Daniel 11:3 - Nau Brah Ndu Ngơi 2023

³ Jêh nây mra geh du huê hađăch ktang luh tay. Păng mra chiă uănh ma lĕ rngôch nau dơi toyh, jêh ri tĭng nâm păng ŭch mĭn.

Daniel 11:3 Iomraidhean Croise

Daniel 11:16

Hađăch mpeh pa lơ mra hăn tâm lơh ƀư tĭng nâm păng nơm ŭch, jêh ri mâu geh nơm dơi tâm rdâng đah hađăch nây. Păng mra gŭ tâm bri chrêk rmah, djôt nau dơi ƀư nkhĭt tâm ti.

Daniel 11:36

Hađăch mpeh pa lơ mra ƀư tĭng nâm păng ŭch, păng mra n'hao êng păng nơm, yơk păng nơm ta klơ lơn ma lĕ rngôch brah. Păng mra ngơi nau sưr tâm rdâng đah Brah Ndu ma lĕ rngôch brah. Păng mra dơi kŏ tât lôch nau ji nuih, yorlah moh nau Brah Ndu lĕ nal pôri mra dơi ƀư ngăn.

Daniel 4:35

Lĕ rngôch bunuyh gŭ ta neh ntu jêng tâm ban ma dơm dam. Păng ƀư tĭng nâm nau Păng ŭch da dê ma lĕ manh tâm trôk Nđâp ma phung bunuyh gŭ ta neh ntu. Mâu geh du huê dơi nkân ti Păng Mâu lah ôp: “Moh nau May ƀư?”

Daniel 5:19

Yorlah Brah Ndu ăn nau dơi chiă uănh jêng toyh Kôranh Brah ăn jêh mbơ̆ may ma lĕ rngôch phung ƀon lan, bri dak, lĕ rngôch nau ngơi klach râm sâr da dê tanăp hađăch nây. Păng ŭch nkhĭt lơi mbu nơm păng ŭch jêh ri păng om gŭ rêh mbu nơm păng ŭch, păng ŭch n'hao mâu lah n'glưh mbu nơm păng ŭch.

Daniel 7:6

Jêh ma nây, gâp hôm uănh pôri, geh du mlâm mpô mpa êng tâm ban ma yau brăch, ta ndŭr kơi geh puăn plơp năr sĭm. Mpô mpa geh puăn mlâm bôk jêh ri dơi ăn nau chiă uănh.

Daniel 8:21

Be nkuăng jêng hađăch n'gor bri Grek, jêh ri nke toyh hon ta vah vang bar măt jêng hađăch lor lơn.

Êphêsô 1:11

Tâm Păng đŏng, he dơi săch jêng phung sŏk dơn ndơn drăp hŏ tâm nal jêh tĭng nau Brah Ndu dăp, Nơm ƀư lôch lĕ ntil ndơ tĭng nau Păng ŭch,

ហេឞ្រើ 2:4

Brah Ndu mbơh nkoch đŏng ma nau mbên khlay, nau khlay jêh ri lĕ nau brah nđâp ma lĕ nau dơi ăn bơh Brah Huêng Ueh, pă jêh tĭng nâm Păng ŭch.

Yakơ 1:18

Păng hŏ dŏng nau ngơi ngăn deh he tĭng nâm nau Păng mĭn gay ma he jêng du ntil play bôk yan tâm lĕ rngôch ndơ Păng njêng.