Daniel 2:28 - Nau Brah Ndu Ngơi 2023

²⁸ Ƀiălah Brah Ndu klơ trôk jêng Nơm tâm mpơl nau ndâp, mra ăn ma hađăch Nêbukatnetsar gĭt lĕ nau mra tât tâm rnôk nglĕ dŭt. Aơ jêng nau mbơi jêh ri lĕ nau tâm saơ tât nau mĭn may dôl may bê̆ch ta klơ sưng bê̆ch:

Daniel 2:28 Iomraidhean Croise

Nau Ntơm 40:8

Phung nây lah: “Hên geh jêh nau mbơi ƀiălah mâu geh ôh bunuyh dơi rblang nau nây.” Y-Yôsep lah: “Mâu di hĕ Brah Ndu dơi rblang nau mbơi? Gâp dăn ma khân may nkoch tay nau mbơi nây ma gâp.”

Nau Ntơm 41:16

Y-Yôsep ơh ma hađăch Pharaôn: “Mâu di gâp ôh, ƀiălah Brah Ndu mra ăn ma hađăch nau rblang đăp mpăn.”

Nau Ntơm 41:25

Y-Yôsep lah ma Pharaôn: “Bar nau may mbơi geh du nau rblang. Brah Ndu hŏ tâm mpơl jêh ma may gĭt lor lĕ kan Păng mra ƀư.

Nau Ntơm 49:1

Y-Yakôb kuăl phung kon bu klâu păng jêh ri lah: “Rgum ndrel hom ta aơ, gâp mra lah dĭng lĕ nau mra tât ma phung khân may tâm rnôk kăndơ̆.

Nau Mprơ Ơm 115:3

Brah Ndu he gŭ tâm klơ lĕ ndâr trôk; Păng ƀư lĕ rngôch nau Păng geh nau maak.

Êsai 2:2

Tâm lĕ nar nglĕ dŭt, Yôk ngih Brah Yêhôva Mra dơi ndâk nâp ta klơ lĕ gôl yôk, Prêh lơn ma lĕ rngôch yôk. Lĕ rngôch bri dak mra hăn plơ̆ sĭt ta nây,

Yêrêmi 10:7

Ơ Hađăch ma lĕ bri dak! Mbu moh mâu klach yơk May? May dơi khư ma nau yơk mbah. Yorlah ta nklang phung bunuyh blau mĭn tâm lĕ bri dak, Tâm lam ƀon bri hađăch khân păng, Mâu geh nơm dơi tâm rđĭl đah May.

Yêrêmi 30:24

Nau ji nuih gring gring Brah Yêhôva hâu ngăn mâu mra djoh ôh Kŏ tât Păng ƀư jêh ri ăn jêh Lĕ nau ŭch mĭn tâm nuih n'hâm Păng. Tâm nar nglĕ dŭt, Khân may gĭt rbăng nau nây.

Yêrêmi 48:47

Ƀiălah, tât ta nar nglĕ dŭt, Gâp mra ƀư ma ƀon lan Môap plơ̆ jêng ndrŏng tay,” Brah Yêhôva lah pônây. Nau phat dôih ma bri Môap lôch nglĕ aơ dơm.

Êsêkiêl 28:3

May blau mĭn rlau lơn ma Y-Daniel lĕ? Mâu geh ôh hĕ nau khlay ndâp dơi pôn ndâp đah may?

Êsêkiêl 38:16

Hơi Y-Gôk! May mra hăn tât lơh ƀon lan Israel Gâp nâm bu du ndâr tŭk nkŭm lĕ bri. N'hêl nanê̆, tâm rnôk nglĕ dŭt, Gâp mra ăn may lơh bri Gâp gay ma phung mpôl băl bunuyh uănh gĭt năl Gâp tơlah Gâp dŏng may gay mpơl nau kloh ueh Gâp tanăp măt khân păng.’

Êsêkiêl 38:8

Âk nar pakơi, may mra sŏk dơn nau bu kuăl hăn tâm lơh. Tâm lĕ năm nglĕ dŭt, may mra hăn tâm lơh tâm du n'gor bu hŏ sâm rklaih jêh tă bơh đao, jêh ri phung ƀon lan păng tâm rgum âk mpôl băl bunuyh ma n'gor yôk Israel, jêng ntŭk rngot njăp lĕ roh rai bơh jŏ jêh. Bu hŏ njŭn khân păng sĭt tă bơh phung mpôl băl bunuyh jêh ri lĕ rngôch gŭ rêh đăp mpăn da dê.

Daniel 1:20

Dôl hađăch ôp khân păng ma lĕ rngôch nau ôp ma nau blau mĭn nau gĭt rbăng, pôri saơ khân păng blau lơn jât tơ̆ ma phung ƀŭk rƀên jêh ri phung kôranh n'hŭm tâm lĕ ƀon bri hađăch păng nơm.

Daniel 10:14

Aƀaơ, gâp văch gay ăn may gĭt rbăng nau mra tât ma phung ƀon lan may tâm nar nglĕ dŭt, yorlah aơ jêng nau tâm saơ di ma lĕ nar dăch tât.”

