Amôt 9:8 - Nau Brah Ndu Ngơi 2023

⁸ Aơ, trôm măt Kôranh Brah Yêhôva gŭ uănh ma ƀon bri hađăch geh nau tih aơ Jêh ri Gâp mra ƀư rai lơi khân păng bơh neh; Ƀiălah Gâp mâu mra ƀư rai ôh lĕ rngôch ngih Yakôb,” Brah Yêhôva lah kơt nây.

Amôt 9:8 Iomraidhean Croise

Nau Ntơm 6:7

Brah Yêhôva lah: “Gâp mra ƀư rai ƀhiau mpôl bunuyh bơh klơ neh, jêng ndơ Gâp hŏ njêng jêh, ntơm bơh kon bunuyh tât ma ntil mpô mpa, ntil mpô mpa vơr, ntil sĭm klơ trôk, yorlah Gâp nduyh tôr hŏ njêng jêh khân păng.”

Nau Ntơm 7:4

Yorlah hôm pơh nar đŏng, Gâp mra nkhŭt dak mih jŭr ta neh tâm puăn jât nar puăn jât măng, jêh ri Gâp mra pih kloh lĕ rngôch mpa rêh bơh klơ neh, jêng ndơ Gâp hŏ njêng jêh.”

I Phung Hađăch 13:34

Nau nây rlơ̆ jêng du nau tih toyh ma ngih Y-Jêrôbôam, kŏ tât nau chiă uănh Y-Jêrôbôam bu ƀư ăn rlâm jêh ri rai lôch lĕ bơh klơ neh ntu.

Nau Hôr 15:3

Măt Brah Yêhôva uănh tâm lam ntŭk, Sek uănh phung djơh mhĭk jêh ri phung ueh.

Nau Hôr 5:21

Yorlah lĕ trong kon bunuyh hăn gŭ panăp măt Brah Yêhôva, Păng rli lâng lĕ rngôch trong hăn khân păng.

Yêrêmi 30:11

Brah Yêhôva lah: ‘Yorlah Gâp gŭ ndrel ma may gay tâm rklaih may; Gâp mra ƀư rai lĕ bri dak Gâp hŏ nchah rai khân may tât ta nây, Ƀiălah đah may Gâp mâu ƀư rai lĕ ôh. May mâu mra der luh bơh nau tâm rmal Ƀiălah Gâp mra nduyh nkra may ma nau di.’

Yêrêmi 44:27

Aơ, Gâp mra gŭ rngeh gay ƀư nau mhĭk tât ăn ma khân păng mâu di ƀư nau ueh ôh; lĕ rngôch phung bu klâu Yuđa dôl gŭ tâm bri Êjipt mra khĭt da dê ma đao jêh ri nau sât ji ngot kŏ tât khân păng rai lôch lĕ.

Yêrêmi 46:28

Brah Yêhôva lah: “Ơ phung Yakôb phung oh mon Gâp, lơi ta klach ôh, Yorlah Gâp gŭ ndrel ma may. Gâp mra ƀư rai lĕ rngôch bri dak Gâp hŏ mprơh may tât jêh; Bi ma may Gâp mâu mra ƀư rai lôch ôh, May mâu mra rklaih ôh bơh nau tâm rmal Ƀiălah Gâp mra nduyh nkra may ma nau di.”

Yêrêmi 5:10

“Hăn hao hom klơ mbor krăk ƀâu jêh ri ƀư rai lơi, Ƀiălah lơi ta ƀư rai lĕ ôh; Koh mƀăr hom lĕ n'gĭng păng, Yorlah mâu jêng ndơ Brah Yêhôva ôh.

Ndrom Samƀŭt bơh Ôsê 1:4

Rnôk nây Brah Yêhôva lah ma păng: “Ntơ hom amoh păng jêng Y-Jesrêel, yorlah mâu hôm jŏ đŏng ôh Gâp mra tâm rmal ma ngih Y-Jêhu ma nau tih pling mham ta ntŭk Jesrêel, jêh ri mra ngroh lơi ƀon bri hađăch ngih Israel.

Ndrom Samƀŭt bơh Ôsê 1:6

Păng ntreo đŏng jêh ri deh du huê kon bu ur. Brah Yêhôva lah ma Y-Ôsê: “Ntơ hom amoh păng jêng H'Lô-Ruhama, yorlah Gâp mâu hôm yô̆ nđach ma ngih Israel, mâu lĕ yô̆ an ma khân păng đŏng ôh.

Yôel 2:32

Rnôk nây, mbu nơm kuăl dăn amoh Brah Yêhôva mra dơi rklaih da dê Yorlah tĭng nau Brah Yêhôva, Ta klơ yôk Siôn jêh ri tâm ƀon Yêrusalem Mra geh bunuyh dơi tâm rklaih; Jêh ri tâm phung hôm e rêh klen, Mra dơi geh bunuyh Brah Yêhôva kuăl.

Amôt 3:12

Brah Yêhôva lah: “Nâm bu phung rmăk biăp knŏng dơi đŏt mphâk bar mlâm jâng, Mâu lah du mlâm trôm tôr luh tă bơh trôm mbung yau mŭr Pôri phung ƀon lan Israel gŭ ta n'gor Samari, Ta njônh sưng jêh ri ta sưng bê̆ch bri Damas Ăt mra dơi rklaih tâm ban pônây lĕ.

Amôt 7:17

Yor nây, Brah Yêhôva lah: ‘Ur may jêng du huê bu ur tăch săk tâm ƀon toyh; Phung kon bu klâu jêh ri phung kon bu ur may mra cha lôt khĭt ma đao; Bri may bu mra veh jêh ri tâm pă, Bi may nơm mra khĭt tâm du n'gor bri ƀơ̆ ƀơch, Jêh ri nanê̆ ngăn Israel mra hăn jêng bu nă ngai ma bri khân păng nơm.’”

Amôt 9:10

Lĕ rngôch phung tih tâm phung ƀon lan Gâp, Jêng phung lah pô aơ: ‘Nau mhĭk mâu mra ban tĭng he ôh’ Pôri khân păng mra khĭt ma đao.”

Amôt 9:4

Nđâp tơlah khân păng hăn jêng bu nă Ta nây, Gâp mra ntĭnh ma đao, hăn nkhĭt lơi khân păng. Nanê̆ ngăn măt Gâp mra gŭ uănh khân păng Gay ƀư nau mhĭk mâu di nau ueh ôh.”

Nau Vay Nkah Tay 4:31

Yorlah Yêhôva Brah Ndu khân may jêng Brah Ndu bêng ma nau yô̆ nđach; Păng mâu mra chalơi khân may, mâu ƀư rai khân may, mâu đŏng chuêl nau tâm rnglăp Păng hŏ ton ma phung chô yau khân may.”

Nau Vay Nkah Tay 6:15

yorlah Yêhôva Brah Ndu may, Nơm gŭ ta nklang may, jêng Brah Ndu blau ntôn. Njrăng hom klach lah Yêhôva Brah Ndu may mra ji nuih ma may jêh ri ƀư rai lơi may bơh klơ neh.