Daniel 11:44 - Nau Brah Ndu Ngơi 2023

⁴⁴ Ƀiălah nau mhe mham tă mpeh luh nar jêh ri mpeh pa lơ mra ƀư ăn ma hađăch rŭng răng. Păng mra ji nuih ngăn leo tahan hăn ƀư rai jêh ri ƀư rai roh âk bunuyh.

Daniel 11:44 Iomraidhean Croise

Daniel 11:11

Rnôk nây hađăch mpeh pa dâng ji nuih, ran tâm lơh đah hađăch mpeh pa lơ. Nđâp tơlah hađăch mpeh pa lơ hŏ tâm rƀŭn du phung tahan âk râk, ƀiălah phung tahan nây ăt mra tŭp tâm ti hađăch mpeh pa dâng.

Daniel 11:30

Kumpăn bơh n'gor Kitim mra tâm lơh đah păng yor ri păng klach ngăn rŭch plơ̆ jêh ri ji nuih ngăn ƀư nau tâm rdâng đah nau tâm rnglăp kloh ueh. Hađăch nây mra plơ̆ sĭt jêh ri yô̆ ma phung chalơi nau tâm rnglăp kloh ueh.

Daniel 11:43

Păng mra dơi chiă uănh lĕ ngih drăp mah prăk jêh ri lĕ rngôch ndơ khlay n'gor Êjipt. Phung Libi jêh ri phung Êthiôpi nchuăt tĭng hađăch nây da dê.

Daniel 11:45

Păng mra rdâk ngih bok ngih hađăch păng ta vah vang ta nklang dak mƀŭt jêh ri ta yôk kloh ueh chrêk rmah. Ƀiălah mrô nar nglĕ dŭt păng mra tât mâu geh du huê nơm sâm kơl ôh.”

Nau Tâm Mpơl 16:12

Tông mpăr rơh prao nkhŭt ngan păng nơm tâm dak krong Ơphrat, dak krong suăt, gay ma nkra trong ma phung hađăch mpeh luh nar.

Nau Tâm Mpơl 17:13

Khân păng geh du ai nuih n'hâm jao nau ktang jêh ri nau dơi khân păng ma mpô mpa dŭt janh.