniel 3:30

Hađăch n'hao kan ma Y-Sadrak, Y-Mêsăk jêh ri Y-Abetnêgô tâm n'gor bri Babilôn.

Daniel 4:6

Yor nây, gâp ntăm ăn kuăl rgum lĕ rngôch phung blau mĭn tâm n'gor Babilôn văch tanăp gâp gay ma khân păng rblang nau mbơi nây ma gâp.

Daniel 4:9

“Ơ, Y-Beltisasar, kôranh toyh ma phung rƀên, gâp gĭt huêng brah Brah Ndu kloh ueh gŭ tâm may jêh ri mâu geh du nau ndâp jêng jêr ir ôh ma may, pôri mbơh hom ma gâp lĕ nau tâm saơ gâp saơ jêh tâm nau mbơi jêh ri nau khlay păng.

Daniel 5:11

Tâm ƀon bri hađăch may geh du huê bunuyh geh huêng brah phung brah Brah Ndu kloh ueh gŭ tâm păng. Tâm rnôk mbơ̆ may, bu saơ tâm nơm nây geh nau ang, nau gĭt rbăng jêh ri blau mĭn, tâm ban ma nau blau mĭn Brah Ndu. Mbơ̆ may jêng Y-Nêbukatnetsar, njêng jêh nơm nây ƀư kôranh ma phung rƀên, phung pol, phung Kaldê, jêh ri phung n'hŭm.

Daniel 5:16

Gâp tăng bu lah may dơi rblang jêh ri nkra nau jêr jŏk. Pôri, tơlah may dơi rŏ rplay samƀŭt nchih jêh ri rblang ma gâp, pôri may mra dơi nsoh ao chăng ĭr, văn rvang mah ta trô ko jêh ri ăn may jêng kôranh mrô pe tâm ƀon bri hađăch.”

Daniel 5:29

Hađăch Belsasar ta nây ro đă djôt ao chiăng ĭr nsoh ma Y-Daniel; sâm văn kông mah ta trô ko jêh ri mbơh păng jêng kôranh mrô pe tâm ƀon bri hađăch.

Daniel 5:7

Hađăch nter huy ntrŭnh nau ntăm kuăl rgum phung n'hŭm, phung Kaldê jêh ri phung gru rƀên. Hađăch ngơi ma phung njêh n'gor bri Babilôn: “Mbu dơi răk rplay samƀŭt aơ jêh ri rblang ma gâp nau tâm mpơl pôri mra dơi nsoh ao chăng ĭr gâp, văn mah rval ta trô ko jêh ri ăn păng jêng kôranh mrô pe chiă uănh tâm ƀon bri hađăch.”

Daniel 8:27

Rnôk nây, gâp, Y-Daniel, rgănh suan ngăn jêh ri ji kuet tâm âk nar. Jêh nau nây gâp dâk jêh ri pah kan ma hađăch. Gâp hih rhâl ma nau tâm saơ nây jêh ri ăt mâu dơi gĭt rbăng lĕ ôh nau khlay.

Nau Kơp Bunuyh 24:11

Yor nây aƀaơ dâk hăn hom may rlet ma n'gor may nơm! Gâp ton mra ăn nkhôm ma may nanê̆ ngăn, ƀiălah Brah Yêhôva mâu ăn ma may sŏk dơn.”

I Samuel 17:25

Du huê Israel lah: “May saơ lĕ bu klâu aơ rduh ran tât? Păng văch ran gay ƀư bêk prêng phung Israel! Tơlah tâm phung Israel, mbu moh dơi nkhĭt păng, hađăch mra ăn nau nkhôm ma păng âk drăp ndơ, ăn kon bu ur păng ma nơm nây, jêh ri păng mâu hôm sŏk riu pi ma ngih mbơ̆ păng.”

I Samuel 2:8

Yorlah lĕ meh n'gâng neh ntu jêng ndơ Brah Yêhôva, Păng hŏ dơm jêh neh ntu klơ nây.

I Samuel 25:2

Geh du huê bunuyh gŭ ta Maôn, bi drăp ndơn păng ta Karmel. Bunuyh nây ndrŏng ngăn ngên, păng mât rong pe rbăn mlâm biăp, jêh ri du rbăn mlâm be. Dôl păng kreh rsau biăp ta Karmel.