Daniel 1:17 - Nau Brah Ndu Ngơi 2023

¹⁷ Brah Ndu ăn ma puăn nuyh bu klâu ndăm aơ geh nau gĭt rbăng jêh ri nau blau ngăn gĭt rbăng lĕ rngôch nau ngơi ueh ndrel nau blau mĭn. Êng ma Y-Daniel geh nau gĭt rbăng ma lĕ nau tâm saơ jêh ri nau mbơi.

Daniel 1:17 Iomraidhean Croise

I Phung Hađăch 3:12

rĭ dĭng Gâp ƀư tĭng nau may dăn. Gâp ăn ma may nuih n'hâm gĭt mĭn jêh ri gĭt rbăng, kŏ tât mâu hŏ geh ôh du huê bunuyh panăp may tâm ban ma may jêh ri pakơi may mâu mra geh bunuyh dơi ban may ôh.

I Phung Hađăch 3:28

Tơlah lĕ rngôch phung Israel hŏ tăng nau hađăch phat dôih nây, jêh ri khân păng geh nau yơk ma hađăch, yorlah khân păng saơ pô aơ Brah Ndu hŏ ăn ma hađăch nau gĭt mĭn gay ƀư nau di.

II Nau Rêh Jêng 1:10

Pônây, dăn Kôranh Brah ăn ma gâp nau blau mĭn jêh ri nau gĭt rbăng, gay gâp dơi luh lăp tanăp phung ƀon lan aơ. Yorlah mbu nơm geh tŏng nau dơi chiă uănh phung ƀon lan Kôranh Brah, du phung ƀon lan toyh dŭt âk râk ngăn?”

II Nau Rêh Jêng 1:12

pôri Gâp hŏ ăn jêh nau gĭt mĭn jêh ri nau gĭt rbăng ma may. Gâp mra ăn ma may nau ndrŏng kuăng, drăp ndơ, jêh ri nau chrêk rmah kŏ tât mâu dơi geh ôh lĕ phung hađăch lor panăp may jêh ri pakơi may dơi ban.”

II Nau Rêh Jêng 26:5

Tâm lĕ rô̆ Y-Sakari jêng bunuyh gĭt rbăng lĕ nau tâm saơ bơh Brah Ndu, Y-Usia joi Brah Ndu ma lĕ nuih n'hâm. Păng joi Brah Ndu ndah jŏ, Brah Ndu ƀư ăn ma păng geh nau ƀŭn lap dah nây lĕ.

Ndrom Samƀŭt bơh Yôp 32:8

Ƀiălah huêng yơh gŭ tâm kon bunuyh, Jêng n'hâm nsôr tă bơh Nơm Geh Lĕ Nau Brah mơ ăn ma khân păng nau gĭt rbăng.

Nau Hôr 2:6

Yorlah Brah Yêhôva ăn nau blau mĭn; Tă bơh trôm mbung Păng luh nau blau mĭn jêh ri nau gĭt rbăng.

Nơm Nti 2:26

Yor Brah Ndu ăn nau blau mĭn, gĭt rbăng jêh ri nau maak ăn ma mbu nơm ƀư ueh nuih n'hâm Păng; Ƀiălah Păng ƀư ma nơm geh tih mra hŏt rgănh prăp nkrem gay jao tay ăn ma bunuyh ƀư ueh nuih n'hâm Brah Ndu. Nau nây ăt jêng dơm dam, tĭng rlong sial khôm.

Êsai 28:26

Nĕ jêng Brah Ndu yơh hŏ ntĭm Jêh ri sâm nti phung kan mir ƀư.

Êsêkiêl 28:3

May blau mĭn rlau lơn ma Y-Daniel lĕ? Mâu geh ôh hĕ nau khlay ndâp dơi pôn ndâp đah may?

Daniel 1:18

Tât rnôk hađăch tâm nal jêh mra mpơl khân păng, nơm chiă uănh phung kôranh bu char njŭn leo khân păng tanăp Y-Nêbukatnetsar.

Daniel 1:20

Dôl hađăch ôp khân păng ma lĕ rngôch nau ôp ma nau blau mĭn nau gĭt rbăng, pôri saơ khân păng blau lơn jât tơ̆ ma phung ƀŭk rƀên jêh ri phung kôranh n'hŭm tâm lĕ ƀon bri hađăch păng nơm.

Daniel 1:4

Lĕ phung bu klâu ndăm aơ jêng phung mâu geh ntŭk kuet ôh, muh măt ueh, geh âk nau njêh, blau mĭn tâm lĕ rngôch, geh nau gĭt mĭn huy jêh ri gĭt rbăng, geh nau blau ngăn pah kan tâm ngih hađăch. Y-Aspênas sâm nti ma khân păng nau ngơi ueh jêh ri nau ngơi phung Kaldê.

