Daniel 11:25 - Nau Brah Ndu Ngơi 2023

²⁵ Jêh ma nau nây, păng lĕ nuih n'hâm lĕ n'hâm suan djôt du phung tahan ktang hăn lơh hađăch mpeh pa dâng. Hađăch mpeh pa dâng mra tâm lơh ndrel ma du phung tahan âk ngăn jêh ri ktang, ƀiălah mâu dơi tâm rdâng ôh, yorlah bu tâm nchră nau tâm rdâng đah păng.

Daniel 11:25 Iomraidhean Croise

Nau Hôr 15:18

Bunuyh gơnh nuih vay nsônh nau tâm djrel, Ƀiălah bunuyh băt nuih ƀư bah nau tâm djrel.

Nau Hôr 28:25

Phung kơnh ndrăp ndơ ƀư nau tâm djrel, Ƀiălah bunuyh rnơm nsing ma Brah Yêhôva mra dơi geh nau geh jêng.

Daniel 11:10

Phung kon bu klâu hađăch mpeh pa lơ mra nkra ma nau tâm lơh. Khân păng tâm rƀŭn âk phung tahan jêh nây leo phung tahan văch lơh, pit in, nchueng ăp ntŭk; khân păng njŭn nau tâm lơh tât ta pôih hađăch pa dâng.

Daniel 11:2

“Aƀaơ aơ gâp mra ăn may gĭt nau nanê̆ ngăn. Aơ, geh pe hađăch mra mpơl tâm n'gor Persi. Hađăch rơh puăn ndrŏng kuăng lơn ma lĕ rngôch phung hađăch êng. Tơlah drăp ndơ ƀư ma hađăch nây jêng ktang pôri păng mra nsônh phung ƀon lan tâm rdâng đah ƀon bri hađăch Grek.

Daniel 11:40

Ta rnôk nglĕ dŭt, hađăch mpeh pa dâng mra hăn tâm lơh đah hađăch mpeh pa lơ. Ƀiălah hađăch mpeh pa lơ djôt ndeh seh, phung tahan ncho seh jêh ri âk kumpăn hăn tâm lơh nâm bu phŭt chuănh. Hađăch nây hôm e hăn lơh lĕ bri dak, ler nâm bu dak lip.

Daniel 11:5

Hađăch mpeh pa dâng mra jêng ktang, ƀiălah du huê tâm phung kôranh păng mra jêng ktang lơn ma păng jêh ri ƀon bri hađăch păng mra jêng toyh ngăn.