Daniel 2:21 - Nau Brah Ndu Ngơi 2023

²¹ Păng nơm yơh tâm rgâl mông nar jêh ri yan, N'glưh jêh ri njêng phung hađăch; Păng ăn nau blau mĭn ma bunuyh blau mĭn Jêh ri nau gĭt rbăng ma bunuyh gĭt rbăng.

Daniel 2:21 Iomraidhean Croise

I Phung Hađăch 10:24

Lam lĕ neh ntu ŭch tâm mâp đah Y-Salômôn gay iăt nau blau mĭn Brah Ndu hŏ dơm jêh tâm nuih n'hâm hađăch.

I Phung Hađăch 3:28

Tơlah lĕ rngôch phung Israel hŏ tăng nau hađăch phat dôih nây, jêh ri khân păng geh nau yơk ma hađăch, yorlah khân păng saơ pô aơ Brah Ndu hŏ ăn ma hađăch nau gĭt mĭn gay ƀư nau di.

I Phung Hađăch 4:29

Brah Ndu ăn ma Y-Salômôn nau gĭt mĭn jêh ri nau gĭt rbăng mâu dơi ntĭt ôh, jêh ri nau gĭt vât âk nâm bu choih ta kơh dak mƀŭt.

I Nau Rêh Jêng 22:12

Dăn ma Brah Yêhôva ăn ma may nau gĭt mĭn jêh ri nau gĭt rbăng gay may chiă uănh phung Israel jêh ri djôt prăp nau vay Yêhôva Brah Ndu may.

I Nau Rêh Jêng 29:30

Nau chiă uănh jêh ri nau ktang păng, lĕ kan tât geh ma păng, ma phung Israel, jêh ri ma lĕ bri dak êng, bu hŏ nchih da dê tâm ndrom samƀŭt nây.

Êsther 1:13

Hađăch lah ma phung njêh vay gĭt rbăng nau mbên trôk nar rnôk êng êng; yorlah tĭng nâm nau vay, tơlah geh moh nau tât hađăch mơng vay ôp nau mĭn ma lĕ rngôch phung blau nau vay,

Ndrom Samƀŭt bơh Yôp 12:18

Păng doh lơi se rvăk phung hađăch, Jêh ri vân troi jŭm gang bŭt khân păng;

Nau Ngluh Êjipt 31:3

Gâp hŏ ăn jêh ma păng bêng ler jêh ma Huêng Brah Ndu nđâp ma nau blau ti, nau gĭt mĭn jêh ri nau gĭt rbăng tâm lĕ nau kan ƀư ma ti

Nau Ngluh Êjipt 31:6

Aơ, Gâp hŏ săch ma păng du huê nơm kơl kan amoh Y-Ôhôliap, kon bu klâu Y-Ahisamak, bơh ndŭl mpôl Dan. Gâp hŏ đŏng nau blau mĭn ma lĕ phung blau ti gay ma khân păng dơi ƀư lĕ kan Gâp hŏ ntĭm nti jêh ma may,

Daniel 1:17

Brah Ndu ăn ma puăn nuyh bu klâu ndăm aơ geh nau gĭt rbăng jêh ri nau blau ngăn gĭt rbăng lĕ rngôch nau ngơi ueh ndrel nau blau mĭn. Êng ma Y-Daniel geh nau gĭt rbăng ma lĕ nau tâm saơ jêh ri nau mbơi.

Daniel 10:1

Năm rơh pe rnôk rô̆ hađăch Sirus chiă uănh, bri dak Persi, geh du nau tâm mpơl ma Y-Daniel, ntơ amoh Y-Beltisasar. Nau nây nanê̆ ngăn, mbơh ma nau tâm lơh toyh. Y-Daniel gĭt rbăng nau nây jêh ri gĭt năl nau khlay ma nau tâm saơ nây.

Daniel 11:6

Âk năm pakơi, phung hađăch nây mra ƀư nau tâm rnglăp, kon bu ur hađăch mpeh pa dâng ƀư ndrôi đah hađăch mpeh pa lơ gay ƀư rnglăp nau đăp mpăn. Ƀiălah kon bu ur hađăch mâu prăp nau dơi ôh; hađăch mpeh pa lơ jêh ri noi deh păng mâu lĕ dơi dâk ôh. Rnôk nây, kon bu ur hađăch ndrel ma phung njŭn leo păng, mbơ̆ păng jêh ri sai păng bu mra jao da dê.

Daniel 2:20

Y-Daniel lah: “Tâm rnê ma amoh Brah Ndu ƀaƀơ n'ho ro! Yorlah lĕ rngôch nau blau mĭn jêh ri nau brah jêng ndơ Păng da dê.

