Daniel 11:2 - Nau Brah Ndu Ngơi 2023

² “Aƀaơ aơ gâp mra ăn may gĭt nau nanê̆ ngăn. Aơ, geh pe hađăch mra mpơl tâm n'gor Persi. Hađăch rơh puăn ndrŏng kuăng lơn ma lĕ rngôch phung hađăch êng. Tơlah drăp ndơ ƀư ma hađăch nây jêng ktang pôri păng mra nsônh phung ƀon lan tâm rdâng đah ƀon bri hađăch Grek.

Daniel 11:2 Iomraidhean Croise

Êsra 4:24

Pônây nau kan rdâk ngih Brah Ndu ta ƀon Yêrusalem rlu hêng, kŏ tât năm rơh bar rnôk Darius, hađăch Persi, chiă uănh.

Êsra 4:7

Tât ta rnôk Artasersês, geh Y-Bislam, Y-Mirêdat, Y-Tabêel jêh ri lĕ rngôch băl khân păng pah kan ndrel nchih samƀŭt ma Artasersês, hađăch Persi. Samƀŭt nây bu nchih tâm rplay samƀŭt Aram jêh ri rblang tay ma hađăch.

Êsther 1:1

Aơ jêng nau tât geh tâm rnôk Y-Asuêrus jêng hađăch, nơm chiă uănh du rhiăng bar jât ma pơh n'gor ntơm bơh bri India tât ma bri Êthiôpi.

Nau Hôr 22:21

Ŭch ntĭm ma may lĕ nau di jêh ri nau nanê̆ ngăn, Gay may sŏk nau nanê̆ ngăn dĭng plơ̆ lah ma nơm njuăl may hăn.

Daniel 10:1

Năm rơh pe rnôk rô̆ hađăch Sirus chiă uănh, bri dak Persi, geh du nau tâm mpơl ma Y-Daniel, ntơ amoh Y-Beltisasar. Nau nây nanê̆ ngăn, mbơh ma nau tâm lơh toyh. Y-Daniel gĭt rbăng nau nây jêh ri gĭt năl nau khlay ma nau tâm saơ nây.

Daniel 11:25

Jêh ma nau nây, păng lĕ nuih n'hâm lĕ n'hâm suan djôt du phung tahan ktang hăn lơh hađăch mpeh pa dâng. Hađăch mpeh pa dâng mra tâm lơh ndrel ma du phung tahan âk ngăn jêh ri ktang, ƀiălah mâu dơi tâm rdâng ôh, yorlah bu tâm nchră nau tâm rdâng đah păng.

Daniel 7:5

Aơ geh du mlâm mpô mpa êng mpơl, mpô mpa rơh bar, tâm ban ma kau, păng gŭ nkêng mpeh du đah, trôm mbung păng glŏm pe gâl nting rpaih ta nklang neng păng. Bu lah ma păng: ‘Dâk hom, sa âk puăch.’

Daniel 8:21

Be nkuăng jêng hađăch n'gor bri Grek, jêh ri nke toyh hon ta vah vang bar măt jêng hađăch lor lơn.

Daniel 8:26

Nau tâm saơ tâm lĕ mhaơ jêh ri lĕ ôi hŏ mbơh jêh jêng nau nanê̆ ngăn. Ƀiălah ăn may mra prăp ndâp nau tâm saơ aơ, yorlah păng jêng ndơ ma rnôk kăndơ̆.”

Daniel 8:4

Rnôk nây, Gâp saơ biăp nkuăng sŏk nke gĕ mpeh nhâp nar, mpeh pa lơ jêh ri mpeh pa dâng. Mâu geh du mlâm mpô mpa dơi tâm rdâng đah păng ôh jêh ri mâu dơi geh ndơ klaih bơh ti păng ôh. Păng ƀư tĭng nâm păng ŭch jêh ri ƀrư̆ nar văch ma toyh ktang.

Amôt 3:7

Tâm ban lĕ, Kôranh Brah Yêhôva mâu mo du ntil nau ôh Mbơh lĕ nau ndâp Păng Ma phung oh mon Păng jêng phung nơm mbơh lor.

Yôhan 10:35

Lah nau vay bu kuăl ma phung sŏk dơn Nau Brah Ndu Ngơi jêng brah, jêh ri nau Brah Ndu Ngơi bu mâu dơi chalơi ôh

Nau Tâm Mpơl 21:5

Nơm gŭ ta sưng hađăch lah: “Aơ, Gâp mra ƀư mhe lĕ rngôch ndơ.” Păng lah tay: “Nchih hom, yorlah lĕ nau ngơi aơ jêng nau khư rnơm nsing jêh ri nanê̆ ngăn.”