Daniel 10:16 - Nau Brah Ndu Ngơi 2023

¹⁶ Aơ, geh du huê nơm săk jăn tâm ban ma lĕ kon bunuyh văch pah mbung gâp. Gâp hă trôm mbung ro jêh ri dơi ngơi. Gâp lah ma nơm gŭ tanăp gâp: “Ơ kôranh, nau tâm saơ ƀư ma gâp ji ngăn jêh ri gâp hŏ huăr ngăn jêh.

Daniel 10:16 Iomraidhean Croise

Nau Ngluh Êjipt 4:10

Y-Môis ngơi đah Brah Yêhôva: “Ơ! Kôranh Brah, bơh kăl e tât aƀaơ jêh ri nđâp ma nôk Kôranh Brah ngơi đah oh mon May, gâp jêng nơm mâu geh blau ngơi ueh, mbung mpiăt gâp ngơi khan.”

Nau Ngluh Êjipt 4:13

Y-Môis ơh: “Ơ! Kôranh Brah, dăn Kôranh Brah đă nơm êng.”

Nơm Nti 1:18

Yorlah lơ hâu âk nau blau mĭn, lơ hâu ntop nau ji nuih, Mbu nơm ntop nau gĭt rbăng jêng ntop nau rngot rvê.

Êsai 6:7

Păng rbot trôm mbung gâp ma sa ônh rnga ŭnh sa jêh ri lah: “Aơ, ndơ nây hŏ rbot jêh ta trôm mbung may, bu jut lơi jêh nau kue may, nau tih may bu yô̆ an jêh.”

Yêrêmi 1:9

Pôri Brah Yêhôva yơr ti bi ta mbung gâp. Brah Yêhôva lah ma gâp: “Aơ, Gâp hŏ dơm jêh nau Gâp tâm mbung may.

Êsêkiêl 1:26

Ta klơ đôr panăp ta klơ bôk lĕ mpa rêh geh ndơ nâm bu sưng hađăch lŭ khlay saphir, jêh ri ta sưng hađăch nây geh ndơ nâm bu rup du huê bunuyh.

Êsêkiêl 3:27

Ƀiălah tơlah Gâp lah ma may, Gâp mra pơk trôm mbung may jêh ri may mra lah ma khân păng pô aơ: ‘Yêhôva Brah Ndu lah kơt aơ: Mbu nơm ŭch iăt, iăt hom; mbu nơm mâu ŭch iăt, lơi ta iăt ôh! Yorlah khân păng jêng du rplay ƀon vay mơng tâm rdâng.’”

Êsêkiêl 33:22

Rnôk nây, kêng mhaơ êlor ma bunuyh klaih nây văch tât, ti Brah Yêhôva dra ta gâp jêh ri Păng hŏ pơk mbung gâp êlor bunuyh klaih nây văch tât kêng ôi. Pônây bâr mbung gâp dơi hă gâp mâu hôm mlo đŏng ôh.

Daniel 12:8

Gâp tăng ƀiălah gâp mâu gĭt rbăng ôh, yor ri gâp ôp: “Ơ kôranh gâp, mâm mra jêng nau nglĕ dŭt ma nau aơ?”

Daniel 4:19

Rnôk nây, Y-Daniel, ăt rnha Y-Beltisasar, mâu dơi ngơi tâm ƀât lât. Lĕ nau mĭn ƀư ma păng rŭng răng. Hađăch lah: “Hơi Y-Beltisasar, lơi ăn nau mbơi jêh ri nau rblang ƀư rŭng may ôh.” Y-Beltisasar plơ̆ lah: “Ơ kôranh gâp, ăn nau mbơi aơ tât ma phung tâm rmot ma may, jêh ri nau rblang prăp ma phung rlăng đah may!

Daniel 7:15

“Gâp, Y-Daniel, huêng gâp rŭng răng, lĕ nau tâm saơ tâm bôk ƀư ma gâp klach ngăn.

Daniel 7:28

Nau nkoch bri lôch ta aơ. Bi gâp, Y-Daniel, lĕ nau mĭn ƀư ma gâp rŭng răng ngăn, muh măt rgâl jêng êr; ƀiălah gâp ăt djôt prăp lĕ nau nây tâm nuih n'hâm.”

