Daniel 1:2 - Nau Brah Ndu Ngơi 2023

² Kôranh Brah jao Y-Jêhôjakim, hađăch bri Yuđa, jêh ri ƀaƀă ndơ dŏng tâm ngih Brah Ndu tâm ti hađăch Nêbukatnetsar. Hađăch aơ djôt lĕ ndơ nây nglăp ta ngih brah păng tâm bri Sinar, jêh ri ăn tâm jay drăp brah păng.

Daniel 1:2 Iomraidhean Croise

Nau Ntơm 10:10

Ntơm geh ƀon bri hađăch păng jêng ƀon Ƀaƀel, ƀon Êrek, ƀon Akat jêh ri ƀon Kalnê gŭ tâm n'gor Sinar.

Nau Ntơm 11:2

Tă bơh mpeh Luh Nar, khân păng dâk hăn jêh ri saơ du ntŭk neh lâng tâm n'gor Sinar jêh ri gŭ ta nây.

II Phung Hađăch 24:1

Tâm rnôk Y-Jêhôjakim chiă uănh, hađăch Babilôn jêng Y-Nêbukatnetsar hăn lơh bri dak Yuđa. Y-Jêhôjakim, tông bâr hađăch tâm pe năm, jêh nây Y-Jêhôjakim mĭn plĕch jêh ri dâk tâm rdâng đah hađăch Babilôn.

II Nau Rêh Jêng 36:5

Y-Jêhôjakim ntơm jêng hađăch tơlah geh bar jât ma prăm năm, jêh ri chiă uănh jât ma nguay năm ta ƀon Yêrusalem. Păng ƀư nau mhĭk tanăp măt Yêhôva Brah Ndu păng.

II Nau Rêh Jêng 36:7

Y-Nêbukatnetsar sŏk lĕ ndơ dŏng bơh ngih Brah Yêhôva djôt leo ma ƀon Babilôn, jêh ri dơm ndơ nây tâm ntŭk yơk mbah ta ƀon Babilôn.

Êsra 1:7

Hađăch Sirus tâm ban lĕ mplơ̆ tay lĕ ndơ dŏng ngih brah Brah Yêhôva, ndơ hađăch Nêbukatnetsar sŏk nchuăn jêh tă bơh Yêrusalem jêh ri dơm tâm ngih phung brah păng.

Êsai 11:11

Tâm nar nây, Kôranh Brah mra yơr ti du tơ̆ đŏng gay chuai phung ƀon lan hôm e klen Păng, jêng phung ƀon lan hôm e tă bơh bri Asiri, Êjipt, Pathrôs, Kus, Êlam, Sinar, Hamat jêh ri bơh lĕ gôl dak mƀŭt.

Êsai 42:24

Mbu nơm jao jêh phung Yakôb tâm nau ntŭng ndô ndơ, Jêh ri jao phung Israel ma phung pit sŏk? Mâu di hĕ jêng Brah Yêhôva, jêng Nơm phung he hŏ ƀư nau tâm rdâng đah Păng? Yorlah mâu geh nơm ŭch hăn tĭng trong Păng, Mâu lĕ khân păng tông ma nau vay Păng.

Yêrêmi 25:1

Tâm năm rơh puăn rô̆ Y-Jêhôjakim, kon bu klâu Y-Jôsia, hađăch Yuđa, nây jêng năm rơh nguay rô̆ Y-Nêbukatnetsar, hađăch bri Babilôn, geh nau lah ma Y-Yêrêmi lah tât ma lĕ rngôch phung ƀon lan Yuđa.

Yêrêmi 27:16

Gâp ngơi ma phung kôranh ƀư brah, jêh ri lĕ rngôch phung ƀon lan pô aơ: “Brah Yêhôva lah: Lơi iăt ôh nau phung mbơh lor mbơh lor ma khân may pô aơ: ‘Mâu hôm jŏ đŏng lĕ ndơ dŏng tâm ngih Brah Yêhôva mra dơi djôt plơ̆ sĭt tă bơh Babilôn,’ yorlah khân păng hŏ ngơi nau mbơh lor nklă mƀruh ma khân may.

Yêrêmi 28:3

Tâm bar năm nĕ, Gâp mra djôt plơ̆ sĭt ma ntŭk aơ lĕ rngôch ndơ dŏng tâm ngih Brah Yêhôva, ndơ Y-Nêbukatnetsar, hađăch Babilôn, hŏ sŏk rdu jêh bơh ntŭk aơ jêh ri leo ma ƀon Babilôn.’

