Daniel 2:4 - Nau Brah Ndu Ngơi 2023

⁴ Phung Kaldê lah ma hađăch tâm nau ngơi Aramêk pô aơ: “Ơ hađăch gŭ rêh n'ho ro! Ăn may nkoch nau mbơi ma phung oh mon may, jêh ri hên mra rblang an.”

Daniel 2:4 Iomraidhean Croise

Nau Ntơm 31:47

Y-Laban rnha ntŭk nây jêng Jêgar Saha-dutha, ƀiălah Y-Yakôb rnha ntŭk nây jêng Galet.

Nau Ntơm 41:8

Ang ôi taơ, huêng hađăch uh ah, hađăch đă bu kuăl lĕ rngôch phung rƀên jêh ri phung gĭt blau tâm Êjipt văch. Pharaôn nkoch bri nau mbơi ma khân păng, ƀiălah mâu geh ôh du huê dơi gĭt rblang nau mbơi nây ma Pharaôn.

I Phung Hađăch 1:25

Yor nây, nar aơ, kon bu klâu hađăch hŏ hăn trŭnh nhhơr mpa ƀư brah jêh ma ndrôk, mpa lay, jêh ri biăp âk ngăn, jêh nây lĕ jă jêh lĕ rngôch phung kon bu klâu hađăch, phung kôranh lĭng tahan, jêh ri kôranh ƀư brah Y-Abiathar. Ri, khân păng sông sa nhêt tanăp măt Y-Adônija jêh ri nter lah: ‘Hađăch Adônija mro mrăng!’

I Phung Hađăch 1:31

H'Batsêba păn muh măt ta neh, mbah tanăp măt hađăch jêh ri lah: “Ăn hađăch Đavit, kôranh gâp, mro mrăng!”

II Phung Hađăch 18:26

Y-Êliakim, kon Y-Hilkia, ndrel ma Y-Sêpna jêh ri Y-Jôa lah ma Y-Rabshakeh: “Dăn lah đah phung oh mon may tâm nau ngơi Aram, yorlah hên gĭt rbăng nau nây. Dăn lơi ngơi ôh ma hên nau ngơi phung Yuđa, klach lah phung ƀon lan gŭ ta klơ mpêr ƀon dơi tăng.”

Êsra 4:7

Tât ta rnôk Artasersês, geh Y-Bislam, Y-Mirêdat, Y-Tabêel jêh ri lĕ rngôch băl khân păng pah kan ndrel nchih samƀŭt ma Artasersês, hađăch Persi. Samƀŭt nây bu nchih tâm rplay samƀŭt Aram jêh ri rblang tay ma hađăch.

Nêhêmi 2:3

Gâp lah ro ma hađăch: “Ăn hađăch gŭ rêh n'ho ro! Mâm dĭng măt gâp mâu rngot, tơlah ƀon, jêng ntŭk geh môch ma phung chô yau gâp gŭ, lĕ rai jêh, jêh ri lĕ rngôch mpông ƀon lĕ ŭnh sa jêh?”

Êsai 36:11

Y-Êliakim ndrel ma Y-Sêpna jêh ri Y-Jôa lah ma Y-Rabshakeh: “Dăn lah đah phung oh mon may tâm nau ngơi Aram, yorlah hên gĭt rbăng nau nây. Dăn lơi ngơi ôh ma hên nau ngơi phung Yuđa klach lah phung ƀon lan gŭ ta klơ mpêr ƀon dơi tăng.”

Êsai 44:25

Gâp jêng Nơm ƀư roh nau tâm mbên mƀruh phung mbơh lor nklă, Ƀư ma nơm n'hŭm jêng rluk, Ƀư ma nơm blau mĭn mâu geh nau rai yot, Rgâl nau gĭt rbăng khân păng jêng nau rluk

Daniel 1:4

Lĕ phung bu klâu ndăm aơ jêng phung mâu geh ntŭk kuet ôh, muh măt ueh, geh âk nau njêh, blau mĭn tâm lĕ rngôch, geh nau gĭt mĭn huy jêh ri gĭt rbăng, geh nau blau ngăn pah kan tâm ngih hađăch. Y-Aspênas sâm nti ma khân păng nau ngơi ueh jêh ri nau ngơi phung Kaldê.