Daniel 2:23

Ơ Brah Ndu phung chô yau gâp, Gâp lah ueh jêh ri tâm rnê ma May, Yorlah May ăn jêh nau blau mĭn jêh ri nau dơi ma gâp, Aƀaơ aơ, May tâm mpơl ma gâp gĭt nau hên dăn ôp May, Yorlah May mpơl ăn ma hên nau hađăch tĭng joi.”

Daniel 2:9

Tơlah khân may mâu tâm mpơl ôh ma gâp nau gâp mbơi saơ pôri geh knŏng du nau phat dôih prăp jêh ma khân may. Khân may tâm nchră ndrăng khân may nơm djôt lĕ nau ngơi mƀruh nkhơng ngơi ma gâp kŏ tât nau kan geh nau rgâl. Pôri, mbơh hom ma gâp nau gâp mbơi saơ jêh ri gâp mra gĭt khân may mra dơi rblang.”

Daniel 4:14

Nơm nây nter huy pô aơ: ‘Kăl lơi tơm si jêh ri koh lơi n'gĭng păng; Rgu lĕ rngôch n'ha jêh ri srih play păng ăp ntŭk; Ƀư ăn mpô mpa bri du ngai tă bơh tâm dâng păng Jêh ri sĭm och du tă bơh n'gĭng păng;

Daniel 4:17

Dôih nây luh tă bơh phung gak, Jêh ri nau ntăm aơ luh tă bơh nau nơm kloh ueh, Gay lĕ rngôch bunuyh dơi gĭt Nơm Dŭt Prêh Klơ chiă uănh ƀon bri hađăch kon bunuyh; Păng ăn ma mbu nơm păng ŭch Jêh ri mra n'hao bunuyh jê̆ lĕ lơn ăn chiă uănh.’

Daniel 4:22

Ơ hađăch, tơm si nây jêng may yơh. Hađăch hŏ jêng toyh ktang jêh ri ndrŏng kuăng; nau dŭt prêh may n'hao tât ta klơ trôk, nau may dơi chiă uănh lăk dĭ tât ta nglĕ dŭt rplay neh.

Daniel 4:32

Bu mra nsot may tă bơh ta nklang phung bunuyh jêh ri gŭ ndrel ma mpô mpa bri. Bu mra ăn may sa gơ̆ nâm bu ndrôk jêh ri lăn tâm pơh gưl kŏ may gĭt rbăng pô aơ Nơm Dŭt Prêh chiă uănh tâm ƀon bri hađăch kon bunuyh jêh ri ăn ma bu tĭng nau Păng nơm ŭch.”

Daniel 7:25

Hađăch aơ mra ngơi djơh ma Nơm Dŭt Prêh, Ƀư huănh hươi phung kloh ueh Nơm Dŭt Prêh. Hađăch ŭch mĭn rgâl rnôk jêh ri nau vay. Phung kloh ueh bu mra jao tâm ti hađăch nây Kŏ tât du gưl, bar gưl jêh ri n'gul gưl.

Luka 21:15

Yorlah Gâp mra ăn ma khân may nau ngơi jêh ri nau blau mĭn, ƀiălah mâu geh phung rlăng dơi tâm rdâng jêh ri tâm rlăch đah khân may ôh.

Samƀŭt Pôl Njuăl Ăn Ma Phung Nsing Ta Ƀon Rôm 13:1

Ăn lĕ rngôch bunuyh tông nau kôranh chiă uănh; yorlah mâu geh ôh nau dơi chiă uănh mâu luh tă bơh Brah Ndu; phung kôranh chiă uănh geh aƀaơ bơh Brah Ndu njêng da dê.

I Kôrintô 1:30

Yor ma Păng khân may gŭ jêh tâm Yêsu Krist, Nơm Brah Ndu hŏ njêng nau blau mĭn, nau sŏng srăng, nau kloh ueh, jêh ri nau tâm chuai ma he;

Yakơ 1:17

Lĕ rngôch yô̆ ueh jêh ri lĕ ndơ ăn dŭt ueh ngăn tât bơh klơ trôk, jŭr tă bơh Mbơ̆ nau ang; tâm Păng mâu geh nau rgâl ôh, mâu lĕ geh gui nau rgâl.

Yakơ 1:5

Tơlah mbu nơm tâm phung khân may pưt nau blau mĭn, vơh vơl hom ma Brah Ndu, Păng mra ăn ro, yorlah Brah Ndu jêng Nơm ăn ma lĕ rngôch bunuyh ma nuih n'hâm lŏng, mâu geh nau nduyh ôh.

Nau Tâm Mpơl 19:16

Ta ao jêh ri ta tơm blu Păng geh nchih du amoh: HAĐĂCH MA PHUNG HAĐĂCH, KÔRANH BRAH MA PHUNG KÔRANH BRAH.