Daniel 12:6 - Nau Brah Ndu Ngơi 2023

⁶ Du huê tâm bar hê khân păng ôp ma bunuyh nsoh bok mhay dôl gŭ dâk ta klơ dak krong: “Ndah jŏ mra lôch lĕ nau khlay aơ?”

Daniel 12:6 Iomraidhean Croise

Nau Mprơ Ơm 74:9

Hên mâu hôm saơ lĕ nau mbên khlay, Mâu hôm geh nơm mbơh lor đŏng ôh; Jêh ri tâm phung hên mâu lĕ nơm gĭt nau aơ ndah nâm jŏ.

Êsêkiêl 9:2

Jêh ri, geh prao nuyh tă bơh mpông pêr ta klơ mpeh pa lơ văch tât, ăp nơm djôt ndơ tâm lơh nkhĭt bunuyh tâm ti. Tâm phung khân păng geh du huê nsoh ao bok mhay, ta gang bŭt păng văn hip ndơ nchih. Prao bunuyh chuat lăp dâk ta meng nơng ƀư brah ma kông.

Daniel 12:5

Rnôk nây, gâp, Y-Daniel, dôl uănh jêh ri aơ, geh bar hê êng gŭ dâk, du huê đah aơ dak krong, du huê êng đah tê̆ kơh dak krong.

Daniel 12:8

Gâp tăng ƀiălah gâp mâu gĭt rbăng ôh, yor ri gâp ôp: “Ơ kôranh gâp, mâm mra jêng nau nglĕ dŭt ma nau aơ?”

Daniel 8:13

Rnôk nây gâp tăng du huê nơm kloh ueh ngơi, jêh ri du huê nơm kloh ueh êng lah ma nơm kloh ueh dôl ngơi pô aơ: “Nau tâm saơ ma ndơ ƀư brah gŭch nhhơr ƀaƀơ, ma nau ƀai njŭn leo tât nau rai yot, ma nau jao ntŭk kloh ueh ma phung tahan gay ma jot plên tâm dâng jâng păng, mra ndah jŏ hôm jong?”

Daniel 8:16

Gâp tăng bâr du huê nuyh bu klâu kuăl bơh ta nklang dak krong Ulai lah pô aơ: “Gabriel, rblang hom ma bunuyh aơ gĭt rbăng nau tâm saơ.”

Mathay 24:3

Dôl Păng gŭ ta klơ yôk Ôlive, phung oh mon văch ôp Păng êng pô aơ: “Lah ma hên gĭt ndah jŏ nau nây mra tât, jêh ri moh nau mbên mra mbơh lor ma nar may mra May plơ̆ văch jêh ri tâm rnôk nglĕ dŭt neh ntu?”

Markôs 13:4

“Dăn Nơm Nti mbơh ma hên gĭt ndah jŏ lĕ nau nây mra tât jêh ri moh nau mbên gay ma gĭt mông nglĕ dŭt lĕ rngôch nau nây?”

Êphêsô 3:10

Aƀaơ aơ, tă Phung Ngih Brah Ndu, nau blau mĭn mâu blau lôch Brah Ndu dơi tâm mpơl ma phung kôranh chiă uănh, lĕ nau dơi ktang tâm lĕ ntŭk klơ trôk,

I Pêtrôs 1:12

Geh nau tâm mpơl ma phung mbơh lor gĭt năl pô aơ khân păng mâu di pah kan ma khân păng nơm ôh, ƀiălah pah kan ma khân may yơh ma lĕ nau aƀaơ aơ mbơh jêh ma khân may tă bơh phung bunuyh, rnơm jêh Brah Huêng Ueh jêng Nơm dơi njuăl jŭr tă bơh trôk, mbơh nkoch Nau Mhe Mhan Ueh ma khân may. Phung tông mpăr yơh ŭch uănh saơ lĕ nau nây lĕ.

Nau Tâm Mpơl 15:6

Pơh nuyh tông mpăr djôt pơh ntil nau rêh ni hăn luh tă bơh ngih brah, nsoh ao bok mhay kloh rsang chrat ang, rêt ma rse mah ta ntang ntơh.

Nau Tâm Mpơl 19:14

Phung tahan ta klơ trôk nsoh ao bok mhay rhên, nglang jêh ri kloh da dê, ncho seh nglang hăn tĭng Păng.

Nau Tâm Mpơl 6:10

Khân păng nter ktang pô aơ: “Ơ Kôranh Brah jêng Nơm kloh ueh jêh ri nanê̆ ngăn, ndah hôm jŏ đŏng Kôranh Brah mra phat dôih, jêh ri plơng bôk ma phung gŭ ta neh ntu yor ma mham hên?”