Daniel 2:11 - Nau Brah Ndu Ngơi 2023

¹¹ Nau hađăch ŭch nây jêr ngăn, mâu geh du huê bunuyh dơi tâm mpơl nau nây ma hađăch ôh, knŏng êng phung brah mâu gŭ ôh ndrel ma kon bunuyh.”

Daniel 2:11 Iomraidhean Croise

Nau Ntơm 41:39

Pharaôn lah ma Y-Yôsep: “Yorlah Brah Ndu tâm mpơl jêh ma may gĭt lĕ nau aơ, mâu geh ôh du huê blau mĭn săr lah nâm bu may.

Nau Ntơm 41:8

Ang ôi taơ, huêng hađăch uh ah, hađăch đă bu kuăl lĕ rngôch phung rƀên jêh ri phung gĭt blau tâm Êjipt văch. Pharaôn nkoch bri nau mbơi ma khân păng, ƀiălah mâu geh ôh du huê dơi gĭt rblang nau mbơi nây ma Pharaôn.

I Phung Hađăch 8:27

Ƀiălah Brah Ndu geh gŭ ngăn lĕ tâm neh ntu? Ri, lĕ ndâr trôk, lĕ trôk tâm lĕ ndâr trôk mâu dơi đŏng tŏng prăp ma May, rlau lơn ma ngih brah gâp hŏ ndâk jêh ta aơ!

II Nau Rêh Jêng 6:18

Ƀiălah ngăn lĕ! Brah Ndu geh gŭ ndrel ma bunuyh tâm neh ntu aơ? Ri, trôk, jêh ri lĕ ndâr trôk ta klơ dŭt prêh mâm dĭng mâu dơi tŏng prăp ma Kôranh Brah, rlau lơn ma ngih brah gâp hŏ ndâk jêh ta aơ!

Nau Mprơ Ơm 132:14

Păng lah: “Aơ jêng ntŭk Gâp gŭ rlu ƀaƀơ n'ho ro; Gâp mra gŭ ta nây yorlah Gâp ŭch jêh kơt nĕ.

Nau Mprơ Ơm 68:18

Păng hao jêh ntŭk yôk prêh, Njŭn leo âk ngăn phung bu nă, Păng dơn ndơ nhhơr tă bơh kon bunuyh, Nđâp ma phung tâm rdâng, Brah Yêhôva gŭ ndrel ma khân păng.

Nau Ngluh Êjipt 29:45

Jêh ri Gâp mra gŭ ta nklang phung ƀon lan Israel, jêh ri jêng Brah Ndu khân păng.

Nau Ngluh Êjipt 8:19

Phung rƀên mbơh ma Pharaôn: “Aơ jêng nglau ti Brah Ndu.” Ƀiălah nuih n'hâm Pharaôn ăt hôm dăng, mâu ŭch tông ôh nau Y-Môis jêh ri Y-Arôn, di nâm nau Brah Yêhôva hŏ lah jêh.

Êsai 47:12

Dâk hom, dŏng nau rƀên ay jêh ri âk nau ngơi n'hŭm Ay hŏ sâm nti jêh bơh rnôk ay hôm druh. Năng ai păng mra kơl ma ay, Klăp lah ay dơi nhhu bu!

Êsai 57:15

Nơm dŭt prêh, Nơm bu yơk mbah, gŭ ntŭk n'ho ro dŭt ngăn, Amoh Păng jêng Kloh Ueh; Nơm nĕ lah: “Gâp gŭ tâm ntŭk prêh jêh ri kloh ueh, Ƀiălah gŭ ndrel ma nơm geh nuih n'hâm rngot ma nau tih jêh ri nuih n'hâm dêh rhêt, Gay plơ̆ ăn rêh nuih n'hâm phung dêh rhêt, Jêh ri gay ăn rêh tay nuih n'hâm nơm rngot ma nau tih.

Êsai 8:18

Aơ, gâp jêh ri phung kon Brah Yêhôva ăn jêh ma gâp jêng nau mbên khlay jêh ri nau tâm mbơh tâm bri Israel tă bơh Brah Yêhôva ma phung tahan, Nơm gŭ ta yôk Siôn.

Daniel 4:4

Gâp, Y-Nêbukatnetsar, dôl gŭ mleh rmên tâm ngih hađăch gâp, kan tâm ngih hađăch gâp hao jêng,

Daniel 5:11

Tâm ƀon bri hađăch may geh du huê bunuyh geh huêng brah phung brah Brah Ndu kloh ueh gŭ tâm păng. Tâm rnôk mbơ̆ may, bu saơ tâm nơm nây geh nau ang, nau gĭt rbăng jêh ri blau mĭn, tâm ban ma nau blau mĭn Brah Ndu. Mbơ̆ may jêng Y-Nêbukatnetsar, njêng jêh nơm nây ƀư kôranh ma phung rƀên, phung pol, phung Kaldê, jêh ri phung n'hŭm.

Yôel 3:21

Gâp mra ƀư kloh nau rnon mham khân păng Gâp ê hŏ mâp ƀư kloh ôh, Yorlah Brah Yêhôva gŭ ta Siôn.

Nau Kơp Bunuyh 35:34

Pônây, khân may lơi ƀư ƀơ̆ ôh neh jêng ntŭk khân may mra gŭ, yorlah Gâp jêng Brah Yêhôva gŭ ta nklang phung ƀon lan Israel.’”

Mathay 19:26

Brah Yêsu uănh ma khân păng jêh ri lah: “Kon bunuyh mâu dơi ƀư nau aơ ôh, ƀiălah Brah Ndu dơi ƀư lĕ rngôch nau.”

Yôhan 1:14

Nau Ngơi hŏ plăch jêng săk jăn bunuyh, gŭ rêh ta nklang he, bêng ma nau yô̆ jêh ri nau ngăn. Phung he hŏ saơ jêh nau chrêk rmah Păng, nanê̆ ngăn jêng nau chrêk rmah Kon Dul văch tă bơh Mbơ̆ Păng.

Yôhan 14:17

nâm bu ntĭt Brah Nau Ngăn, ƀiălah neh ntu aơ mâu dơi dơn ôh, yorlah mâu gĭt saơ jêh ri mâu gĭt năl Păng. Ƀiălah khân may gĭt năl Păng yorlah Păng gŭ ndrel ma khân may, jêh ri mra gŭ tâm khân may.

Yôhan 14:23

Brah Yêsu plơ̆ lah: “Lah mbu nơm rŏng ma Gâp, păng mra djôt prăp nau Gâp ngơi, Mbơ̆ Gâp mra rŏng ma păng, Mbơ̆ Gâp ndrel ma Gâp mra văch ma păng jêh ri gŭ ndrel ma păng.

II Kôrintô 6:16

Mâm dơi geh nau tâm rnglăp ngih brah Brah Ndu đah lĕ rup brah? Yorlah he jêng ngih brah Brah Ndu gŭ rêh mro mrăng, nâm bu Brah Ndu lah jêh: “Gâp mra rêh gŭ tâm khân păng jêh ri hăn nsong tâm khân păng; Gâp mra jêng Brah Ndu khân păng, Jêh ri khân păng mra jêng phung ƀon lan Gâp.”

Nau Tâm Mpơl 21:3

Gâp tăng nteh bâr ktang tă bơh sưng hađăch lah nâm pô aơ: “Ri, ngih bok Brah Ndu gŭ ndrel ma kon bunuyh! Păng mra gŭ ndrel ma khân păng jêh ri khân păng mra jêng phung ƀon lan Păng; Brah Ndu yơh mra gŭ ndrel ma khân păng.