Daniel 11:6 - Nau Brah Ndu Ngơi 2023

⁶ Âk năm pakơi, phung hađăch nây mra ƀư nau tâm rnglăp, kon bu ur hađăch mpeh pa dâng ƀư ndrôi đah hađăch mpeh pa lơ gay ƀư rnglăp nau đăp mpăn. Ƀiălah kon bu ur hađăch mâu prăp nau dơi ôh; hađăch mpeh pa lơ jêh ri noi deh păng mâu lĕ dơi dâk ôh. Rnôk nây, kon bu ur hađăch ndrel ma phung njŭn leo păng, mbơ̆ păng jêh ri sai păng bu mra jao da dê.

Daniel 11:6 Iomraidhean Croise

Ndrom Samƀŭt bơh Yôp 38:15

Nau ang hŏ roh jêh bơh phung djơh, Nting tur dŭt dăng bơh khân păng bu hŏ nkê̆ch pă.

Nau Mprơ Ơm 10:5

Trong păng geh jêng nau ndrŏng ƀaƀơ; Nau Kôranh Brah phat dôih prêh ngăn, păng mâu dơi gĭt rbăng; Păng mưch lĕ rngôch phung rlăng đah păng.

Êsêkiêl 30:21

“Hơi kon bunuyh, Gâp hŏ nkê̆ch pă nting tur Pharaôn, hađăch Êjipt. Aơ, mâu geh ôh nơm put dak si gay dơi ƀư bah; mâu geh nơm put n'grêp ntŭk sôt rmanh gay păng plơ̆ sĭt dăng ktang kuăn tay đao.

Daniel 11:13

Hađăch mpeh pa lơ mra tâm rƀŭn đŏng du phung tahan âk lơn ma lor, jêh ri tât kêng dŭt lĕ gưl, nây jêng lĕ năm, hađăch nây hăn tâm lơh ndrel phung tahan ktang, ndrăp ndơ tâm lơh tŏng ngăn.

Daniel 11:15

Hađăch mpeh pa lơ mra văch ndâk pôih jêh ri dơi sŏk du play ƀon nâp. Phung tahan mpeh pa dâng mâu mra hôm dơi tâm rdâng ôh, nđâp ma phung tahan blau ăt mâu hôm geh nau ktang tâm rdâng.

Daniel 11:40

Ta rnôk nglĕ dŭt, hađăch mpeh pa dâng mra hăn tâm lơh đah hađăch mpeh pa lơ. Ƀiălah hađăch mpeh pa lơ djôt ndeh seh, phung tahan ncho seh jêh ri âk kumpăn hăn tâm lơh nâm bu phŭt chuănh. Hađăch nây hôm e hăn lơh lĕ bri dak, ler nâm bu dak lip.

Daniel 11:7

Du nkeh ndrel tơm đah kon bu ur hađăch mra hao ntrok jêng hađăch mpeh pa dâng. Hađăch nây mra leo phung tahan lăp tâm pôih hađăch mpeh n'gor pa lơ. Rduh lơh jêh ri dơi.

Sakari 11:16

Yorlah aơ, Gâp mra n'hao du huê rmăk biăp tâm bri neh aơ, nơm nây mâu mra chrê ôh ma biăp păng lĕ roh, mâu lĕ ŭch tĭng joi biăp păng nhhơt, kŏ mâu ŭch mât siăm đŏng biăp păng sôt rmanh; mâu ŭch mât siăm biăp păng ăn toyh lay. Ƀiălah păng sa gŭch biăp lay, jêh ri nkhak lơi nchop păng.