Daniel 10:13 - Nau Brah Ndu Ngơi 2023

¹³ Kôranh phung hađăch Persi hŏ buay jêh gâp tâm bar jât ma nguay nar. Ƀiălah Mikel, du huê tâm phung kôranh tông mpăr, hŏ văch kơl gâp, jêh ri gâp gŭ ta nây ndrel ma phung hađăch Persi.

Daniel 10:13 Iomraidhean Croise

Êsra 4:24

Pônây nau kan rdâk ngih Brah Ndu ta ƀon Yêrusalem rlu hêng, kŏ tât năm rơh bar rnôk Darius, hađăch Persi, chiă uănh.

Daniel 12:1

“Tâm rnôk nây, tông mpăr toyh Mikel, nơm king n'gang ma phung ƀon lan may mra dâk. Jêh ri mra geh du rơh uh ah mâu mâp saơ ôh bơh ntơm ndâk njêng bri dak kŏ tât ta rnôk nây. Ƀiălah rnôk nây lĕ, mbu nơm tâm phung ƀon lan may geh amoh tâm ndrom samƀŭt ri mra dơi geh nau tâm rklaih.

Êphêsô 6:12

Yorlah nau he tâm lơh, mâu di tâm rdâng đah nglay săk jêh ri mham ôh, ƀiălah tâm rdâng đah lĕ nau chiă uănh, đah nau ktang, đah phung kôranh geh nau dơi klơ neh ntu ngo aơ, jêh ri đah phung brah mhĭk gŭ lĕ ntŭk ta klơ trôk.

Kôlôh 2:10

pô ri khân may geh bêng nŭm tâm Păng, Nơm jêng kôranh lĕ rngôch nau chiă uănh jêh ri nau dơi toyh.

I Têsalônik 2:18

Yor ri, hên, gâp yơh, Y-Pôl, bar tơ̆ jêh ŭch hăn tât ma khân may, ƀiălah Satan hŏ buay hên.

I Pêtrôs 3:22

jêng Nơm hao jêh ta klơ trôk, dôl gŭ pa ma Brah Ndu, geh phung tông mpăr, phung chiă uănh jêh ri lĕ rngôch nau ktang yơk tâm Păng da dê.

Yuđas 1:9

Nđâp dôl kôranh tông mpăr Mikel tâm rlăch đah brah mhĭk yor săk jăn Y-Môis, păng mâu janh sŏk nau ngơi sưr rlau gay phat dôih, ƀiălah knŏng lah: “Dăn Kôranh Brah nduyh may.”

Nau Tâm Mpơl 12:7

Nôk nây geh nau tâm lơh ta klơ trôk: Mikel jêh ri phung tông mpăr păng nơm tâm lơh đah bêh nhŭk nhăk; bêh nhŭk nhăk jêh ri phung mbơh păng tâm lơh đŏng.