Apdia 1:3 - Nau Brah Ndu Ngơi 2023

³ Nau sưr tă bơh nuih n'hâm may hŏ ndơm may nơm. May jêng nơm gŭ tâm trôm lŭ, Gŭ rêh tâm ntŭk prêh; May lah êng tâm nuih n'hâm may pô aơ: ‘Mbu dơi nklơ̆ gâp tŭp ta neh?’

Apdia 1:3 Iomraidhean Croise

Nau Ntơm 36:8

Pôri, Y-Êsau, nây jêng Êđôm, gŭ tâm nkual klơ dor yôk Sêir.

II Phung Hađăch 14:7

Y-Amasia hŏ nkhĭt jêh du rmưn tahan phung Êđôm tâm rlŭng Boh, jêh ri pit sŏk ƀon Sêla tâm nau rduh lơh nây, jêh nây bu ntơ amoh Joktêel, ăt hôm ma tât nar aơ.

II Nau Rêh Jêng 25:11

Y-Amasia dăng janh njŭn leo phung tahan păng tât rlŭng Boh jêh ri nkhĭt du rmưn nuyh Sêir.

II Nau Rêh Jêng 25:12

Phung tahan Yuđa ăt nhŭp rêh du rmưn nuyh, njŭn leo khân păng ta klơ n'gơn yôk lŭ, jêh nây bơh klơ n'gơn yôk lŭ nây khân păng nklơ̆ phung nây. Lĕ rngôch khĭt rai săk jăn da dê.

Ndrom Samƀŭt bơh Yôp 20:6

Nđâp lah nau sưr păng prêh kŏ tât klơ trôk, Bôk păng tom tât ta tŭk,

Nau Hôr 16:18

Nau sưr hăn lor, nau rai lôch groi pakơi, Jêh ri nau n'hao êng nơm hăn lor tâm nau tŭp.

Nau Hôr 18:12

Nuih n'hâm sưr hăn lor ma nau rai lôch, Ƀiălah nau dêh rhêt hăn panăp ma nau yơk.

Nau Hôr 29:23

Nau sưr bơh du huê bunuyh mra ntrŭnh lơi nơm nây, Ƀiălah mbu nơm geh nuih n'hâm dêh rhêt mra geh nau yơk.

Êsai 16:6

Hên tăng jêh nau sưr rlau phung Môap, Păng sưr ngăn! Păng hưn, sưr rlau jêh ri mưch bu; Nau păng ngơi hưn jêng dơm dam!

Yêrêmi 21:13

Brah Yêhôva lah: ‘Hơi phung ƀon lan gŭ tâm rlŭng, Hơi lŭ toyh tâm neh lâng ri, Gâp tâm rdâng đah khân may, Jêng phung bunuyh nănh ngơi: Mbu nơm mra tât tâm rdâng đah gâp? Mbu nơm dơi lăp ntŭk he krap?’”

Yêrêmi 37:9

Brah Yêhôva lah: “Khân may lơi ta ndơm khân may nơm pô aơ: ‘N'hêl nanê̆ phung Kaldê mra rŭch luh bơh he,’ yorlah khân păng mâu mra plơ̆ rŭch ntŭk êng ôh.

Yêrêmi 48:28

Ơ phung gŭ tâm bri Môap, Du hom tă bơh ƀon toyh jêh ri pôn tâm rkâp lŭ; Ăn jêng hom nâm bu sĭm plŭk Ƀư rsuăn tâm bâr jru.

Yêrêmi 49:16

Hơi nơm gŭ tâm trôm nđa lŭ, Dơi gŭ ta klơ n'gơn yôk prêh, May ƀư jêh nau krit toyh, Jêh ri nuih n'hâm sưr may, hŏ ndơm jêh may. Nđâp lah may ƀư rsuăn ta klơ ntŭk prêh nâm bu klang, Gâp mra ƀư may tŭp tă bơh ntŭk nây.” Brah Yêhôva lah pônây.

Yêrêmi 49:4

Ơ kon bu ur mâu geh răp jăp ri, Mâm ƀư khân may ntưih ir ma ntŭk rlŭng, Lĕ rngôch ntŭk rlŭng geh jêng may? May rnơm nsing ma ngih bun drăp ndơ khlay may nơm, Yor nây lah pô aơ: ‘Mbu nơm nănh văch tâm lơh đah gâp?’”

Êsêkiêl 28:16

Tơlah tăch rgâl drăp ndơ geh âk rmeh rmai, May bêng ma nau ƀai, jêh ri ƀư tih; Yor nây, Gâp mra nklơ̆ may jêng nâm bu ndơ ƀơ̆ ƀơch jŭr tă bơh yôk Brah Ndu; Hơi Chêrub nkŭm nking ri, Gâp ƀư rai may ta nklang lĕ glo lŭ ang nâm bu ŭnh!

Malachi 1:4

Tơlah phung Êđôm lah: “Hên lĕ rai jêh, ƀiălah hên mra plơ̆ sĭt đŏng ndâk tay ta ntŭk lĕ rlâm rai jêh,” pôri Brah Yêhôva ma phung tahan lah pô aơ: “Khân păng mra ndâk đŏng ƀiălah Gâp mra ƀư rlâm lơi, bu mra ntơ khân păng jêng N'gor Bri Djơh Mhĭk, jêng phung ƀon lan Brah Yêhôva ji nuih n'ho ro.”