Daniel 2:18

jêh ri đă khân păng dăn nau yô̆ bơh Brah Ndu tâm trôk ma nau ndâp aơ, gay ma Y-Daniel jêh ri phung băl păng mâu geh khĭt ndrel ma phung njêh êng tâm n'gor bri Babilôn.

Daniel 2:22

Păng nơm yơh tâm mpơl lĕ nau jru ndâp ngăn; Păng gĭt lĕ nau tât geh tâm nau ngo Jêh ri nau ang gŭ ndrel ma păng.

Daniel 2:44

Tâm rnôk phung hađăch aơ, Brah Ndu tâm trôk mra rdâk du rplay ƀon bri hađăch mâu mra mâp rai lôch ôh, nau chiă uănh ƀon bri hađăch nây mâu mra tŭp ma phung ndŭl mpôl êng. Ƀon bri hađăch nây mra dong nchah jêh ri ƀư rai lĕ rngôch ƀon bri hađăch êng, păng nơm mra hôm n'ho ro.

Daniel 2:45

Nâm bu may saơ jêh, glo lŭ bu trah tă bơh yôk mâu di tă bơh ti kon bunuyh ôh, jêh ri dong nchah loih, kông, neh uk, prăk jêh ri mah. Brah Ndu nơm dŭt prêh tâm mpơl jêh ma hađăch gĭt nau mra tât. Nau mbơi aơ jêng ngăn jêh ri nau rblang nây jêng nanê̆ ngăn.”

Daniel 2:47

Hađăch lah ma Y-Daniel, “N'hêl nanê̆, Brah Ndu khân may jêng Brah Ndu ma phung brah, jêng Kôranh Brah ma phung hađăch, jêng Nơm tâm mpơl lĕ nau ndâp, yor bơh Păng may dơi tâm mpơl lĕ nau ndâp aơ.”

Daniel 4:5

pôri gâp saơ du ntil nau mbơi ƀư nkrit gâp. Lĕ nau mĭn mhĭk ngăn ta klơ sưng bê̆ch jêh ri lĕ rup tâm bôk ƀư ma gâp mâu đăp gŭ.

Ndrom Samƀŭt bơh Ôsê 3:5

Ƀiălah jêh nây, phung ƀon lan Israel plơ̆ joi tay Brah Yêhôva Brah Ndu khân păng jêh ri Y-Đavit hađăch khân păng. Tâm nar nglĕ dŭt, khân păng mra klach râm sâr plơ̆ sĭt ma Brah Yêhôva jêh ri dơi geh nau ueh lăng Păng ăn.

Amôt 4:13

N'hêl nanê̆ Păng hŏ njêng jêh yôk jêh ri rhăk njêng sial; Păng yơh mpơl nau bunuyh mĭn tâm nuih n'hâm. Păng rgâl luh nar luh jêng ngo Jêh ri hăn tâm lĕ ntŭk prêh ta neh ntu. Amoh Păng jêng Yêhôva Brah Ndu ma phung tahan.

Nau Kơp Bunuyh 24:14

Aơ, aƀaơ gâp plơ̆ sĭt ma phung ƀon lan gâp nơm. Ƀiălah văch hom, gâp mra mbơh ma may gĭt moh nau phung ƀon lan aơ mra ƀư ma phung ƀon lan may tâm lĕ nar kăndơ̆.”

Mathay 6:9

Pôri, ăn khân may mbơh sơm pô aơ: ‘Ơ Mbơ̆ hên gŭ tâm trôk ơi; Ăn amoh May bu yơk ma nau kloh ueh.

Nau Vay Nkah Tay 31:19

Pôri aƀaơ aơ nchih hom nau mprơ aơ jêh ri nti ma phung Israel. Dơm hom nau nây tâm trôm mbung khân păng, gay ma nau mprơ aơ dơi jêng du nau mbơh Gâp tâm rdâng đah phung ƀon lan Israel.

Nau Vay Nkah Tay 4:30

Lah khân may gŭ tâm nau rêh ni, jêh ri lah lĕ rngôch nau aơ mra tât jêh ma khân may, tâm nar nglĕ dŭt, khân may mra plơ̆ tay ma Yêhôva Brah Ndu khân may jêh ri tông bâr Păng.

II Timôthê 3:1

Ăn may gĭt năl tâm lĕ nar nglĕ dŭt, mra geh âk tâm rnôk jêr ngăn.

ហេឞ្រើ 1:1

Rnôk rô̆ kăl e, Brah Ndu hŏ dŏng phung mbơh lor ntĭm nti ma phung chô yau he âk tơ̆, âk trong.

II Pêtrôs 3:3

Lor lơn, ăn khân may gĭt nau aơ: Tâm lĕ nar nglĕ dŭt, phung mưch mra văch ma nau ngơi srơh mbơh bir, gŭ rêh tĭng nau kơnh ŭch khân păng nơm.

Nau Tâm Mpơl 1:1

Nau Yêsu Krist tâm mpơl tĭng nâm Brah Ndu ăn ma Păng gay tâm mpơl ma phung oh mon Păng lĕ nau kan bơi tât. Păng njuăl tông mpăr hăn tât gay tâm mpơl ma Y-Yôhan, oh mon Păng,