Yêrêmi 35:11

Ƀiălah rnôk Y-Nêbukatnetsar, hađăch Babilôn, văch lơh bri dak aơ, hên tâm lah ndrăng nơm: ‘Kay lŏng he hăn hao Yêrusalem gay der ma phung tahan Kaldê jêh ri phung tahan Siri.’ Yor nây, hên gŭ tâm ƀon Yêrusalem.”

Yêrêmi 50:2

“Mbơh hom jêh ri tâm mpơl ăn ma lĕ rngôch bri dak, Ăn yơr hom kơ jêh ri tâm mpơl, Lơi ta pôn mo ôh; lah hom: ‘Babilôn lĕ bu ƀư rai jêh, Brah Bel prêng jêh, Brah Mêrôdak klach krit ngăn, Bu ƀư prêng rup trah păng, Rup brah păng bu ƀư rlâm rai jêh!’

Yêrêmi 51:44

Gâp mra tâm rmal brah Bel tâm bri Babilôn, Sŏk ntơt moh ndơ păng hŏ rvăn jêh luh bơh trôm mbung păng. Phung mpôl băl bunuyh mâu mra hăn sĭt ta nây đŏng ôh. Mpêr ƀon Babilôn lĕ rlâm jêh.

Daniel 5:13

Rnôk nây, bu njŭn Y-Daniel tât tanăp hađăch. Hađăch lah ma Y-Daniel: “May hĕ jêng Y-Daniel, du huê tâm phung bu nă Yuđa mbơ̆ gâp hŏ nhŭp tă bơh n'gor bri Yuđa?

Daniel 5:18

Ơ hađăch, Brah Ndu Nơm Dŭt Prêh ăn jêh ƀon bri hađăch, nau dơi dŭt prêh, nau chrêk rmah, jêh ri nau rnam ăn ma mbơ̆ may jêng Y-Nêbukatnetsar.

Habakuk 1:16

Yor nây, khân păng nhhơr mpa ƀư brah ma yŭ jal, Jêh ri su ndơ ƀâu kah ăn ma nhuăl; Yorlah ma yŭ jal khân păng geh ndơ sa lay rmŏng Jêh ri geh ndơ sông sa rmeh ler.

Sakari 5:11

Tông mpăr plơ̆ lah ma gâp: “Djôt leo tâm bri Sinar gay ma ƀư ngih vâl ma păng. Lah hŏ ƀư jêh, bu mra dơm bĭ ta ntŭk păng.”

Nau Vay Nkah Tay 32:30

Mâm ƀư du huê dơi mprơh du rbăn nuyh, Jêh ri bar hê ƀư ma jât rbăn nuyh nchuăt du, Tơlah Lŭ Toyh mâu tăch ôh khân păng, Jêh ri Brah Yêhôva mâu ôh jao khân păng?

Phung Kôranh Phat Dôih 2:14

Pônây Brah Yêhôva ji nuih ngăn ma phung Israel. Păng jao khân păng tâm ti phung pit in gay phung nây sŏk lĕ ndơ khân păng. Păng tăch phung Israel ma phung rlăng gŭ văr jŭm khân păng jêh ri phung Israel mâu hôm dơi ôh tâm rđâng đah phung rlăng khân păng.

Phung Kôranh Phat Dôih 3:8

Yor ri, Brah Yêhôva hao ji nuih ma phung Israel, Păng jao khân păng tâm ti Y-Kusan-Risathaim, hađăch Aram Naharadim. Ăn phung ƀon lan Israel pah kan Y-Kusan-Risathaim tâm pham năm.

Phung Kôranh Phat Dôih 4:2

Yor ri, Brah Yêhôva tăch khân păng ma Y-Jabin, jêng hađăch Kanaan, nơm chiă uănh ta Hasôr. Kôranh chiă uănh toyh tahan Y-Jabin jêng Y-Sisêra gŭ ta Harôset phung bu năch.

I Samuel 5:2

Jêh nau nây, khân păng leo nglăp Hip Nau Tâm Rnglăp Brah Ndu dơm tâm ngih brah Dagôn, jêh ri n'gân êp ta meng rup brah Dagôn.