Daniel 11:5 - Nau Brah Ndu Ngơi 2023

⁵ Hađăch mpeh pa dâng mra jêng ktang, ƀiălah du huê tâm phung kôranh păng mra jêng ktang lơn ma păng jêh ri ƀon bri hađăch păng mra jêng toyh ngăn.

Daniel 11:5 Iomraidhean Croise

Daniel 11:11

Rnôk nây hađăch mpeh pa dâng ji nuih, ran tâm lơh đah hađăch mpeh pa lơ. Nđâp tơlah hađăch mpeh pa lơ hŏ tâm rƀŭn du phung tahan âk râk, ƀiălah phung tahan nây ăt mra tŭp tâm ti hađăch mpeh pa dâng.

Daniel 11:14

Tâm nôk nây, âk bunuyh mra dâk tâm lơh đah hađăch mpeh pa dâng. Lĕ bunuyh ƀư rŭng răng tâm phung ƀon lan may mra hao âk gay ƀư tât di ngăn, ƀiălah khân păng mâu mra dơi ôh.

Daniel 11:25

Jêh ma nau nây, păng lĕ nuih n'hâm lĕ n'hâm suan djôt du phung tahan ktang hăn lơh hađăch mpeh pa dâng. Hađăch mpeh pa dâng mra tâm lơh ndrel ma du phung tahan âk ngăn jêh ri ktang, ƀiălah mâu dơi tâm rdâng ôh, yorlah bu tâm nchră nau tâm rdâng đah păng.

Daniel 11:40

Ta rnôk nglĕ dŭt, hađăch mpeh pa dâng mra hăn tâm lơh đah hađăch mpeh pa lơ. Ƀiălah hađăch mpeh pa lơ djôt ndeh seh, phung tahan ncho seh jêh ri âk kumpăn hăn tâm lơh nâm bu phŭt chuănh. Hađăch nây hôm e hăn lơh lĕ bri dak, ler nâm bu dak lip.

Sakari 6:6

Phung ndeh seh krăk hăn tât ta n'gor mpeh pa lơ, jêh ri phung seh nglang hăn tĭng pakơi păng, jêh ri phung seh êr rvanh hăn tât ta n'gor mpeh pa dâng.”