Daniel 1:19 - Nau Brah Ndu Ngơi 2023

¹⁹ Hađăch ngơi ndrel đah khân păng jêh ri saơ tâm lĕ rngôch phung khân păng mâu saơ du huê ôh tâm ban ma Y-Daniel, Y-Hanania, Y-Misaêl, jêh ri Y-Asaria. Yor nây, khân păng gŭ pah kan tanăp hađăch.

Daniel 1:19 Iomraidhean Croise

Nau Ntơm 41:46

Y-Yôsep geh pe jât năm nôk păng dâk tanăp Pharaôn, hađăch Êjipt. Păng tâm nkhah đah Pharaôn gay ma hăn sek uănh lam n'gor Êjipt.

I Phung Hađăch 17:1

Y-Êli, bunuyh Tisbê, jêng du huê tâm phung gŭ njưh tâm n'gor Gilêat, lah ma Y-Ahap pô aơ: “Gâp dâk panăp Brah Yêhôva jêng Brah Ndu gŭ rêh mro mrăng ma phung Israel gay sơm ton pô aơ: Tâm âk năm jêh aơ, tơlah mâu geh nau gâp ngơi, mâu mra geh dak ngom, mâu đŏng geh tŭp mih.”

Nau Hôr 22:29

May saơ lĕ mbu moh gơih tâm nau kan păng pah? Bunuyh nây mra pah kan phung hađăch, Mâu di ôh mra pah kan ma bunuyh ƀon lan.

Yêrêmi 15:19

Yor nây, Brah Yêhôva lah: “Tơlah may plơ̆ sĭt tay, Gâp mra njêng tay may, Ăn may dâk tanăp măt Gâp; Tơlah may ƀư nau khlay cha bơh nau lă lêng, Pôri may mra jêng nâm bu bâr mbung Gâp. Khân păng plơ̆ sĭt ma may, Ƀiălah may mâu plơ̆ sĭt ma khân păng.

Daniel 1:18

Tât rnôk hađăch tâm nal jêh mra mpơl khân păng, nơm chiă uănh phung kôranh bu char njŭn leo khân păng tanăp Y-Nêbukatnetsar.

Daniel 1:4

Lĕ phung bu klâu ndăm aơ jêng phung mâu geh ntŭk kuet ôh, muh măt ueh, geh âk nau njêh, blau mĭn tâm lĕ rngôch, geh nau gĭt mĭn huy jêh ri gĭt rbăng, geh nau blau ngăn pah kan tâm ngih hađăch. Y-Aspênas sâm nti ma khân păng nau ngơi ueh jêh ri nau ngơi phung Kaldê.

Daniel 1:5

Hađăch prăp du kô̆ ndơ sa ăp nar ma khân păng, tă bơh kô̆ ndơ sa kah hađăch sông sa jêh ri ndrănh hađăch nhêt. Lôch jêh pe năm siăm ntĭm nti nâm bu pônây, khân păng mra dâk pah kan tanăp hađăch.

Daniel 1:6

Tâm phung bu klâu ndăm nây geh Y-Daniel, Y-Hanania, Y-Misaêl jêh ri Y-Asaria jêng phung bơh noi deh Yuđa.

Daniel 1:7

Kôranh chiă uănh phung kôranh bu char ntơ amoh mhe ăn ma khân păng: Y-Daniel jêng Y-Beltisasar; Y-Hanania jêng Y-Sadrăk; Y-Misaêl jêng Y-Mêsăk jêh ri Y-Asaria jêng Y-Abetnêgô.

Daniel 2:13

Pôri nau ntrŭnh nây ăn nkhĭt lơi phung njêh; bu joi Y-Daniel jêh ri phung băl păng gay nkhĭt.

Daniel 3:29

Yor nây, gâp ăn samƀŭt nau ntrŭnh aơ: Lĕ rngôch mbu phung ƀon lan, mbu bri dak, mbu nau ngơi geh nau ngơi mhĭk ma Brah Ndu Y-Sadrak, Y-Mêsăk, Y-Abetnêgô bu mra choh săk jăn khân păng, jêh ri ngih khân păng mra jêng mbŭch djah; yorlah mâu geh brah êng ôh mra dơi tâm rklaih tâm ban pônây.”