Daniel 2:45 - Nau Brah Ndu Ngơi 2023

⁴⁵ Nâm bu may saơ jêh, glo lŭ bu trah tă bơh yôk mâu di tă bơh ti kon bunuyh ôh, jêh ri dong nchah loih, kông, neh uk, prăk jêh ri mah. Brah Ndu nơm dŭt prêh tâm mpơl jêh ma hađăch gĭt nau mra tât. Nau mbơi aơ jêng ngăn jêh ri nau rblang nây jêng nanê̆ ngăn.”

Daniel 2:45 Iomraidhean Croise

Nau Ntơm 41:26

Pơh mlâm ndrôk lay rklĭn jêng pơh năm, pơh ndrŏng ba rnglay nây ăt jêng pơh năm đŏng; bar nau mbơi nây knŏng jêng nguay.

Nau Ntơm 41:28

Di tĭng nâm gâp hŏ lah jêh ma hađăch Pharaôn: Brah Ndu hŏ tâm mpơl jêh ma hađăch saơ lĕ nau Păng mra ƀư.

Nau Ntơm 41:32

Nau mbơi hađăch rkê̆ch tay bar tơ̆, nau nây Brah Ndu hŏ ƀư ăn nanê̆ jêh, jêh ri Păng mra ăn nau nây tât gơnh.

II Samuel 7:22

Yor ri, hơi Kôranh Brah Yêhôva! May jêng toyh, mâu geh nơm tâm rđĭl nâm bu May. Tĭng nâm lĕ nau hên tăng jêh ma tôr hên, rlau ma May mâu geh Brah Ndu êng ôh.

I Nau Rêh Jêng 16:25

Yorlah Brah Yêhôva dŭt toyh, khư ngăn ma bu mprơ tâm rnê, Păng khư ngăn ma bu klach yơk rlau lơn ma lĕ rngôch brah.

Nêhêmi 4:14

Jêh sek uănh, gâp dâk hăn jêh ri ngơi ma phung ndrŏng, phung kôranh, jêh ri phung ƀon lan hôm e klen pô aơ: “Lơi klach ôh ma khân păng. Kah gĭt hom pô aơ Kôranh Brah jêng Nơm dŭt toyh jêh ri geh nau klach yơk, mra tâm lơh ăn ma phung oh nâu, ăn ma phung kon bu klâu, kon bu ur, ăn ma phung ur, jêh ri ma phung ngih vâl khân may.”

Nêhêmi 9:32

Pôri aƀaơ, hơi Brah Ndu hên, jêng Brah Ndu dŭt toyh, nơm brah, geh nau klach yơk, Djôt prăp nau tâm rnglăp jêh ri nuih n'hâm ueh, Dăn lơi uănh n'gơch nau rêh ni hŏ ăn tât ma hên, Ma phung hađăch, ma phung kôranh chiă uănh, ma phung kôranh ƀư brah, ma phung nơm mbơh lor, ma phung chô yau hên, Jêh ri ma lĕ rngôch phung ƀon lan Kôranh Brah tă bơh rnôk phung hađăch Asiri kŏ tât ta nar aơ.

Ndrom Samƀŭt bơh Yôp 36:26

Di ngăn, Brah Ndu dŭt toyh, mâm he dơi gĭt rbăng; Mrô năm Păng mbu dơi kơp.

Nau Mprơ Ơm 135:5

Gâp gĭt Brah Yêhôva jêng dŭt toyh, Kôranh Brah he ta klơ lơn ma lĕ rngôch brah.

Nau Mprơ Ơm 145:3

Brah Yêhôva jêng dŭt toyh jêh ri khư ma nau tâm rnê; Nau dŭt toyh Păng mâu dơi veh ôh.

Nau Mprơ Ơm 2:9

Kon dŏng mâng tăk jra loih mbang nchah khân păng, Ƀư khân păng nchah lơi nâm bu yăng neh chah rai.”

Nau Mprơ Ơm 48:1

Brah Yêhôva dŭt toyh, khư ma lĕ nau mprơ tâm rnê Tâm ƀon Brah Ndu he Jêh ri ta klơ yôk kloh ueh Păng.

Nau Mprơ Ơm 96:4

Yorlah Brah Yêhôva dŭt toyh, khư ngăn ma bu mprơ tâm rnê, Păng khư ngăn ma bu klach yơk rlau lơn ma lĕ rngôch brah.

Êsai 28:16

Yor nây, Kôranh Brah jêng Brah Yêhôva lah pô aơ: “Aơ, Gâp dơm ta Siôn du mlâm lŭ, Jêng lŭ rlong uănh, lŭ njônh ngih, lŭ khlay, Ƀư mbon nâp ktang Gay ma mbu nơm chroh mâu mra rŭng răng ôh.

Daniel 2:24

Pôri, Y-Daniel hăn tât ma ngih Y-Ariôk, jêng nơm hađăch đă nkhĭt phung njêh n'gor bri Babilôn, jêh ri lah: “Lơi ta nkhĭt ôh phung njêh n'gor bri Babilôn; ăn njŭn leo gâp tanăp măt hađăch pôri gâp mra rblang nau mbơi ma hađăch.”