Daniel 2:7

Khân păng plơ̆ lah tal bar: “Ăn hađăch nkoch tay nau mbơi saơ ăn ma phung oh mon may, jêh ri mra rblang an.”

Daniel 3:9

Khân păng lah ma hađăch Nêbukatnetsar pô aơ: “Ơ hađăch, ăn may gŭ rêh n'ho ro!

Daniel 4:19

Rnôk nây, Y-Daniel, ăt rnha Y-Beltisasar, mâu dơi ngơi tâm ƀât lât. Lĕ nau mĭn ƀư ma păng rŭng răng. Hađăch lah: “Hơi Y-Beltisasar, lơi ăn nau mbơi jêh ri nau rblang ƀư rŭng may ôh.” Y-Beltisasar plơ̆ lah: “Ơ kôranh gâp, ăn nau mbơi aơ tât ma phung tâm rmot ma may, jêh ri nau rblang prăp ma phung rlăng đah may!

Daniel 4:7

Phung rƀên, phung n'hŭm, phung Kaldê, jêh ri phung nchrâng mănh tât. Gâp nkoch nau mbơi ăn ma khân păng iăt, ƀiălah khân păng mâu dơi rblang nau mbơi nây ma gâp ôh.

Daniel 4:9

“Ơ, Y-Beltisasar, kôranh toyh ma phung rƀên, gâp gĭt huêng brah Brah Ndu kloh ueh gŭ tâm may jêh ri mâu geh du nau ndâp jêng jêr ir ôh ma may, pôri mbơh hom ma gâp lĕ nau tâm saơ gâp saơ jêh tâm nau mbơi jêh ri nau khlay păng.

Daniel 5:10

Tăng nau phung hađăch jêh ri phung kôranh toyh păng ngơi, mê̆ hađăch lăp tâm jrô sông sa. Mê̆ păng lah: “Ơ hađăch gŭ rêh n'ho ro! Lơi ăn nau may mĭn geh nau rŭng răng, muh măt jêng êr!

Daniel 5:8

Rnôk nây, lĕ rngôch phung njêh hađăch tât da dê, ƀiălah khân păng mâu dơi răk rplay samƀŭt nây ôh, mâu lĕ dơi tâm mpơl nau rblang ma hađăch.

Daniel 6:21

Y-Daniel plơ̆ lah ma hađăch: “Ăn nau ueh ma may gŭ rêh n'ho ro!

Daniel 6:6

Phung kôranh toyh jêh ri phung kôranh nkual ndrel hăn tanăp hađăch jêh ri lah: “Hađăch Darius gŭ rêh n'ho ro!

Daniel 6:7

Lĕ rngôch phung kôranh toyh tâm ƀon bri hađăch, phung kôranh ntang, phung kôranh nkual, phung kôranh nchră jêh ri phung kôranh chiă uănh dăn da dê ma hađăch ƀư nau ntrŭnh jêh ri ăn du luh nau vay buay ktang mâu dơi ƀư tâm pe jât nar tơlah mbu nơm vơl ma brah mâu lah ma bunuyh êng padih may, ơ hađăch, nơm nây mra klŭp tâm trôm ntu yau mŭr.

Mathay 21:9

Phung bunuyh, nơm hăn panăp, bunuyh hăn tĭng pakơi troh huy ktang da dê: “Hôsana ma Kon Y-Đavit! Tâm rnê ma Nơm văch tâm amoh Kôranh Brah! Hôsana ta ntŭk dŭt prêh!”

I Samuel 10:24

Y-Samuel ngơi đah lĕ rngôch ƀon lan: “Khân may saơ lĕ nơm Brah Yêhôva hŏ săch jêh? Tâm lĕ phung ƀon lan, mâu geh du huê nuyh nâm bu păng.” Lĕ rngôch phung ƀon lan nter lah: “Hađăch gŭ rêh n'ho ro!”