Daniel 11:15 - Nau Brah Ndu Ngơi 2023

¹⁵ Hađăch mpeh pa lơ mra văch ndâk pôih jêh ri dơi sŏk du play ƀon nâp. Phung tahan mpeh pa dâng mâu mra hôm dơi tâm rdâng ôh, nđâp ma phung tahan blau ăt mâu hôm geh nau ktang tâm rdâng.

Daniel 11:15 Iomraidhean Croise

Yêrêmi 33:4

Bi ma ngih vâl tâm ƀon aơ jêh ri ngih hađăch phung Yuđa bu hŏ rơih jêh gay ndâk njêng mpêr king tâm rdâng lĕ pôih nâp jêh ri đah tak đao phung rlăng, pôri Yêhôva, Brah Ndu phung Israel, lah pô aơ:

Yêrêmi 5:10

“Hăn hao hom klơ mbor krăk ƀâu jêh ri ƀư rai lơi, Ƀiălah lơi ta ƀư rai lĕ ôh; Koh mƀăr hom lĕ n'gĭng păng, Yorlah mâu jêng ndơ Brah Yêhôva ôh.

Yêrêmi 52:4

Ta nar jât khay jât tâm năm rơh sĭn rnôk rô̆ hađăch Sêdêkia, Y-Nêbukatnetsar, hađăch Babilôn, djôt leo lĕ rngôch phung tahan hăn tâm lơh ƀon Yêrusalem. Khân păng ndâk ntŭk tahan gŭ nchueng jêh ri ƀư mpêr tâm lơh văr jŭm ƀon.

Yêrêmi 6:6

Yorlah Brah Yêhôva ma phung tahan lah: “Kăl hom tơm si Jêh ri bât pôih nchueng jŭm Yêrusalem! Aơ jêng ƀon bu mra tâm rmal; Yorlah ta nklang păng bêng âk nau bu tŭn jot.

Êsêkiêl 17:17

Pharaôn mâu mra djôt du phung tahan ktang jêh ri du phung tahan âk kơl tâm lơh tơlah bu njêng pôih ƀư mpêr nchueng jŭm ƀon gay nkhĭt âk bunuyh.

Êsêkiêl 4:2

Ăn may nchueng lơh ma ƀon nây, ndâk njêng pôih, ƀư mpêr tâm rdâng đah păng; dăp phung tahan nchueng lơh jêh ri nkra mâng ƀư klưh lơi mpêr jŭm ƀon tâm rdâng đah păng.

Daniel 11:14

Tâm nôk nây, âk bunuyh mra dâk tâm lơh đah hađăch mpeh pa dâng. Lĕ bunuyh ƀư rŭng răng tâm phung ƀon lan may mra hao âk gay ƀư tât di ngăn, ƀiălah khân păng mâu mra dơi ôh.

Daniel 11:6

Âk năm pakơi, phung hađăch nây mra ƀư nau tâm rnglăp, kon bu ur hađăch mpeh pa dâng ƀư ndrôi đah hađăch mpeh pa lơ gay ƀư rnglăp nau đăp mpăn. Ƀiălah kon bu ur hađăch mâu prăp nau dơi ôh; hađăch mpeh pa lơ jêh ri noi deh păng mâu lĕ dơi dâk ôh. Rnôk nây, kon bu ur hađăch ndrel ma phung njŭn leo păng, mbơ̆ păng jêh ri sai păng bu mra jao da dê.

Daniel 8:7

Gâp saơ păng hăn dăch biăp nkuăng jêh ri ji nuih ngăn gĕ biăp nkuăng ƀư deh lơi bar mlâm nke. Biăp nkuăng mâu hôm dơi geh nau ktang tâm rdâng ôh; be ƀư prah păng ta neh jêh ri jot ta klơ, jêh ri mâu geh bunuyh dơi tâm rklaih biăp nkuăng bơh păng ôh.

Yôsuê 1:5

Du bông nau rêh may mâu mra geh ôh nơm dơi tâm rdâng đah may. Gâp mra gŭ ndrel ma may tâm ban Gâp hŏ gŭ ndrel jêh ma Y-Môis; Gâp mâu mra ƀah ngai đah may ôh, mâu chalơi may.