Daniel 10:6 - Nau Brah Ndu Ngơi 2023

⁶ Săk jăn păng tâm ban ma lŭ khlay bêril, muh măt păng chrat nâm bu lơp, bar măt păng tâm ban ma mpiăt ŭnh hit, kôp ti jêh ri kôp jâng păng tâm ban ma kông tho chrêk, jêh ri nteh bâr ngơi nâm bu nteh phung âk.

Daniel 10:6 Iomraidhean Croise

Nau Ngluh Êjipt 28:20

mbor tal puăn jêng găr bêril, găr ônik, găr jaspidi. Lĕ găr lŭ khlay nây bu nkrêp tâm ndor năp ma mah.

Nau Mprơ Ueh 5:14

Ti păng nâm bu lĕ dĭng ma mah Lĭr ndop lŭ khlay. Săk jăn păng nâm bu glo ma la pler rlip, Lĭr ndop lŭ saphir.

Êsêkiêl 1:14

Lĕ mpa rêh nây nchuăt ta-aơ ta-ri nâm bu lơp nglaih.

Êsêkiêl 1:16

Rup jêh ri bu ƀư lĕ jâng ndeh nây nâm bu lŭ khlay bêril nchrat rêp ƀlêp; lĕ rngôch puăn jâng nây tâm ban da dê; rup jêh ri bu ƀư nâm bu jâng ndeh gŭ tâm trôm jâng ndeh êng ri.

Êsêkiêl 1:24

Tơlah khân păng hăn leo panăp, gâp tăng nteh rpuh lĕ nting năr khân păng nâm bu nteh dak hoch djhut djhut, nâm bu bâr Nơm Geh Lĕ Nau Brah, nteh drơu drơu phung tahan. Tơlah khân păng gŭ nsrŭng, nting năr khân păng nhop.

Êsêkiêl 1:7

Jâng khân păng sŏng, mpang jâng nâm bu mpang jâng ndrôk kon nkuăng nchrat ang nâm bu kông chrêk.

Êsêkiêl 10:9

Gâp uănh jêh ri saơ geh puăn mlâm jâng ndeh ta meng phung chêrubim, ăp jâng ndeh ta meng du mlâm chêrub, jêh ri rup lĕ jâng ndeh nây nâm bu lŭ khlay bêril.

Êsêkiêl 40:3

Tơlah Păng leo gâp lăp ta nây, gâp saơ du huê bunuyh săk jăn nâm bu du huê bunuyh ma kông. Bunuyh nây dâk ta ndring mpông, ti djôt rse ndrăn mhay jêh ri du mlâm mâng ndăl gay ma veh.

Êsêkiêl 8:2

Nôk nây, gâp saơ du mlâm rup tâm ban ma ŭnh. Tă bơh gang bŭt bunuyh nây rlet pa dâng jêng ŭnh; bi ma ntơm bơh bŭt rlet klơ geh nau nchrat lơp nâm bu kông chrêk.

Mathay 17:2

Păng rgâl săk jăn tanăp khân păng: muh măt Păng ral ang nâm bu ang nar ao Păng jêng nglang nâm bu nau ang.

Mathay 28:3

Tông mpăr ral nâm bu lơp nglaih jêh ri ao nglang nâm bu pler.

Luka 9:29

Dôl mbơh sơm, muh măt Păng rgâl êng ngăn, ao Păng dơi jêng nglang jêh ri nchrat ang.

Nau Tâm Mpơl 10:1

Pakơi nây, gâp saơ du huê tông mpăr êng geh nau dơi jŭr tă bơh trôk, geh du ndâr tŭk nkŭm păng. Ta klơ bôk tông mpăr geh bêh tŭng tĭng; muh măt tông mpăr nâm bu nar jêh ri jâng nâm bu n'gâng ŭnh.

Nau Tâm Mpơl 19:12

Măt Păng nâm bu mpiăt ŭnh; ta bôk Păng geh âk đon hađăch, ta klơ geh nchih du amoh, mâu geh nơm gĭt ôh, knŏng Păng nơm.

Nau Tâm Mpơl 2:18

“Nchih hom ma phung tông mpăr ma Phung Ngih Brah Ndu ta ƀon Thiatir pô aơ: Aơ jêng nau Kon Brah Ndu lah, Nơm geh măt tâm ban ma mpiăt ŭnh jêh ri jâng păng jêng nâm bu kông tho chrêk:

Nau Tâm Mpơl 21:20

mbon rơh prăm ma lŭ khlay ônik, mbon rơh prao ma lŭ karnêlian, mbon rơh pơh ma lŭ khlay krisôlit, mbon rơh pham ma lŭ khlay bêril, mbon rơh sĭn ma lŭ tôpas, mbon rơh jât ma lŭ krisôpras, mbon rơh jât ma nguay ma lŭ khlay jasin, jêh ri mbon rơh jât ma bar ma lŭ khlay amêtis.