Daniel 10:1

Năm rơh pe rnôk rô̆ hađăch Sirus chiă uănh, bri dak Persi, geh du nau tâm mpơl ma Y-Daniel, ntơ amoh Y-Beltisasar. Nau nây nanê̆ ngăn, mbơh ma nau tâm lơh toyh. Y-Daniel gĭt rbăng nau nây jêh ri gĭt năl nau khlay ma nau tâm saơ nây.

Daniel 2:19

Măng nây, nau ndâp dơi mpơl ăn ma Y-Daniel tâm du nau tâm saơ. Y-Daniel tâm rnê ma Brah Ndu klơ trôk.

Daniel 2:21

Păng nơm yơh tâm rgâl mông nar jêh ri yan, N'glưh jêh ri njêng phung hađăch; Păng ăn nau blau mĭn ma bunuyh blau mĭn Jêh ri nau gĭt rbăng ma bunuyh gĭt rbăng.

Daniel 2:23

Ơ Brah Ndu phung chô yau gâp, Gâp lah ueh jêh ri tâm rnê ma May, Yorlah May ăn jêh nau blau mĭn jêh ri nau dơi ma gâp, Aƀaơ aơ, May tâm mpơl ma gâp gĭt nau hên dăn ôp May, Yorlah May mpơl ăn ma hên nau hađăch tĭng joi.”

Daniel 2:30

Bi ma gâp, mâu di gâp blau mĭn lơn ma phung êng, ƀiălah nau ndâp hŏ tâm mpơl jêh ăn ma gâp gay gâp rblang ăn ma hađăch gĭt rbăng, yor nây hađăch gĭt lĕ nau mĭn tâm nuih n'hâm may nơm.

Daniel 4:6

Yor nây, gâp ntăm ăn kuăl rgum lĕ rngôch phung blau mĭn tâm n'gor Babilôn văch tanăp gâp gay ma khân păng rblang nau mbơi nây ma gâp.

Daniel 5:14

Gâp tăng bu lah may geh huêng phung brah gŭ tâm may yor ri may geh nau ang, nau gĭt rbăng jêh ri nau blau mĭn êng lơn.

Daniel 7:1

Năm rơh nguay rnôk rô̆ hađăch Belsasar, n'gor bri Babilôn, dôl gŭ bê̆ch ta klơ sưng bê̆ch, Y-Daniel saơ nau mbơi jêh ri nau tâm saơ tâm bôk păng. Păng nchih gay nkoch tay nau mbơi nây.

Daniel 8:1

Năm rơh pe rnôk hađăch Belsasar chiă uănh geh du nau tâm saơ mpơl tât ma gâp, Y-Daniel. Nau tâm saơ aơ tât pakơi nau tâm saơ gâp saơ jêh lor.

Nau Kơp Bunuyh 12:6

Păng lah: “Iăt hom nau Gâp. Tơlah geh du huê nơm mbơh lor gŭ tâm nklang khân may Gâp jêng Brah Yêhôva mra tâm mpơl ma păng tâm nau tâm saơ Jêh ri Gâp ngơi ma păng tâm nau mbơi.

Luka 21:15

Yorlah Gâp mra ăn ma khân may nau ngơi jêh ri nau blau mĭn, ƀiălah mâu geh phung rlăng dơi tâm rdâng jêh ri tâm rlăch đah khân may ôh.

Kôranh Oh Mon 6:10

Ƀiălah khân păng mâu dơi tâm rdâng ma nau blau mĭn jêh ri ma Brah Huêng Ueh jêng Nơm hŏ ăn ma păng lĕ nau ngơi nây,

Kôranh Oh Mon 7:10

Brah Ndu rklaih păng bơh lĕ rngôch nau mhĭk, ăn nau yô̆, jêh ri nau blau mĭn ma păng tanăp Pharaôn, hađăch n'gor Êjipt; hađăch sâm dơm păng jêng kôranh chiă uănh n'gor Êjipt jêh ri lĕ phung ta ngih hađăch.

Kôranh Oh Mon 7:22

Y-Môis nti lĕ nau blau mĭn phung Êjipt; păng geh nau dơi tâm nau ngơi jêh ri tâm kan.

Kôlôh 1:9

Yor nây, bơh nar tăng nau nây, hên mâu rlu mbơh sơm ma khân may, dăn Brah Ndu ăn ma khân may geh nau gĭt năl rah vah nau mĭn ŭch Păng tâm lĕ nau blau mĭn jêh ri gĭt rbăng tâm nau rêh huêng

Yakơ 1:17

Lĕ rngôch yô̆ ueh jêh ri lĕ ndơ ăn dŭt ueh ngăn tât bơh klơ trôk, jŭr tă bơh Mbơ̆ nau ang; tâm Păng mâu geh nau rgâl ôh, mâu lĕ geh gui nau rgâl.

Yakơ 1:5

Tơlah mbu nơm tâm phung khân may pưt nau blau mĭn, vơh vơl hom ma Brah Ndu, Păng mra ăn ro, yorlah Brah Ndu jêng Nơm ăn ma lĕ rngôch bunuyh ma nuih n'hâm lŏng, mâu geh nau nduyh ôh.