Daniel 1:6 - Nau Brah Ndu Ngơi 2023

⁶ Tâm phung bu klâu ndăm nây geh Y-Daniel, Y-Hanania, Y-Misaêl jêh ri Y-Asaria jêng phung bơh noi deh Yuđa.

Daniel 1:6 Iomraidhean Croise

Êsêkiêl 14:14

nđâp lah tâm bri nây geh pe nuyh aơ jêng Y-Nôê, Y-Daniel jêh ri Y-Yôp, khân păng dơi tâm rklaih knŏng huêng khân păng nơm yor nau sŏng srăng khân păng, Brah Yêhôva lah pônây.

Êsêkiêl 14:20

nđâp lah geh Y-Nôê, Y-Daniel jêh ri Y-Yôp gŭ tâm bri nây, Kôranh Brah Yêhôva lah, ngăn nâm bu Gâp gŭ rêh mro mrăng, khân păng tâm ban lĕ mâu dơi tâm rklaih ôh du huê kon bu ur mâu lah kon bu klâu khân păng, ƀiălah knŏng dơi tâm rklaih nau rêh khân păng nơm yor nau sŏng srăng khân păng dơm.

Êsêkiêl 28:3

May blau mĭn rlau lơn ma Y-Daniel lĕ? Mâu geh ôh hĕ nau khlay ndâp dơi pôn ndâp đah may?

Daniel 1:19

Hađăch ngơi ndrel đah khân păng jêh ri saơ tâm lĕ rngôch phung khân păng mâu saơ du huê ôh tâm ban ma Y-Daniel, Y-Hanania, Y-Misaêl, jêh ri Y-Asaria. Yor nây, khân păng gŭ pah kan tanăp hađăch.

Daniel 2:17

Jêh nây Y-Daniel plơ̆ sĭt ta ngih jêh ri mbơh rah vah nau nây ma băl păng jêng Y-Hanania, Y-Misaêl jêh ri Y-Asaria,

Daniel 2:25

Y-Ariôk ndal njŭn leo Y-Daniel tanăp hađăch jêh ri mbơh ma hađăch: “Gâp joi saơ jêh du huê bunuyh tâm phung bu nă bơh bri Yuđa mra dơi rblang nau hađăch mbơi.”

Daniel 5:13

Rnôk nây, bu njŭn Y-Daniel tât tanăp hađăch. Hađăch lah ma Y-Daniel: “May hĕ jêng Y-Daniel, du huê tâm phung bu nă Yuđa mbơ̆ gâp hŏ nhŭp tă bơh n'gor bri Yuđa?

Daniel 6:14

Tơlah tăng nau nây hađăch ji nuih n'hâm ngăn jêh ri joi trong gay ma tâm rklaih Y-Daniel. Kŏ tât nar nhâp hađăch ăt hôm gŭ joi trong tâm rklaih păng.

Mathay 24:15

Tơlah khân may saơ nau ƀơ̆ ƀơch ngăn ƀư nau rai ma Ntŭk Kloh Ueh, nâm nau nơm mbơh lor Y-Đaniel hŏ lah (mbu moh rŏ nau aơ gĭt hom),

Markôs 13:14

Ƀiălah tơlah khân may saơ nau ƀơ̆ ƀơch ngăn ƀư nau rai ta ntŭk mâu dơi vay ƀư ôh (mbu rŏ mra gĭt vât), pôri mbu dôl gŭ tâm n'gor Yuđa nchuăt du hom klơ yôk;