Apdia 1:21 - Nau Brah Ndu Ngơi 2023

²¹ Phung geh nau rklaih jêh mra hao ta yôk Siôn gay phat dôih yôk Êsau; Bi ƀon bri hađăch mra jêng ndơ Brah Yêhôva.

Apdia 1:21 Iomraidhean Croise

Nau Ntơm 25:23

Brah Yêhôva lah: Bar bri dak dôl gŭ tâm ndŭl ay, Jêh ri bar ntil phung ƀon lan luh tă bơh ndŭl ay mra tâm pă; Phung ƀon lan aơ dăng lơn đah phung ƀon lan ri, Jêh ri nơm toyh mra pah kan ma nơm jê̆.

II Phung Hađăch 13:5

Brah Yêhôva ăn ma phung Israel du huê nơm sâm rklaih gay klaih khân păng du luh bơh ti phung Aram. Yor nây, phung ƀon lan Israel dơi gŭ rêh tâm ngih bok khân păng nâm bu saơm.

Nêhêmi 9:27

Yor ri, Kôranh Brah jao jêh khân păng tâm ti phung rlăng, jêh ri phung nây tŭn jot khân păng. Tâm nau rêh ni, khân păng kuăl dăn ma Kôranh Brah. Yorlah, nuih n'hâm ueh toyh, tă bơh trôk Kôranh Brah iăt Jêh ri ăn jêh phung sâm rklaih gay rklaih khân păng tă bơh ti phung rlăng ma khân păng.

Nau Mprơ Ơm 102:15

Rnôk aơ mpôl băl bunuyh mra klach yơk ma amoh Brah Yêhôva, Jêh ri lĕ rngôch phung hađăch tâm neh ntu mra klach yơk ma nau chrêk rmah Păng.

Nau Mprơ Ơm 22:28

Yorlah ƀon bri hađăch jêng ndơ Brah Yêhôva, Păng chiă uănh phung mpôl băl bunuyh.

Nau Mprơ Ơm 22:29

Lĕ rngôch bunuyh ndrŏng ta neh ntu mra sông sa jêh ri mra yơk mbah; Lĕ rngôch phung plơ̆ sĭt tâm neh muy, Jêh ri phung mâu hôm dơi prăp nau rêh păng nơm, Mra chon mon tanăp Păng da dê.

Nau Mprơ Ơm 47:7

Yorlah Brah Ndu jêng Hađăch ma lĕ rngôch neh ntu; Mprơ tâm rnê hom nau mprơ Păng.

Nau Mprơ Ơm 67:4

Ăn lĕ rngôch bunuyh răm maak jêh ri hâk maak mprơ tâm rnê, Yorlah May mra phat dôih lĕ mpôl băl bunuyh ma nau sŏng Jêh ri njŭn leo lĕ bunuyh tâm neh ntu. (Sêla)

Êsai 19:20

Nĕ jêng nau mbên jêh ri nau mbơh ma Brah Yêhôva ma phung tahan tâm bri Êjipt. Dôl khân păng kuăl dăn ma Brah Yêhôva yor bu tŭn jot, Păng mra njuăl ma khân păng du huê nơm sâm rklaih tât gay king n'gang jêh ri rklaih khân păng.

Êsai 24:23

Khay mra bêk, Nar mra đit; Yorlah Brah Yêhôva ma phung tahan mra chiă uănh Ta yôk Siôn jêh ti ta ƀon Yêrusalem, Păng mra tâm mpơl nau chrêk rmah Tanăp phung kôranh bu ranh Păng.

Daniel 12:3

Phung gĭt rbăng mra nchrat nâm bu nau ang ta klơ trôk; jêh ri phung njŭn leo âk bunuyh tât ma nau sŏng srăng mra nchrat ang nâm bu phung mănh ƀaƀơ n'ho ro.

Daniel 2:35

Rnôk nây loih, neh uk, kông, prăk jêh ri mah nchah hăch da dê, tâm ban ma lâk ta ntŭk mprah ba yan vai, jêh ri sial khôm rdu mâu hôm saơ têl ôh. Ƀiălah glo lŭ hŏ dong ta rup jêng du rplay yôk toyh, bêng lam neh ntu.

Daniel 2:44

Tâm rnôk phung hađăch aơ, Brah Ndu tâm trôk mra rdâk du rplay ƀon bri hađăch mâu mra mâp rai lôch ôh, nau chiă uănh ƀon bri hađăch nây mâu mra tŭp ma phung ndŭl mpôl êng. Ƀon bri hađăch nây mra dong nchah jêh ri ƀư rai lĕ rngôch ƀon bri hađăch êng, păng nơm mra hôm n'ho ro.

Daniel 7:14

Nơm Gŭ Rêh Bơh Rnôk Kăl E ăn ma nơm nây nau dơi chiă uănh, Nau chrêk rmah jêh ri ƀon bri hađăch. Ma lĕ rngôch phung ƀon lan, lĕ rngôch bri dak, lĕ rngôch nau ngơi Pah kan ma nơm nây da dê. Nau Păng chiă uănh jêng nau dơi n'ho ro, Mâu mra rlau lôch ôh, Jêh ri ƀon bri hađăch Păng mâu mra rai ôh, Mâu mra rai ôh.”