Daniel 8:15

Tơlah gâp, jêng Y-Daniel, saơ jêh nau tâm saơ nây jêh ri dôl tĭng joi ŭch gĭt rbăng jêh ri di nôk aơ đŏng geh nâm bu du huê bunuyh rup bu klâu gŭ tanăp gâp.

Daniel 8:17

Nơm nây, văch êp ro ntŭk gâp gŭ dâk. Saơ nơm nây tât, gâp klach ngăn jêh ri păn muh măt ta neh. Ƀiălah nơm nây lah ma gâp: “Hơi kon bunuyh, gĭt rbăng hom nau tâm saơ aơ di ma rnôk nglĕ dŭt.”

Daniel 8:18

Dôl nơm nây hôm ngơi ma gâp pôri gâp lăp tâm nau bê̆ch hăk ngăn, măt chŭn ta neh. Ƀiălah păng pah ta gâp ăn gâp gŭ dâk,

Daniel 8:27

Rnôk nây, gâp, Y-Daniel, rgănh suan ngăn jêh ri ji kuet tâm âk nar. Jêh nau nây gâp dâk jêh ri pah kan ma hađăch. Gâp hih rhâl ma nau tâm saơ nây jêh ri ăt mâu dơi gĭt rbăng lĕ ôh nau khlay.

Daniel 9:21

Tơlah gâp dôl nhhơr nau mbơh sơm, pôri Gabriel, nơm gâp saơ jêh tâm nau tâm saơ lor lơn, mpăr ngăch văch ta gâp ta mông bu nhhơr mpa ƀư brah ta mhaơ.

Luka 1:64

Ƀât lât, păng hă mbung, mpiăt mpât mbrơi, jêh ri păng ngơi tâm rnê ma Brah Ndu.

Luka 21:15

Yorlah Gâp mra ăn ma khân may nau ngơi jêh ri nau blau mĭn, ƀiălah mâu geh phung rlăng dơi tâm rdâng jêh ri tâm rlăch đah khân may ôh.

Yôhan 20:28

Y-Thômas ơh pô aơ: “Ơ Kôranh Brah gâp jêh ri Brah Ndu gâp ơi!”

Yôsuê 5:14

Păng plơ̆ lah: “Mâu gŭ mpeh bu aơ bu ri ôh, ƀiălah aƀaơ gâp văch jêng kôranh chiă uănh ma phung tahan Brah Yêhôva.” Y-Yôsuê păn ro muh măt ta neh, yơk mbah jêh ri ôp: “Moh nau Kôranh Brah ntăm ma oh mon May?”

Nau Tâm Mpơl 1:13

ta nklang lĕ jâng kađen geh du huê tâm ban ma Kon Bunuyh nsoh ao jâr jong, rêt ma rse mah ta ntang ntơh.

Phung Kôranh Phat Dôih 13:8

Y-Manôa mbơh sơm ma Brah Yêhôva pô aơ: “Ơ Kôranh Brah! Dăn Kôranh Brah ăn bunuyh Brah Ndu Kôranh Brah prơh hăn trŭnh, plơ̆ văch tay ma hên, gay nti ma hên moh hên mra ƀư ma oh bê mra deh nây!”

Phung Kôranh Phat Dôih 6:13

Y-Gidêôn lah: “Hơi kôranh, tơlah Brah Yêhôva gŭ ndrel ma hên, mâm ƀư lĕ rngôch nau aơ dơi tât ma hên? Phung chô yau hên nkoch tay ma hên pô aơ: ‘Brah Yêhôva hŏ njŭn jêh hên du luh bơh Êjipt’. Aƀaơ lĕ rngôch nau khlay ngăn ri mbah ntŭk gŭ? Ƀiălah Brah Yêhôva chalơi hên jêh ri jao hên tâm ti phung Madian.”

Phung Kôranh Phat Dôih 6:15

Y-Gidêôn ơh: “Hơi Kôranh Brah, mâm gâp dơi tâm rklaih phung Israel nây? Aơ, ndŭl mpôl gâp o ach lơn tâm phung Manasê, jêh ri gâp jêng nơm jê̆ lơn tâm ngih gâp.”