Daniel 11:13 - Nau Brah Ndu Ngơi 2023

¹³ Hađăch mpeh pa lơ mra tâm rƀŭn đŏng du phung tahan âk lơn ma lor, jêh ri tât kêng dŭt lĕ gưl, nây jêng lĕ năm, hađăch nây hăn tâm lơh ndrel phung tahan ktang, ndrăp ndơ tâm lơh tŏng ngăn.

Daniel 11:13 Iomraidhean Croise

Daniel 11:12

Tơlah tâm lơh dơi jêh đah phung tahan nây, hađăch mpeh pa dâng geh nuih n'hâm sưr. Păng mra nkhĭt âk rbăn, âk rmưn phung rlăng ƀiălah păng mâu dơi ôh.

Daniel 11:14

Tâm nôk nây, âk bunuyh mra dâk tâm lơh đah hađăch mpeh pa dâng. Lĕ bunuyh ƀư rŭng răng tâm phung ƀon lan may mra hao âk gay ƀư tât di ngăn, ƀiălah khân păng mâu mra dơi ôh.

Daniel 11:40

Ta rnôk nglĕ dŭt, hađăch mpeh pa dâng mra hăn tâm lơh đah hađăch mpeh pa lơ. Ƀiălah hađăch mpeh pa lơ djôt ndeh seh, phung tahan ncho seh jêh ri âk kumpăn hăn tâm lơh nâm bu phŭt chuănh. Hađăch nây hôm e hăn lơh lĕ bri dak, ler nâm bu dak lip.

Daniel 12:7

Gâp tăng bunuyh nsoh bok mhay dâk ta klơ dak krong, yơr ti ma jêh ri ti chiau leo pa trôk, sŏk amoh Nơm gŭ rêh mro mrăng sơm ton pô aơ: “Mra dơi rgăn du gưl, bar gưl jêh ri n'gul gưl, jêh ri nau ktang phung kloh ueh mra dŭt pôri lĕ nau aơ mra lôch ngăn jêh.”

Daniel 4:16

Ăn tâm rgâl lơi nau mĭn păng Tă bơh nau mĭn bunuyh jêng nau mĭn mpô mpa bri, Jêh ri ăn păng nâm pônây dôl tâm pơh năng.