Daniel 1:5 - Nau Brah Ndu Ngơi 2023

⁵ Hađăch prăp du kô̆ ndơ sa ăp nar ma khân păng, tă bơh kô̆ ndơ sa kah hađăch sông sa jêh ri ndrănh hađăch nhêt. Lôch jêh pe năm siăm ntĭm nti nâm bu pônây, khân păng mra dâk pah kan tanăp hađăch.

Daniel 1:5 Iomraidhean Croise

Nau Ntơm 41:46

Y-Yôsep geh pe jât năm nôk păng dâk tanăp Pharaôn, hađăch Êjipt. Păng tâm nkhah đah Pharaôn gay ma hăn sek uănh lam n'gor Êjipt.

I Phung Hađăch 10:8

Phung ur hađăch geh nau ueh lăng ngăn! Phung kơl kan hađăch, phung gŭ panăp may ƀaƀơ jêh ri tăng nau blau mĭn may, geh nau ueh lăng ngăn!

II Phung Hađăch 25:30

Ăp nar, hađăch Babilôn ƀơk pă ƀaƀơ kô̆ ndơ păng sông sa kŏ tât păng khĭt.

II Nau Rêh Jêng 9:7

Phung gŭ tâm jây may geh nau ueh lăng ngăn! Phung kơl kan hađăch, phung gŭ panăp may ƀaƀơ, jêh ri tăng nau blau mĭn may geh nau ueh lăng ngăn!

Nau Hôr 23:3

Lơi ta kơnh ôh ndơ sông sa kah bơh păng, Yorlah nây jêng ndơ sông sa bu ndơm.

Yêrêmi 15:19

Yor nây, Brah Yêhôva lah: “Tơlah may plơ̆ sĭt tay, Gâp mra njêng tay may, Ăn may dâk tanăp măt Gâp; Tơlah may ƀư nau khlay cha bơh nau lă lêng, Pôri may mra jêng nâm bu bâr mbung Gâp. Khân păng plơ̆ sĭt ma may, Ƀiălah may mâu plơ̆ sĭt ma khân păng.

Daniel 1:19

Hađăch ngơi ndrel đah khân păng jêh ri saơ tâm lĕ rngôch phung khân păng mâu saơ du huê ôh tâm ban ma Y-Daniel, Y-Hanania, Y-Misaêl, jêh ri Y-Asaria. Yor nây, khân păng gŭ pah kan tanăp hađăch.

Daniel 1:8

Ƀiălah Y-Daniel ton tâm nuih n'hâm mâu ăn ƀơ̆ ôh păng nơm yor ndơ sông sa kah hađăch sa jêh ri ndrănh hađăch nhêt, yor nây dăn ma kôranh chiă uănh phung kôranh bu char lơi ta ƀư ƀơ̆ khân păng ôh.

Mathay 6:11

Ăn ma hên ndơ sông sa nar aơ ăn tŏng;

Luka 1:19

Tông mpăr plơ̆ lah: “Gâp jêng Gabriel, ƀaƀơ gŭ tanăp Brah Ndu. Gâp dơi njuăl văch gay lah đah may jêh ri mbơh Nau Mhe Mhan Ueh ma may.

Luka 11:3

Dăn ăn ma hên ndơ sông sa moh nar tŏng ma nar nây.

Luka 21:36

Pôri, rngeh njrăng jêh ri mbơh sơm ƀaƀơ hom, gay khân may tŏng n'hâm suan der luh bơh lĕ nau mra tât geh jêh ri dâk tanăp Kon Bunuyh.”

I Samuel 16:22

Y-Sôl njuăl nơm hăn lah ma Y-Yêsê: “Ăn Y-Đavit gŭ tanăp gâp, yorlah păng ƀư ma gâp maak.”