Daniel 10:9 - Nau Brah Ndu Ngơi 2023

⁹ Ƀiălah gâp ăt hôm tăng bâr păng lah. Mhe tăng bâr păng, gâp khĭt huăr, chŭn muh măt ta neh.

Daniel 10:9 Iomraidhean Croise

Nau Ntơm 15:12

Kêng nar nhâp, Y-Abram lêt bê̆ch; jêh ri aơ, nau ngo klĕng, nau klach hâu ngăn, jêh ri nau ngo mbâl tŭp nkŭm klơ păng.

Nau Ntơm 2:21

Yêhôva Brah Ndu ƀư ăn Y-Ađam lêt bê̆ch, jêh ri sŏk du mlâm nting rpaih, jêh nây sŏk mlay njĭr tay.

Ndrom Samƀŭt bơh Yôp 33:15

Mâu lah tâm nau mbơi, tâm nau tâm saơ dôl măng, Nôk bu lêt bê̆ch, Lah dôl hăk bê̆ch ta klơ gre păng;

Ndrom Samƀŭt bơh Yôp 4:13

Bri măng, lah kon bunuyh lêt bê̆ch Dôl gŭ rvê mĭn gâp saơ nau tâm mpơl.

Nau Mprơ Ueh 5:2

Gâp bê̆ch ƀiălah nuih n'hâm gâp rngeh. Ri! Nơm gâp rŏng goh mpông: “Pơk mpông ăn ma gâp, oh bu ur gâp, nơm gâp rŏng, Sĭm plŭk gâp nơm, nơm ueh ngăn ngên ma gâp! Yorlah bôk gâp bĕ hâu ngăn, Sŏk gâp bĕ dak ngom dôl bri măng.”

Daniel 10:16

Aơ, geh du huê nơm săk jăn tâm ban ma lĕ kon bunuyh văch pah mbung gâp. Gâp hă trôm mbung ro jêh ri dơi ngơi. Gâp lah ma nơm gŭ tanăp gâp: “Ơ kôranh, nau tâm saơ ƀư ma gâp ji ngăn jêh ri gâp hŏ huăr ngăn jêh.

Daniel 8:18

Dôl nơm nây hôm ngơi ma gâp pôri gâp lăp tâm nau bê̆ch hăk ngăn, măt chŭn ta neh. Ƀiălah păng pah ta gâp ăn gâp gŭ dâk,

Habakuk 3:16

Tăng lĕ nau aơ, lam săk jăn gâp râm sâr, Toh yoi gâp mprâm ngăn, Nting gâp nâm bu bơi rmuk ôm, Jêh ri jâng gâp chuat ndĭt ndiu. Gâp mra gŭ rklăk gay kâp nar rêh ni, Jêng nar geh phung ƀon lan văch lơh hên.

Luka 22:45

Mbơh sơm lôch jêh, Păng dâk plơ̆ tay ma phung oh mon jêh ri saơ khân păng gŭ bê̆ch jêh yor nau rngot.

Luka 9:32

Y-Pêtrôs jêh ri phung mĭt jiăng păng hâu ngăn ŭch bê̆ch, ƀiălah dôl kah rngăl, khân păng saơ nau chrêk rmah Brah Yêsu jêh ri bar hê bunuyh gŭ ndrel ma Păng.

Nau Tâm Mpơl 1:17

Tơlah saơ Păng, gâp cha lôt ta jâng Păng nâm bu khĭt. Ƀiălah Păng pah ti ma Păng klơ gâp jêh ri lah: “Lơi klach ôh, Gâp jêng Nơm Lor Lơn jêh ri Nơm Nglĕ Dŭt,