Daniel 11:28 - Nau Brah Ndu Ngơi 2023

²⁸ Hađăch mpeh bri pa lơ plơ̆ sĭt ta n'gor bri ndrel âk drăp ndơ; ƀiălah nuih n'hâm păng mĭn tâm rdâng đah nau tâm rnglăp kloh ueh. Păng mra ƀư nau mĭn aơ ta trong plơ̆ sĭt ma n'gor bri păng nơm.

Daniel 11:28 Iomraidhean Croise

Daniel 11:22

Phung tahan bu năch lăp ler nâm bu dak lip mra geh dak bŭk jêh ri nchah rai tanăp hađăch nây, nđâp kôranh ma nau tâm rnglăp tâm ban lĕ.

Daniel 11:27

Bi ma bar hê hađăch nây, tâm nuih n'hâm ŭch mĭn ƀư mhĭk ndrăng khân păng nơm; khân păng gŭ ndrel du mlâm sưng sông sa ƀiălah khân păng tâm ngơi ma nau ndơm. Ƀiălah nau ngơi nây mâu jêng yorlah nau nglĕ dŭt mra tât tâm rnôk tâm nal jêh.

Daniel 11:29

Ta mông tâm nal jêh hađăch nây mra plơ̆ tay jêh ri hăn lăp ta mpeh pa dâng, ƀiălah nôk aơ mâu tâm ban ma nôk lor ôh.

Daniel 8:12

Yor nau ƀai bu jao phung tahan ăn ma păng ndrel ndơ ƀư brah gŭch nhhơr ƀaƀơ. Nke nây klŭp lơi nau ngăn ta neh. Păng dơi jêng tâm lĕ kan păng ƀư.

Daniel 8:24

Nau dơi hađăch nây jêng bĭk rơ̆, ƀiălah mâu di ôh yor nau ktang păng nơm. Hađăch nây mra ƀư lĕ nau rai yot toyh Jêh ri dơi jêng tâm lĕ kan păng ƀư. Hađăch nây ăt ƀư rai phung dăng ktang Ndrel ma phung ƀon lan kloh ueh.

Kôranh Oh Mon 3:25

Khân may jêng kon sau phung nơm mbơh lor jêh ri nau tâm rnglăp Brah Ndu hŏ ƀư jêh đah phung chô yau he dôl Păng lah ma Y-Abraham: ‘Lĕ rngôch mpôl băl bunuyh ta klơ neh ntu mra geh nau ueh uĭn tă bơh noi deh may.’