Daniel 2:12 - Nau Brah Ndu Ngơi 2023

¹² Tăng nau nây, hađăch ji nuih hâu ngăn jêh ri ntăm đă nkhĭt lĕ rngôch phung njêh tâm n'gor bri Babilôn.

Daniel 2:12 Iomraidhean Croise

Ndrom Samƀŭt bơh Yôp 5:2

Yorlah nau rngot rvê nkhĭt bunuyh rluk mâl, Bi nuih n'hâm tâm nach ƀư nkhĭt bunuyh mleh.

Nau Mprơ Ơm 76:10

Nau bunuyh ji nuih mra tâm rnê ma May; Bi hôm e nau ji nuih, May mra nkân lơi.

Nau Hôr 16:14

Nau hađăch ji nuih nâm bu nơm mbơh nau khĭt. Ƀiălah bunuyh blau mĭn ƀư ma păng aih jêh.

Nau Hôr 19:12

Nau hađăch nuih nâm bu ngrông yau mŭr, Bi nau yô̆ hađăch nâm bu dak ngom klơ gơ̆ nđĭr.

Nau Hôr 20:2

Nau hađăch ji nuih toyh nâm bu yau mŭr rđuh ngrông; Mbu nơm nsônh hađăch ji nuih jêng ƀư nau mhĭk ma nau rêh păng nơm.

Nau Hôr 29:22

Bunuyh mơng nuih ƀư nau tâm djrel, Bunuyh duh nuih ƀư âk nau tih ngăn.

Daniel 2:24

Pôri, Y-Daniel hăn tât ma ngih Y-Ariôk, jêng nơm hađăch đă nkhĭt phung njêh n'gor bri Babilôn, jêh ri lah: “Lơi ta nkhĭt ôh phung njêh n'gor bri Babilôn; ăn njŭn leo gâp tanăp măt hađăch pôri gâp mra rblang nau mbơi ma hađăch.”

Daniel 2:5

Hađăch plơ̆ lah ma phung Kaldê: “Aơ jêng nau gâp dăp jêh: Tơlah khân may mâu ăn gâp gĭt ôh nau mbơi jêh ri nau rblang nau mbơi nây pôri bu mra hêk lơi khân may ăn hăch, ngih khân may jêng mbŭch ndjah.

Daniel 3:13

Rnôk nây, hađăch Nêbukatnetsar ma nau ji nuih ngăn ntăm bu nhŭp Y-Sadrak, Y-Mêsăk jêh ri Y-Abetnêgô. Pe bunuyh nây bu njŭn tât tanăp hađăch.

Daniel 3:19

Rnôk nây, Nêbukatnetsar ji nuih pal muh măt, uănh ma Y-Sadrak, Y-Mêsăk, Y-Abetnêgô jêh ri đă su ŭnh năk duh pơh tơ̆ ktang lơn tĭng nâm bu vay ƀư.

Daniel 5:19

Yorlah Brah Ndu ăn nau dơi chiă uănh jêng toyh Kôranh Brah ăn jêh mbơ̆ may ma lĕ rngôch phung ƀon lan, bri dak, lĕ rngôch nau ngơi klach râm sâr da dê tanăp hađăch nây. Păng ŭch nkhĭt lơi mbu nơm păng ŭch jêh ri păng om gŭ rêh mbu nơm păng ŭch, păng ŭch n'hao mâu lah n'glưh mbu nơm păng ŭch.

Mathay 2:16

Tơlah hađăch Hêrôt gĭt ma phung njêh rlăm ma păng, păng ji nuih hâu ngăn, đă bu nkhĭt lơi lĕ rngôch phung kon se jê̆ bu klâu ntơm bơh jê̆ tât bar năm tâm ƀon Ƀêtlêhem jêh ri lam n'gor nây, tĭng di ngăn nar khay phung njêh mbơh ma Păng.

Mathay 5:22

Ƀiălah Gâp lah ma khân ay may: Mbu nơm ji nuih ma oh nâu păng mra dơn nau bu phat dôih; mbu nơm suai rak ma oh nâu păng jêng ‘nau rluk’ khư dơn Mpôl Kôranh Phat Dôih sek uănh; mbu nơm suai rak ma oh nâu păng jêng brŭt ndrăng khư dơn nau rmal tâm ndrung ŭnh.