Daniel 7:27

Rnôk nây, ƀon bri hađăch nây, nau dơi chiă uănh Jêh ri nau toyh ma lĕ rngôch ƀon bri hađăch tâm neh ntu Mra dơi ăn ma ƀon lan phung koh ueh Nơm Dŭt Prêh. Ƀon bri hađăch Păng jêng ƀon bri hađăch n'ho ro Jêh ri lĕ rngôch nau dơi chiă uănh pah kan jêh ri tông bâr Păng da dê.’

Yôel 2:32

Rnôk nây, mbu nơm kuăl dăn amoh Brah Yêhôva mra dơi rklaih da dê Yorlah tĭng nau Brah Yêhôva, Ta klơ yôk Siôn jêh ri tâm ƀon Yêrusalem Mra geh bunuyh dơi tâm rklaih; Jêh ri tâm phung hôm e rêh klen, Mra dơi geh bunuyh Brah Yêhôva kuăl.

Mika 4:7

Jêh nây Gâp mra sŏk bunuyh kuet ƀư jêng phung ƀon lan hôm e klen Jêh ri phung bu chalơi jêng du bri dak dŭt janh: Brah Yêhôva mra chiă uănh khân păng ta klơ yôk Siôn Ntơm bơh aƀaơ aơ kŏ tât lĕ rngôch rnôk n'ho ro.

Sakari 14:9

Brah Yêhôva mra jêng hađăch ma lam neh ntu. Tâm nar nây, Brah Yêhôva mra jêng Nơm knŏng nguay, jêh ri amoh Păng mra geh knŏng nguay dơm.

Mathay 6:10

Ăn ƀon bri hađăch Mbơ̆ gơnh tât, Ăn nau May ŭch mra jêng, ta neh ntu tâm ban ma ta klơ trôk!

Mathay 6:13

Lơi ta njŭn leo hên tâm nau ndơm ôh, Ƀiălah ăn May rklaih hên bơh nơm tih mhĭk! [Yor ma ƀon bri hađăch, nau brah, nau chrêk rmah jêng ndơ mbơ̆ n'ho ro. Amen.]’

Luka 22:30

pôri khân may mra sông sa ta sưng ndrel ma Gâp tâm ƀon bri hađăch Gâp jêh ri mra gŭ ta klơ sưng hađăch gay phat dôih jât ma bar ndŭl mpôl phung Israel.”

I Timôthê 4:16

Njrăng hom ma may nơm jêh ri ma nau may nti lah; srôih tâm lĕ rngôch nau nây, yorlah ƀư tâm ban pônây, may nơm jêh ri phung gŭ iăt may geh nau rklaih da dê.

Yakơ 5:20

ăn khân may gĭt, mbu nơm leo du huê bunuyh tih plơ̆ tay bơh trong vĭ nhhơt, jêng rklaih huêng bunuyh nĕ tă bơh nau khĭt jêh ri âk nau tih păng bu mra yô̆ an.

Nau Tâm Mpơl 11:15

Tông mpăr rơh pơh uh nŭng, geh bâr dŭt nteh ngăn tă bơh ta klơ trôk lah pô aơ: “Ƀon bri hađăch neh ntu jêng ndơ Kôranh Brah he, Jêh ri Brah Krist Păng. Păng mra chiă uănh n'ho ro.”

Nau Tâm Mpơl 19:6

Jêh nây gâp tăng geh nteh nâm bu nteh du mpôl bunuyh âk ngăn, nâm bu nteh n'gôr âk n'hong dak, nâm bu nteh nglaih ktang, lah: “Halêluya! Yorlah Kôranh Brah he jêng Brah Ndu Geh Lĕ Nau Brah chiă uănh.

Nau Tâm Mpơl 20:4

Gâp saơ lĕ sưng hađăch, jêh ri phung bunuyh gŭ ta sưng hađăch bu ăn khân păng nau dơi phat dôih. Gâp saơ đŏng huêng phung khĭt bu koh trô ko yor khân păng mbơh nkoch ma Brah Yêsu jêh ri nau ngơi Brah Ndu, jêh ri huêng phung mâu yơk mbah ma mpô mpa dŭt janh ndrel ma rup păng, mâu sŏk dơn nau mbên ta ndăr kleng mâu lah ta ti khân păng nơm. Khân păng dơi dâk rêh tay jêh ri chiă uănh ndrel ma Brah Krist tâm du rbăn năm.

Phung Kôranh Phat Dôih 2:16

Nôk nây Brah Yêhôva n'hao phung kôranh phat dôih gay tâm rklaih khân păng bơh ti phung pit in drăp ndơn khân păng.

Phung Kôranh Phat Dôih 3:9

Phung ƀon lan Israel nter ma Brah Yêhôva jêh ri Brah Yêhôva n'hao ma khân păng du huê nơm rklaih jêng Y-Ôtniêl, kon bu klâu Y-Kênas, oh Y-Kalep, jêh ri păng rklaih khân păng.