Daniel 2:28

Ƀiălah Brah Ndu klơ trôk jêng Nơm tâm mpơl nau ndâp, mra ăn ma hađăch Nêbukatnetsar gĭt lĕ nau mra tât tâm rnôk nglĕ dŭt. Aơ jêng nau mbơi jêh ri lĕ nau tâm saơ tât nau mĭn may dôl may bê̆ch ta klơ sưng bê̆ch:

Daniel 2:29

Ơ hađăch, dôl may bê̆ch ta klơ sưng bê̆ch may geh nau mĭn ma nau mra tât pôri Nơm tâm mpơl nau ndâp ăn may gĭt nau mra geh tât.

Daniel 2:44

Tâm rnôk phung hađăch aơ, Brah Ndu tâm trôk mra rdâk du rplay ƀon bri hađăch mâu mra mâp rai lôch ôh, nau chiă uănh ƀon bri hađăch nây mâu mra tŭp ma phung ndŭl mpôl êng. Ƀon bri hađăch nây mra dong nchah jêh ri ƀư rai lĕ rngôch ƀon bri hađăch êng, păng nơm mra hôm n'ho ro.

Daniel 8:25

Tă bơh nau plĕch rlăm, Hađăch nây ƀư dơi jêng lĕ nau nchră ndơm. Hađăch mra geh nuih n'hâm sưr n'hao êng păng nơm, Hađăch ƀư rai ndal âk bunuyh, Jêh ri janh hao tâm rdâng đah Kôranh ma lĕ kôranh. Ƀiălah hađăch nây bu mra ƀư rai Nđâp tơlah mâu yor tă bơh ti kon bunuyh ôh.

Ndrom Samƀŭt bơh Agê 2:22

Gâp mra nklơ̆ lơi sưng hađăch phung kôranh hađăch, ƀư roh lơi nau dơi lĕ rngôch ƀon bri hađăch neh ntu. Gâp mra nklơ̆ lơi ndeh seh nđâp phung ƀĭt gai; phung seh tâm lơh jêh ri phung tahan ncho seh mra cha lôt khĭt yor đao bơh oh nâu khân păng nơm.’”

Sakari 12:3

Tâm nar nây, Gâp mra ƀư ăn ma ƀon Yêrusalem jêng du mlâm lŭ toyh jâk ngăn ăn ma lĕ rngôch ntil mpôl bunuyh; mbu moh chông păng mra geh nau sôt rmanh jru. Jêh ri lĕ rngôch bri dak ta klơ neh mra tâm rgum gay tâm rdâng đah păng.”

Malachi 1:11

Yor ntơm bơh nar luh tât nar nhâp, tâm amoh Gâp jêng dŭt toyh ta nklang tâm lĕ rngôch bri dak. Gŭ lam ntŭk, bu mra nhhơr ndơ ƀâu kah jêh ri nhhơr ndơ ƀư brah kloh ma amoh Gâp, yor amoh Gâp jêng dŭt toyh ta nklang lĕ rngôch bri dak.” Brah Yêhôva ma phung tahan lah pônây.

Mathay 21:24

Brah Yêsu plơ̆ lah: “Gâp ŭch ôp ma khân may du trong, tơlah khân may dơi plơ̆ lah, Gâp mra lah ma khân may gĭt tă bơh nau dơi Gâp ƀư nau aơ.

Mathay 24:35

Trôk neh ntu mra rlau lôch, ƀiălah nau Gâp ngơi mâu mra rlau lôch ôh.”

Luka 17:20

Phung Pharisi ôp Brah Yêsu ndah jŏ ƀon bri hađăch Brah Ndu mra văch, Păng plơ̆ lah: “Ƀon bri hađăch Brah Ndu mâu văch ôh tâm nau rah vah gay ntreng uănh dơi;

Nau Vay Nkah Tay 10:17

yorlah Yêhôva Brah Ndu khân may jêng Brah Ndu ma phung brah jêh ri Kôranh Brah ma phung kôranh, jêng Brah Ndu toyh, bêng nau brah jêh ri ăn geh nau klach yơk, jêng Nơm mâu ôh tĭng du dĭng, jêh ri mâu dơn ôh drăp tâm blŏl.

Nau Tâm Mpơl 1:19

Pôri, nchih hom lĕ nau may hŏ saơ jêh, lĕ nau geh jêh jêh ri lĕ nau mra tât kăndơ̆.

Nau Tâm Mpơl 19:17

Jêh nây gâp saơ du huê tông mpăr gŭ dâk tâm nar, nter bâr huy kuăl ma lĕ rngôch sĭm dôl mpăr tâm nklang trôk: “Văch hom, tâm rgum băl hom gay râng nhêt sông sa toyh Brah Ndu,

Nau Tâm Mpơl 4:1

Jêh nau nây, gâp n'gơr uănh, ri, geh du mlâm mpông pơk ta klơ trôk! Bâr tal nguay gâp hŏ tăng, nâm bu bâr nŭng ngơi ma gâp pô aơ: “Hăn hao hom ta aơ, Gâp mra ntĭm ăn may moh nau mra tât kăndơ̆.”