Daniel 11:4 - Nau Brah Ndu Ngơi 2023

⁴ Ƀiălah tơlah hađăch nây hŏ nâp jêh pôri ƀon bri hađăch păng mra nchah rai jêh ri tâm pă mpeh puăn njônh sial tâm trôk, ƀiălah mâu dơi nkoch tay ma phung kon sau păng ôh, mâu lĕ di dŏng nau dơi ntơm saơm gay ma chiă uănh đŏng ôh. Ƀon bri hađăch păng mra rôk lĕ jêh ri ăn ma phung êng mâu di noi deh păng ôh.

Daniel 11:4 Iomraidhean Croise

Nau Mprơ Ơm 39:6

N'hêl nanê̆ ăp nơm chuat hăn tâm ban ma gui. Ăp nơm ndil ndal dơm dam da dê; Bu bun drăp ndơ ƀiălah mâu gĭt mbu mra sŏk lơi.

Nơm Nti 4:8

Geh du huê nơm rêh êng; Mâu geh kon, ăt mâu geh oh nâu, Ƀiălah nau hŏt rgănh păng mâu rlu, Măt uănh ma drăp ndơ mâu blau dĭl; Păng mâu ôp êng pô aơ: “Gâp mra dơn hŏt rgănh, Đă gâp nơm chalơi nau ueh maak ma mbu moh yor?” Aơ ăt jêng nau dơm dam, Nanê̆ ngăn jêng nau kan dŭt hŏt.

Yêrêmi 12:15

Ƀiălah hŏ lôch jêh rôk khân păng, Gâp mra yô̆ nđach tay khân păng jêh ri djôt ăp bunuyh plơ̆ sĭt ma drăp ndơn jêh ri ƀon tơm khân păng.

Yêrêmi 12:17

Ƀiălah tơlah moh ndŭl mpôl mâu iăt, Gâp mra rôk lơi ndŭl mpôl nây, jêh ri ƀư rai păng.” Brah Yêhôva lah pônây.

Yêrêmi 18:7

Dôl Gâp mbơh nau rôk tơm, ƀư nchah mâu lah ƀư rai lơi du bri dak mâu lah ma du ƀon bri hađăch êng nây,

Yêrêmi 31:40

Lĕ rlŭng tâp săk khĭt jêh ri ŭnh buh, lĕ rngôch mir ngai n'gŏ dak n'hor Kidrôn jêh ri tât ta njônh Mpông Pêr Seh mpeh pa luh nar, mra dơi prăp jêng ntŭk kloh ueh ma Brah Yêhôva da dê. Ƀon nây bu mâu mra kuyh lơi păng mâu lĕ ƀư rlâm n'ho ro đŏng ôh.”

Yêrêmi 45:4

May lah hom ma păng pô aơ: “Brah Yêhôva lah: ‘Aơ, Gâp mra klưh lơi moh ndơ Gâp hŏ ndâk jêh, Gâp mra rôk lơi moh ndơ Gâp hŏ tăm jêh, jêh ri nau nây mra geh tât tâm lam neh ntu.

Yêrêmi 49:36

Gâp mra ƀư sial tă bơh puăn njônh khôm tât ma bri Êlam. Gâp mra ƀư ma khân păng du chah rai pru pra ăp puăn njônh sial nây; mâu geh bri dak mâu geh phung bu mprơh tă bơh ma Êlam.

Êsêkiêl 37:9

Rnôk nây Păng lah ma gâp: “Hơi kon bu nuyh, mbơh lor hom ma sial; mbơh lor hom jêh ri lah ma sial pô aơ Kôranh Brah Yêhôva lah: Hơi nau n'hâm nsôr, văch tât bơh sial puăn njônh jêh ri nsôr ta klơ lĕ rngôch bunuyh bu nkhĭt gay khân păng dơi rêh.”

Daniel 7:2

Y-Daniel lah: “Dôl măng, tâm nau tâm saơ, gâp saơ sial lam puăn njônh trôk ƀư mpât dak mƀŭt.

Daniel 7:6

Jêh ma nây, gâp hôm uănh pôri, geh du mlâm mpô mpa êng tâm ban ma yau brăch, ta ndŭr kơi geh puăn plơp năr sĭm. Mpô mpa geh puăn mlâm bôk jêh ri dơi ăn nau chiă uănh.

Daniel 7:8

Dôl gâp mĭn ma lĕ nke nây, pôri geh du mlâm nke êng, jê̆ lơn, hon ta nklang nke nây; pe mlâm tâm lĕ nke geh lor bu tŏk lŏk lơi lĕ tanăp măt păng. Nke jê̆ aơ geh âk măt tâm ban ma măt bunuyh jêh ri mbung ngơi ma nau sưr.

Daniel 8:22

Bi nke deh jêh ri puăn mlâm nke êng hon ntrok ta ntŭk nây, nây jêng puăn ƀon bri hađăch luh tă bơh bri dak nây ƀiălah mâu geh nau ktang kơt bri dak nây ôh.

Daniel 8:8

Be nkuăng plơ̆ jêng dŭt toyh ngăn. Ƀiălah nôk păng jêng ktang pôri nke toyh nây pă, jêh ri ta ntŭk nke deh nây geh puăn mlâm nke rô̆ luh tĭng mpeh sail puăn njônh trôk.

Sakari 2:6

Brah Yêhôva lah: “Hơi, hơi! Du hom tă bơh bri mpeh pa lơ, yorlah Gâp hŏ srih khân may pru pra nâm bu puăn njônh sial tâm trôk.” Brah Yêhôva lah.

Sakari 6:5

Tông mpăr plơ̆ lah: “Nây jêng puăn ntil sial ta klơ trôk luh du, lah lôch jêh mpơl khân păng nơm panăp măt Kôranh Brah lam bri neh ntu.

Mathay 12:25

Brah Yêsu gĭt nau mĭn khân păng jêh ri lah: “Ƀon bri hađăch tâm nkhah tâm pă păng nơm mra rai yot, ăp ƀon mâu lah ăp ngih tâm nkhah tâm pă păng nơm mâu mra dơi gŭ ƀaƀơ ôh.

Luka 12:20

Ƀiălah Brah Ndu lah ma păng: ‘Hơi bunuyh rluk! Tâm măng aơ mra sŏk huêng may; kơt nây, drăp ndơ may prăp nkrem jêh mra jêng ndơ ma mbu moh?’

Nau Tâm Mpơl 7:1

Jêh nau nĕ, gâp saơ puăn nuyh tông mpăr dâk ta puăn njônh neh ntu, khân păng nkân lơi puăn chiông sial gay mâu geh sial khôm ta klơ neh ntu, ta klơ dak mƀŭt mâu lah klơ ăp tơm si.