Daniel 12:13 - Nau Brah Ndu Ngơi 2023

¹³ Bi may, ăn mât răp jăp kŏ tât rnôk nglĕ dŭt. May mra dơi rlu jêh ri tât lĕ nar nglĕ dŭt, may mra dâk tâm drăp ndơn ma may.”

Daniel 12:13 Iomraidhean Croise

Nau Mprơ Ơm 1:5

Yor ri, bunuyh mhĭk mâu dơi dâk ôh tâm nar phat dôih, Phung tih mâu dơi lăp tâm phung sŏng srăng.

Nau Mprơ Ơm 16:5

Brah Yêhôva jêng drăp ndơn jêh ri jêng kachok gâp; Păng yơh chiă uănh jêng drăp ndơ gâp

Nau Mprơ Ơm 16:9

Yor nây, nuih n'hâm gâp maak, huêng gâp răm rhơn; Nglay săk gâp ăt mra rlu.

Nau Ngluh Êjipt 33:14

Brah Yêhôva lah: “Gâp nơm mra hăn ndrel ma may, jêh ri Gâp mra ăn nau rlu ma may.”

Daniel 12:3

Phung gĭt rbăng mra nchrat nâm bu nau ang ta klơ trôk; jêh ri phung njŭn leo âk bunuyh tât ma nau sŏng srăng mra nchrat ang nâm bu phung mănh ƀaƀơ n'ho ro.

Daniel 12:4

Bi may, hơi Y-Daniel, nchăng hom nau aơ jêh ri tâp pŏng lơi ndrom samƀŭt aơ kŏ tât ta rnôk nglĕ dŭt. Âk bunuyh mra nsong ta aơ ta ri jêh ri nau gĭt rbăng mra hao lơn.”

Sakari 3:7

“Brah Yêhôva ma phung tahan lah: ‘Tơlah may chuat hăn tâm trong Gâp, tông jêh ri djôt prăp nau Gâp ntĭm, ri mơ may dơi chiă uănh ngih Gâp, jêh ri dơi gak mpông pêr Gâp, jêh ri Gâp mra ăn ma may chuat lăp tâm nklang phung dâk pah kan jŭm Gâp.

Mathay 19:28

Brah Yêsu plơ̆ lah: “Nanê̆, Gâp lah ma khân may, rnôk rô̆ lĕ rngôch ndơ rgâl mhe, tơlah Kon Bunuyh mra gŭ ta klơ sưng hađăch nau chrêk rmah Păng, khân may jêng phung bunuyh hŏ tĭng Gâp, mra gŭ đŏng ta klơ jât ma bar sưng hađăch, gay phat dôih jât ma bar ndŭl mpôl phung Israel.

Luka 21:36

Pôri, rngeh njrăng jêh ri mbơh sơm ƀaƀơ hom, gay khân may tŏng n'hâm suan der luh bơh lĕ nau mra tât geh jêh ri dâk tanăp Kon Bunuyh.”

II Kôrintô 5:1

Yorlah he gĭt tơlah ngih njưh he ta neh ntu geh nau rai, he mra geh ngih tâm trôk n'ho ro gŭ ta klơ trôk, tă bơh Brah Ndu ndâk njêng, mâu di tă bơh ti kon bunuyh ôh.

II Têsalônik 1:7

jêh ri ma khân may jêng phung dơn nau rêh ni geh nau rlu ndrel ma hên, tâm nar Kôranh Brah jêng Brah Yêsu mra tâm mpơl bơh trôk ta nklang chiông ŭnh hit, ndrel ma phung tông mpăr bêng nau dơi Păng.

Nau Tâm Mpơl 14:13

Gâp tăng nteh tă bơh trôk ngơi pô aơ: “Nchih hom: Ntơm aƀaơ tât kăndơ̆, ueh maak yơh phung bunuyh khĭt jêng khĭt tâm Kôranh Brah!” Brah Huêng Ueh lah: “N'hêl nanê̆ ngăn, khân păng mra gŭ rlu bơh lĕ hŏt rgănh khân păng nơm jêh ri lĕ kan khân păng tĭng groi khân păng.”