Daniel 2:46 - Nau Brah Ndu Ngơi 2023

⁴⁶ Rnôk nây, hađăch Y-Nêbukatnetsar păn muh măt mbah ma Y-Daniel jêh nây ntăm đă djôt ndơ nhhơr jêh ri ndơ ƀâu kah ma Y-Daniel.

Daniel 2:46 Iomraidhean Croise

Êsra 6:10

gay ăn khân păng nhhơr ndơ ƀư brah geh n'hôl ƀâu kah ma Brah Ndu klơ trôk, jêh ri mbơh sơm ma gâp nđâp phung kon bu klâu hađăch dơi rêh jŏ năm.

Daniel 3:5

Tơlah khân may tăng bâr nŭng, bâr n'hôm, bâr gong rêng, dĭng vưt, rlet, gong rêng loih, gâr jê̆ jêh ri lĕ rngôch gong kreh huy khân may chon mon muh măt yơk mbah ma rup mah hađăch Nêbukatnetsar rdâk jêh.

Daniel 3:7

Yor ri, tăng jêh bâr nŭng, bâr dĭng, bâr gong rêng, dĭng vưt, gong rêng loih, bâr rlet jêh ri ăp ntil gong kreh huy lĕ rngôch ntil phung, lĕ bri dak, lĕ nau ngơi, chon mon muh măt da dê jêh ri yơk mbah ma rup mah hađăch Nêbukatnetsar rdâk jêh.

Daniel 8:17

Nơm nây, văch êp ro ntŭk gâp gŭ dâk. Saơ nơm nây tât, gâp klach ngăn jêh ri păn muh măt ta neh. Ƀiălah nơm nây lah ma gâp: “Hơi kon bunuyh, gĭt rbăng hom nau tâm saơ aơ di ma rnôk nglĕ dŭt.”

Kan Lêvi 26:31

Gâp mra ƀư ma ƀon toyh khân may jêng rngol, lĕ ntŭk kloh ueh jêng rngot rjăp jêh ri Gâp mâu mra dơn ôh n'hôl ƀâu kah bơh ndơ ƀư brah khân may nhhơr.

Luka 17:16

jêh ri tât chon mon ta jâng Brah Yêsu jêh ri lah ueh ma Păng. Nơm nây jêng bunuyh Samari.

Kôranh Oh Mon 10:25

Y-Pêtrôs hăn lăp, Y-Kôrnei luh vơt, chon mon păn mbah ta jâng păng.

Kôranh Oh Mon 14:13

Kôranh ƀư brah ma brah Yupitê geh ngih brah ta padih ƀon, têk leo ndrôk nkuăng jêh ri rvang kao tanăp bôk mpông, ŭch ndrel ma phung ƀon lan nhhơr ndơ ƀư brah ma phung kôranh oh mon.

Kôranh Oh Mon 28:6

Khân păng ntôn lah păng môr săk jăn mâu lah cha lôt khĭt ro; ƀiălah jŏ jêh khân păng gŭ uănh, mâu saơ geh nau hih rhâl tât geh, khân păng tâm rgâl tay nau mĭn jêh ri lah bunuyh nây jêng du huê brah.

Nau Tâm Mpơl 11:16

Bar jât ma puăn nuyh phung kôranh bu ranh dôl gŭ ta sưng hađăch tanăp Brah Ndu, khân păng păn ta neh, yơk mbah ma Brah Ndu,

Nau Tâm Mpơl 19:10

Gâp chon mon ta jâng tông mpăr gay yơk mbah, ƀiălah tông mpăr lah: “Lơi ƀư kơt nây, gâp jêng mĭt jiăng pah kan ndrel ma may jêh ri ma phung oh nâu may, jêng phung bunuyh djôt prăp nau Brah Yêsu mbơh. Yơk mbah hom ma Brah Ndu. Yorlah nau mbơh nkoch ma Brah Yêsu jêng nau du nđơr tâm nau mbơh lor.”

Nau Tâm Mpơl 22:8

Gâp jêng Y-Yôhan, nơm tăng jêh ri saơ jêh lĕ nau aơ. Tơlah gâp tăng jêh ri saơ lôch jêh, gâp chon mon ta jâng tông mpăr hŏ tâm mpơl lĕ nau aơ ma gâp, gay ŭch mbah ma păng.