Daniel 11:21 - Nau Brah Ndu Ngơi 2023

²¹ Ntrok hađăch jêng bunuyh bu tâm rmot ngăn, bu mâu ăn nau dơi jêng hađăch ôh. Păng mra văch ndal, dŏng nau ndơm plĕch rlăm gay pit in ƀon bri hađăch.

Daniel 11:21 Iomraidhean Croise

Nau Mprơ Ơm 12:8

Phung mhĭk hăn nsong blă blơ lam ntŭk, Tơlah nau rai yot dơi yơk ta nklang kon bunuyh.

Nau Mprơ Ơm 15:4

Păng mưch rmot ma phung djơh mhĭk, Ƀiălah yơk ma phung blau yơk ma Brah Yêhôva; Păng hŏ ton jêh Nđâp tơlah nau huach ăt mâu rgâl ôh;

Nau Mprơ Ơm 55:21

Bâr mbung păng mbĭr tâm ban ma dak ngi Ƀiălah tâm nuih n'hâm nchră mĭn nau tâm lơh. Nau ngơi păng ueh lơn ma ngi Ƀiălah jêng đao tŏk rơm lơi jêh.

Êsai 32:5

Bu mâu mra rnha bunuyh rluk jêng nơm khư bu yơk ôh, Mâu geh bunuyh yơk ma nơm ƀlăch ƀlêr ôh.

Daniel 11:20

Bunuyh ntrok hao hađăch nây mra njuăl bunuyh hăn tŭn jot riu pi gay thoi nau ndrŏng lơn tâm ƀon bri hađăch, ƀiălah mâu jŏ ôh tâm nar pakơi bu mra nkhĭt lơi hađăch mâu di ôh yor nau ji nuih mâu lah nau tâm lơh ôh.

Daniel 11:32

Păng sŏk nau ngơi njŭng dak sŭt ndơm phung rlau nau tâm rnglăp; ƀiălah phung gĭt năl Brah Ndu mra ƀư ngăn yơh tâm rdâng.

Daniel 11:34

Tâm dôl khân păng chôt prah, khân păng dơn nau kơl geh djê̆ ngăn, ƀiălah geh âk bunuyh nau mƀruh ndơm tĭng khân păng.

Daniel 11:7

Du nkeh ndrel tơm đah kon bu ur hađăch mra hao ntrok jêng hađăch mpeh pa dâng. Hađăch nây mra leo phung tahan lăp tâm pôih hađăch mpeh n'gor pa lơ. Rduh lơh jêh ri dơi.

Daniel 4:17

Dôih nây luh tă bơh phung gak, Jêh ri nau ntăm aơ luh tă bơh nau nơm kloh ueh, Gay lĕ rngôch bunuyh dơi gĭt Nơm Dŭt Prêh Klơ chiă uănh ƀon bri hađăch kon bunuyh; Păng ăn ma mbu nơm păng ŭch Jêh ri mra n'hao bunuyh jê̆ lĕ lơn ăn chiă uănh.’

Daniel 7:8

Dôl gâp mĭn ma lĕ nke nây, pôri geh du mlâm nke êng, jê̆ lơn, hon ta nklang nke nây; pe mlâm tâm lĕ nke geh lor bu tŏk lŏk lơi lĕ tanăp măt păng. Nke jê̆ aơ geh âk măt tâm ban ma măt bunuyh jêh ri mbung ngơi ma nau sưr.

Daniel 8:23

Ta nglĕ dŭt rnôk khân păng chiă uănh, Tơlah nau ƀai hŏ rlau jêh, Du huê hađăch geh muh măt janh ƀai, âk nau ndơm mƀruh plĕch rlăm ngăn, Mra luh mpơl.

Daniel 8:25

Tă bơh nau plĕch rlăm, Hađăch nây ƀư dơi jêng lĕ nau nchră ndơm. Hađăch mra geh nuih n'hâm sưr n'hao êng păng nơm, Hađăch ƀư rai ndal âk bunuyh, Jêh ri janh hao tâm rdâng đah Kôranh ma lĕ kôranh. Ƀiălah hađăch nây bu mra ƀư rai Nđâp tơlah mâu yor tă bơh ti kon bunuyh ôh.

Daniel 8:9

Bơh du mlâm tâm lĕ nke nây hon du mlâm nke jê̆ jêh nây jêng văch toyh ngăn, rlet mpeh pa dâng, mpeh nhâp nar jêh ri rlet ma n'gor bri chrêk rmah.

Nahum 1:14

Brah Yêhôva hŏ ăn nau ntăm jêh ma Ninive: “May mâu mra geh bunuyh thoi noi deh ndray amoh đŏng ôh. Gâp mra ƀư rai rup trah jêh ri rup tŏ chiăr Tă bơh jây rhŏ brah phung brah may. Gâp mra ƀư môch ăn ma may, Yorlah may rvưt rvâng.”

I Samuel 3:13

Gâp mbơh lor jêh pô aơ Gâp mra tâm rmal ngih Y-Êli ƀaƀơ tât n'ho ro, yorlah păng gĭt jêh nau tih geh nau rak rtăp ma phung kon bu klâu păng ƀiălah păng mâu buay ôh khân păng.