Daniel 2:25 - Nau Brah Ndu Ngơi 2023

²⁵ Y-Ariôk ndal njŭn leo Y-Daniel tanăp hađăch jêh ri mbơh ma hađăch: “Gâp joi saơ jêh du huê bunuyh tâm phung bu nă bơh bri Yuđa mra dơi rblang nau hađăch mbơi.”

Daniel 2:25 Iomraidhean Croise

Nau Ntơm 41:14

Pharaôn đă bu kuăl Y-Yôsep. Bu leo ro păng luh bơh ndrung, păng poih têp, rgâl kho ao, păng hăn tanăp Pharaôn.

Nêhêmi 7:6

Aơ jêng lĕ phung dơi plơ̆ sĭt tâm n'gor Yuđa tă bơh ntŭk ƀư bu nă, nâm bu ntĭt phung mpôl hađăch Nêbukatnetsar nhŭp leo ƀư bu nă ta Babilôn, aƀaơ khân păng plơ̆ sĭt ma Yêrusalem jêh ri n'gor Yuđa, ăp nơm plơ̆ sĭt ta ƀon khân păng.

Nau Hôr 24:11

Tâm rklaih hom phung bu njŭn tât nau khĭt; Jêh ri rklaih phung nhuat hăn ndĭt ndiu tât ntŭk bu nkhĭt.

Nơm Nti 9:10

Lĕ kan ti may dơi ƀư, ƀư hom lĕ nau ktang may; yorlah tâm ƀon phung khĭt, jêng ntŭk dôl may hăn tât, mâu geh nau kan, nau nchră, nau gĭt rbăng mâu lah jêng nau blau mĭn.

Daniel 1:6

Tâm phung bu klâu ndăm nây geh Y-Daniel, Y-Hanania, Y-Misaêl jêh ri Y-Asaria jêng phung bơh noi deh Yuđa.

Daniel 5:13

Rnôk nây, bu njŭn Y-Daniel tât tanăp hađăch. Hađăch lah ma Y-Daniel: “May hĕ jêng Y-Daniel, du huê tâm phung bu nă Yuđa mbơ̆ gâp hŏ nhŭp tă bơh n'gor bri Yuđa?

Daniel 6:13

Khân păng plơ̆ lah ma hađăch: “Tâm phung bu nă tă bơh Yuđa geh Y-Daniel mâu chrê ma may ôh. Ơ hađăch, nđâp lah ma nau buay may nchih amoh jêh, păng ăt mbơh sơm pe tơ̆ ăp nar.”